ლელო საქართველოსთვის
| ლელო საქართველოსთვის | |
| |
| ქვეყანა |  საქართველო
|
|---|---|
| თავმჯდომარე | მამუკა ხაზარაძე |
| გენერალური მდივანი | ბადრი ჯაფარიძე |
| დამფუძნებელი | 2019 წლის 22 დეკემბერი |
| წინამორბედი | საზოგადოებრივი მოძრაობა ლელო, ახალი მემარჯვენეები, შენების მოძრაობა |
| იდეოლოგია | ცენტრიზმი |
| ფერები | |
ლელო საქართველოსთვის — ცენტრისტული პოლიტიკური პარტია საქართველოში, რომელიც 2019 წლის 22 დეკემბერს დაფუძნდა.
ისტორია[რედაქტირება | წყაროს რედაქტირება]
პოლიტიკური გაერთიანება ლელო საქართველოსთვის 2019 წლის 22 დეკემბერს დაფუძნდა, როდესაც საზოგადოებრივი მოძრაობა „ლელო“, შენების მოძრაობა და ახალი მემარჯვენეები გაერთიანდა. ლელოსთან გაერთიანების შემდეგ ორივე პარტიამ არსებობა შეწყვიტა.[1] პოლიტიკური გაერთიანების დაფუძნებას წინ უძღვოდა მამუკა ხაზარაძის მიერ 2019 წლის ზაფხულში საზოგადოებრივი მოძრაობა ლელოს დაარსება.
2019 წლის დეკემბერში შექმნა პარტია ლელო საქართველოსთვის. ახალდაფუძნებული პარტიის პოლიტიკური საბჭო შედგებოდა 17 ადამიანისგან: ლაშა ბაქრაძე, საბა ბუაძე, დეა მეტრეველი, გრიგოლ გეგელია, თამაზ დათუნაშვილი, სოსო ვახტანგაშვილი, ანა ნაცვლიშვილი, ირაკლი კუპრაძე, მამუკა კაციტაძე, კახა კოჟორიძე, გია მორდეხაშვილი, თამარ შავგულიძე, დავით უსუფაშვილი, ფიქრია ჩიხრაძე, გიორგი კანაშვილი, კახა ხაზარაძე და ბადრი ჯაფარიძე. ლელო საქართველოსთვის თავმჯდომარე მამუკა ხაზარაძე გახდა[2]. მოგვიანებით, 2020 წლის ივნისში ლაშა ბაქრაძემ ლელო დატოვა[3].
2020 წლის წინასაარჩევნო პერიოდში ლელოს კიდევ რამდენიმე პოლიტიკური ლიდერი შეურთდა, მათ შორის ლევან კობერიძე ქართული ოცნებიდან და ლევან სამუშია თავისუფალი დემოკრატებიდან.
იდეოლოგია[რედაქტირება | წყაროს რედაქტირება]
„ლელო“ ცენტრისტულ პოლიტიკურ პოზიციებს იკავებს. ხაზარაძის თქმით, ბიზნესი უნდა იყოს მაქსიმალურად თავისუფალი სახელმწიფოს ჩარევისაგან. იმავე დროს, ლელო: „ემხრობა ბიზნესის სოციალურ პასუხისმგებლობას, ღირსეულ და დაცულ შრომას, მინიმალური ხელფასის დაწესებას, ბავშვთა შიმშილის დამარცხებას, განვითარებაზე ორიენტირებულ სახელმწიფოს და მწვანე პოლიტიკას“.[4]
ლიდერები[რედაქტირება | წყაროს რედაქტირება]
პოლიტიკურ გაერთიანებას მართავს პოლიტიკური საბჭო[1]
- პარტიის თავმჯდომარე — მამუკა ხაზარაძე
- პოლიტსაბჭოს თავმჯდომარე — დავით უსუფაშვილი
- გენერალური მდივანი — ბადრი ჯაფარიძე
- საზოგადოებრივ საქმეთა მდივანი — ანა ნაცვლიშვილი
- საგარეო საქმეთა ხელმძღვანელი — გრიგოლ გეგელია
- ახალგაზრდულ საქმეთა ხელმძღვანელი — საბა ბუაძე
- აღმასრულებელი მდივანი — კახა ხაზარაძე
სქოლიო[რედაქტირება | წყაროს რედაქტირება]
- ↑ 1.0 1.1 მამუკა კაციტაძე — მივიღეთ პოლიტიკური გადაწყვეტილება, პარტია „ახალი მემარჯვენეები” არსებობას წყვეტს
- ↑ https://www.ghn.ge/news/237409-lelo-sakartvelostvis-politikuri-sabchos-shemadgenloba-tsnoblia
- ↑ https://www.radiotavisupleba.ge/a/30659831.html
- ↑ გრიგოლ გეგელია — თავისუფალი ბაზარი და ბიზნესის სოციალური პასუხისმგებლობა თავსებადია