თინათინ სადუნიშვილი

თინათინ სადუნიშვილი
დაბადების თარიღი	22 დეკემბერი, 1952 (1952-12-22)
მოქალაქეობა	სსრკ →  საქართველო
ალმა-მატერი	თბილისის სახელმწიფო უნივერსიტეტი

თინათინ სადუნიშვილი (დ. 22 დეკემბერი, 1952, თბილისი) — ქართველი მეცნიერი, პედაგოგი, ბიოლოგიის მეცნიერებათა დოქტორი (1995), აკადემიკოსი, აკადემიკოს-მდივანი.

ბიოგრაფია

1975 წელს დაამთავრა თბილისის სახელმწიფო უნივერსიტეტის ბიოლოგიის ფაკულტეტი.

1974-1978 წლებში საქართველოს მეცნიერებათა აკადემიის ს. დურმიშიძის სახელობის ბიოქიმიისა და ბიოტექნოლოგიის უნივერსიტეტი, უფროსი ლაბორანტი; 1978-1985] წლებში უმცროსი მეცნიერ-თანამშრომელი; 1986-1994 წლებში უფროსი მეცნიერ-თანამშრომელი; 1994-1996 წლებში წამყვანი მეცნიერ-თანამშრომელი; 1994-2004 წლებში საქართველოს ტექნიკური უნივერსიტეტის ბიოტექნოლოგიის კათედრის პროფესორი; 1996-2005 წლებში მთავარი მეცნიერ-თანამშრომელი; 2005 წლიდან ლაბორატორიის ხელმძღვანელი; 1980 წელს ბიოლოგიის მეცნიერაბათა კანდიდატი; 1995 წელს ბიოლოგიის მეცნიერებათა დოქტორი; მეცნიერული ინტერესების სფერო: აზოტის შეთვისება და მეტაბოლიზმი მცენარეებში; ამონიუმის პირველადი ასიმილაცია; აზოტისა და ენერგეტიკული ცვლის ფერმენტების ფიზიკო-ქიმიური თვისებები, კინეტიკა და რეგულაცია. არის 100-ზე მეტი სამეცნიერო ნაშრომის ავტორი.

ორგანიზაციის წევრი

• საქართველოს მეცნიერებათა ეროვნული აკადემია, აკადემიკოსი (2015-)
• საქართველოს მეცნიერებათა ეროვნული აკადემია, წევრ-კორესპონდენტი (2009-)

ბიბლიოგრაფია

• მცენარე ჯანმრთელი გარემოსათვის (თანაავტორი), ბათუმი, საქ. მეცნ. აკად. ბიოქიმ. და ბიოტექნ. ინ-ტი, 2005, გვ. 232

ლიტერატურა

• საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე, თბ., 2012, გვ. 120;

რესურსები ინტერნეტში

• თინათინ სადუნიშვილი — საქართველოს ბიოგრაფიული ლექსიკონი