ზაალ სამადაშვილი

ზაალ სამადაშვილი
თბილისის მე-4 მოწვევის საკრებულოს თავმჯდომარე
თანამდებობაზე ყოფნის დრო
2010 – 26 ივლისი, 2013
პრეზიდენტი	მიხეილ სააკაშვილი
წინამორბედი	ზაალ სამადაშვილი
მემკვიდრე	ჯაბა სამუშია (მ/შ)
თბილისის მე-3 მოწვევის საკრებულოს თავმჯდომარე
თანამდებობაზე ყოფნის დრო
12 აპრილი, 2008 – 2010
წინამორბედი	ზაზა ბეგაშვილი
მემკვიდრე	ზაალ სამადაშვილი
დაბადებული	10 მარტი, 1953 (1953-03-10) თბილისი, საქართველოს სსრ
მოქალაქეობა	საქართველო
ეროვნება	ქართველი
განათლება	თბილისის სახელმწიფო უნივერსიტეტი
საქმიანობა	მწერალი, ენათმეცნიერი, მთარგმნელი და ესეისტი

ზაალ შოთას ძე სამადაშვილი (დ. 3 ოქტომბერი, 1953, თბილისი, საქართველოს სსრ) — ქართველი მწერალი, ესეისტი. თბილისის საკრებულოსთან ერთად ლიტერატურული პრემია „გალა“-ს დამაარსებელი.

ბიოგრაფია

დაიბადა თბილისში 1953 წლისა 3 ოქტომბერს. დედა — თამარ მიქაძე, მამა — შოთა სამადაშვილი. მეუღლე — ნანა იაშვილი (1954). შვილი — გიორგი (1981).

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის მექანიკა-მათემატიკის ფაკულტეტი.

პირველი მოთხრობა ბაბო დაჭრეს გამოაქვეყნა 1983 წელს ჟურნალ „ცისკარში“.

არის ავტორი სცენარისა სრულმეტრაჟიანი ფილმისათვის "თემო". ასევე დაწერილი აქვს სცენარი მოკლემეტრაჟიანი ფილმისათვის "გარსევანი".

მისი ჰობი ფეხით სიარულია და აქვს ასეთი მრწამსი: „ვცდილობ განვახორციელო პრინციპი: როცა არ მოგწონს სხვის მიერ გაკეთებული საქმე, შეეცადე შენ თვითონ გააკეთო უკეთესად. კამათში დაღლას შრომით დაღლა მირჩევნია“.

ზაალ სამადაშვილმა 2007 წელს თბილისის საკრებულოს მხარდაჭერით დააარსა გალა (ლიტერატურული პრემია), რომელიც წარმატებით გრძელდება წლების განმავლობაში.

ამჟამად მუშაობს მიხეილ სააკაშვილის საპრეზიდენტო ბიბლიოთეკაში.

გამოცდილება

• 1977 წ. ჰიდროენერგეტიკის სამეცნიერო კვლევითი ინსტიტუტი, ლაბოტრანტი.
• 1978-1980 წწ. გეოლოგიური ექსპედიცია.
• კავკასიის მინერალური ნედლეულის ინსტიტუტის ინჟინერი.
• საქართველოს ტექნიკური უნივერსიტეტი, ავტომატიკისა და ტელემექანიკის კათედრის ასისტენტი.
• 1983-1989 წ.წ. კინოსტუდია ,,ქართული ფილმის” მწერალთა შემოქმედებითი გაერთიანება.
• 1989-1994 წ.წ. გაზეთების ,,მამულისა” და ,,ქომაგის” თანამშრომელი, ჟურნალის ,,XX საუკუნე” მთავარი რედაქტორი.
• საქართველოს ტექნიკური უნივერსიტეტის ჰუმანიტარული ფაკულტეტის ლექტორი.
• 2005-2007 წ.წ. თბილისის #53 საჯარო სკოლის დირექტორი.
• 2006 წ. ქალაქ თბილისის საკრებულოს წევრი.
• 2008 წლის 12 აპრილიდან, 2013 წლის 26 ივლისამდე იყო ქალაქ თბილისის საკრებულოს თავმჯდომარე.

წიგნები

• გიტარაზე ამოთქმულ ხრინწიან სიმღერასავით (1994), ISBN 99928-39-04-X
• როგორც ძველ იტალიურ ფილმებში (1999), ISBN 99928-987-9-8
• ალი გამურულ შუშაში (2001), ISBN 99928-39-26-0
• ბოშები (2003), ISBN 99928-987-9-8
• პლეხანოვური ამბები (2004), ISBN 99940-30-23-X
• როგორ უყვარდათ ერთმანეთი (2004), ISBN 99940-817-2-1
• სანდრო კანდელაკის ჩექმა (2006), ISBN 99940-30-82-5
• მოთხრობები ბიჭებისთვის (2010), ISBN 978-9941-15-128-6

კინო

• თემო - კომპანია "ქართული ტელეფილმი", რეჟისორი ლევან ზაქარეიშვილი, 1986

პრემიები და ჯილდოები

• ლიტერატურული პრემია „საბა“ ნომინაციაში „წლის საუკეთესო პროზაული კრებული“ წიგნისათვის „იუნკერ ერისთავის ბუცები“, 2016

რესურსები ინტერნეტში

ვიკიციტატაში არის გვერდი თემაზე:

ზაალ სამადაშვილი

• ლიბ.ჯი–ზე დაარქივებული 2010-11-25 საიტზე Wayback Machine.
• "ყველაზე მეტად ვაფასებ არა იმას, რას წერენ, არამედ როგორ წერენ"
• ზაალ სამადაშვილი სტუმრად "ბიბლუსში" დაარქივებული 2016-03-05 საიტზე Wayback Machine.
• Facebook-ში
• Samadašvili, Zaal
• Zaal Samadašvili
• Zaal Samadashvili