ელისო ბოლქვაძე

ელისო ბოლქვაძე
ბიოგრაფია
დაბ. თარიღი	2 იანვარი, 1967 (1967-01-02)
დაბ. ადგილი	თბილისი, საქართველო
წარმოშობა	საქართველო
საქმიანობა	პიანისტი
ინსტრუმენტ(ებ)ი	ფორტეპიანო
საიტი	ოფიციალური ვებ-გვერდი
ელისო ბოლქვაძე ვიკისაწყობში

ელისო ბოლქვაძე (დ. 2 იანვარი, 1967, თბილისი, საქართველო) — ქართველი პიანისტი. საქართველოს მე-10 მოწვევის პარლამენტის წევრი.

ბიოგრაფია

დაიბადა პოეტ ზაურ ბოლქვაძის ოჯახში. 7 წლის ასაკში წარუძღვა პირველ კონცერტს სიმფონიურ ორკესტრთან ერთად. ამას მალევე მრავალ საერთაშორისო კონკურსში გამარჯვება მოჰყვა.

ელისო ბოლქვაძე სწავლობდა თბილისის ნიჭიერთა ათწლედში. მოგვიანებით კი თბილისის კონსერვატორიაში - პროფესორ თენგიზ ამირეჯიბის ხელმძღვანელობით. მონაწილეობას იღებდა მოსკოვში ჩატარებულ ტატიანა ნიკოლაევას მასტერკლასებში.

კარიერა

ელისო ბოლქვაძე არის მრავალი ცნობილი საერთაშორისო კონკურსის ლაურეატი:

Van Cliburn (აშშ), Vianna da Motta (ლისაბონი), Axa International Piano Competition (დუბლინი) Marguerite Long Piano Competition (პარიზი), სადაც დაჯილდოვდა სპეციალური პრიზით, ფრანგული მუსიკის საუკეთესო შესრულებისთვის.

მიღებული აქვს საქართველოს სახელმწიფო პრემია და სპეციალური პრიზი „ქართული კულტურის ამაგდარი“.

პოლიტიკური კარიერა

2020 წლის 1 ოქტომბერს „ქართულმა ოცნებამ“ წარადგინა პროპორციული სიის 32-ე ნომრად. არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ქართული ოცნება — დემოკრატიული საქართველო“.

ჯილდოები

• 2018 — ღირსების ორდენი
• 2015 — იუნესკოს მშვიდობის არტისტის წოდება
• 1995 — მარგარიტა ლონგის სახელობის საერთაშორისო კონკურსი
• 1995 — ჟაკ ტიბოს სახელობის საერთაშორისო კონკურსი
• 1994 — პრიზი ფრანგული მუსიკის საუკეთესო ინტერპრეტაციისათვის
• 1993 — საქართველოს სახელმწიფო პრემია
• 1989 — ვან კლიბერნის სახელობის საერთაშორისო კონკურსი (ქ. ფორტ-უერთი, აშშ)
• 1987 — მუსიკოს-შემსრულებელთა ვიანა დე მოტას სახელობის ლისაბონის (პორტუგალია) X საერთაშორისო კონკურსი, II პრემია
• 1984 — მუსიკოს-შემსრულებელთა ბახის სახელობის საერთაშორისო კონკურსი (ლაიფციგი), VI პრემია

რესურსები ინტერნეტში

• ელისო ბოლქვაძის ბიოგრაფია დაარქივებული 2016-04-08 საიტზე Wayback Machine.
• ელისო ბოლქვაძე — საქართველოს ბიოგრაფიული ლექსიკონი
• ელისო ბოლქვაძე — საქართველოს პარლამენტის ოფიციალური საიტი (მოძველებული / არქივი / ახალი არქივი)