რამაზ ხუროძე

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
რამაზ ხუროძე
დაბ. თარიღი 9 ნოემბერი, 1944(1944-11-09) (77 წლის)
დაბ. ადგილი თბილისი
მოქალაქეობა Flag of the Soviet Union.svg სსრკ
Flag of Georgia.svg საქართველო
ალმა-მატერი საქართველოს ტექნიკური უნივერსიტეტი

რამაზ ხუროძე (დ. 9 ნოემბერი, 1944, თბილისი) — ქართველი ინჟინერი, მეცნიერი, პედაგოგი, ტექნიკის მეცნიერებათა დოქტორი, პროფესორი.

ბიოგრაფია[რედაქტირება | წყაროს რედაქტირება]

1966 წელს დაამთავრა საქართველოს პოლიტექნიკურო ინსტიტუტის ავტომატიკისა და გამოთვლითი ტექნიკის ფაკულტეტი.

1972-1981 წლებში იყო საქართველოს მეცნიერებათა აკადემიის არჩილ ელიაშვილის სახელობის მართვის სისტემების ინსტიტუტის უმცროსი და უფროსი მეცნიერი თანამშრომელი და აკადემიის პრეზიდიუმის გამოთვლითი ტექნიკის კომიისის სწავლული მდივანი. საქართველოს რესპუბლიკისა და თბილისის მეცნიერებათა და სასწავლო დაწესებულებების ხელმძღვანელი ორგანოების თანამშრომელი, 1982-1989 წლებში — საქართველოს კომპარტიის ცენტრალური კომიტეტის ინსტრუქტორი, 1986-1987 წლებში იყო საქართველოს კომპარტიის თბილისის კომიტეტის მეცნიერებისა და სასწავლებლების განყოფილების გამგე, 1987-1988 წლებში მუშაობდა საქართველოს უმაღლესი და საშუალო სპეციალობის განათლების მინისტრის პირველი მოადგილედ, 1988-1991 წლებში იყო საქართველოს განათლების მინისტრის მოადგილე, პირველი მოადგილე, 1991-1993 წლებში საქართველოს ტექნიკური უნივერსიტეტის პრორექტორი კადრებისა და კომერციული საქმიანობის დარგში. იმავე წელს არჩეულ იქნა ავტომატიკისა და ტელემექანიკის კათედრის დოცენტად. 1993-2006 წლებში იყო საქართველოს ტექნიკური უნივერსიტეტის რექტორი. სტუ-ს სრული პროფესორი. მრავალი სამეცნიერო ნაშრომის, სასწავლო სახელმძღვანელოსა და მონოგრაფიის ავტორი. საკანდიდატო დისერტაცია დაიცვა 1975 წელს გამოთვლითი ტექნიკის დარგში. იგი კანონიერად ითვლება საქართველოში მართვის სისტემების ანალოგურ მოწყობილობათა საიმედოობის მეცნიერული მიმართულების ერთ-ერთ ფუძემდებლად. ამ კუთხით მას გამოქვეყნებული აქვს 88-ზე მეტი ნაშრომი, მათ შორის, 15 მონოგრაფია, 13 სახელმღვანელო და 3 გამოგონება. მისი შრომები გამოქვეყნებულია არა მარტო საქართველოში, არამედ საზღვარგარეთ — რუსეთში, უკრაინაში, აშშ, გერმანიაში, ჰოლანდიაში, ბელგიასა და სხვა. იგი უცხოეთის მრავალი ქვეყნის სამეცნიერო საზოგადოების ნამდვილი წევრია. 2003 წელს Sigma Xi, the scientific Research Society-ის წევრად აირჩიეს.

სადოქტორო დისერტაციის თემა — „ანალოგიური ინფორმაციის შეგროვებისა და გარდაქმნის მოწყობილობათა საიმედოობის კომპლექსური შეფასება და მისი ამაღლების მეთოდები“, დაიცვა 1997 წელს.

ჯილდოები[რედაქტირება | წყაროს რედაქტირება]

  • 2000 — საქართველოს პრეზიდენტის ოქროს მედალი — „საქართველოს წარჩინებულ მოღვაწეს“.
  • 1998 — საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება).
  • 1998 — ღირსების ორდენი

ბიბლიოგრაფია[რედაქტირება | წყაროს რედაქტირება]

  • ნეიროინფორმატიკის საფუძვლები: სახელმძ სტუდენტებისათვის, ნაწ. 1, თბ., ტექნ. უნ-ტი, 2005, გვ. 144 ISBN 9994035657
  • საქართველოს ტექნიკური უნივერსიტეტი 80 წლისაა, 1922-2002: ფოტომატიანე, თბ., ტექნ. უნ-ტი, 2002, გვ. 202 ISBN 9992890363
  • ახალ დროს ახალი ადამიანები ქმნიან, თბ., ტექნ. უნ-ტი, 2002, გვ. 56 ISBN 9992890282
  • ამომცნობი სისტემების თეორიის საფუძვლები, თბ., ტექნ. უნ-ტი, 2001, გვ. 296 ISBN 9992888016

ლიტერატურა[რედაქტირება | წყაროს რედაქტირება]

  • საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ., თბ., 2012, გვ. 112
  • წიგნი ღირსებისა: ტ. 3, თამაზ ყიფიანი, თენგიზ გაჩეჩილაძე, გურამ სიმონიშვილი, თბ., 2001, გვ. 93

რესურსები ინტერნეტში[რედაქტირება | წყაროს რედაქტირება]