ლადო კახაძე

მასალა ვიკიპედიიდან — თავისუფალი ენციკლოპედია
(გადამისამართდა გვერდიდან ვლადიმერ კახაძე)
Jump to navigation Jump to search
ლადო კახაძე
Flag of Tbilisi.svg
Seal of Tbilisi, Georgia.svg
თბილისის საკრებულოს თავმჯდომარე
თანამდებობაზე ყოფნის დრო
1998 – 2002
პრეზიდენტი  ედუარდ შევარდნაძე
მემკვიდრემიხეილ სააკაშვილი

დაბადებული28 ოქტომბერი, 1953 (1953-10-28) (66 წლის)
თბილისი
მოქალაქეობასაქართველოს დროშა საქართველო
ეროვნებაქართველი
პოლიტიკური პარტია • საქართველოს ლეიბორისტული პარტია (შალვა ნათელაშვილი)
 • დამოუკიდებელი
 • სახელმწიფო ხალხისთვის (პაატა ბურჭულაძე)
 • ქართული ოცნება
საქმიანობაექიმი, პოლიტიკოსი

ლადო კახაძე (დ. 28 ოქტომბერი, 1953, თბილისი) — ქართველი ექიმი, პოლიტიკოსი, ქ. თბილისის საკრებულოს თავმჯდომარე 1998-2002 წლებში, საქართველოს პარლამენტის დეპუტატი 2019 წლიდან.

ბიოგრაფია[რედაქტირება | წყაროს რედაქტირება]

ლადო კახაძე დაიბადა 1953 წლის 28 ოქტომბერს, თბილისში. 1978 წელს დაამთავრა თბილისის სახელმწიფო სამედიცინო ინსტიტუტის სამკურნაალო ფაკულტეტი. 1978-1979 წლებში იყო ექიმი-ინტერნი; 1979-1982 წლებში თბილისის სახელმწიფო სამედიცინო ინსტიტუტის სამკურნალო ფაკულტეტის მეანობა-გინეკოლოგიისა და სხივური დიაგნოსტიკის კათედრების კლინიკური ორდინატორი; 1982-1987 წლებში სტუდენტთა საკონსტრუქტორო სამეცნიერო-კვლევითი ბიუროს უფროსი ლაბორანტი.

1987-1992 წლებში საქართველოს დიაგნოსტიკის ცენტრის ულტრაბგერითი განყოფილების ხელმძღვანელი; 1993-1998 წლებში შპს სამედიცინო ფირმა „ლაფორტუნატოს" პრეზიდენტი.

1998-2002 წლებში გახდა თბილისის საკრებულოს თავმჯდომარე საქართველოს ლეიბორისტული პარტიიდან, თუმცა არჩევის შემდეგ მალევე დატოვა პარტია.[1]

2002-2006 წლებში სამედიცინო ფირმა „ლაფორტუნატის" კონსულტანტი; 2012 წლიდან კლინიკა „ოქსფორდ მედიქალ ჯორჯია"-ს ექიმი ექოსკოპისტი; 2015 წლიდან კლინიკა „აქსა მედიქალის" ექიმი რადიოლოგი. ეკუთვნის 1 საავტორო უფლება. არის სამეცნიერო ნაშრომების ავტორი.[2]

2016 წლის საპარლამენტო არჩევნების წინასაარჩევნო პერიოდში ლადო კახაძემ პაატა ბურჭულაძის პარტიას „სახელმწიფო ხალხისთვის“ 60 000 ლარი შესწირა და ამავე პარტიის სახელით კენჭი იყარა მთაწმინდის ოლქში, სადაც მხოლოდ 618 ხმა მიიღო.[1]

სალომე ზურაბიშვილის პრეზიდენტად არჩევისა და მის მიერ მთაწმინდის დეპუტატის უფლებამოსილების შეწყვეტის შემდეგ, 2019 წლის 25 მარტს ქართულმა ოცნებამ მთაწმინდის მაჟორიტარული ოლქის შუალედურ არჩევნებზე კანდიდატად წარადგინა.[1] ლადო კახაძის წარდგენისას საპარლამენტო უმრავლესობის წევრმა, მამუკა მდინარაძემ ყურადღება გაამახვილა იმაზე, რომ ლადო კახაძე „განსაკუთრებული კოლორიტულობით გამოირჩევა“.[3] პირველ ტურში მან ხმათა 41,01%, ხოლო მეორეში 61,83% მიიღო. [4][5]

ლადო კახაძე მთაწმინდის ოლქის პარლამენტის მაჟორიტარი დეპუტატის შუალედურ არჩევნებში მეორე ტურში გადავიდა, სადაც მიიღო 10 738 ხმა, რითაც ამომრჩეველთა 61,83%-ის მხარდაჭერა მოიპოვა და პირველი ადგილი დაიკავა.[6]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]