ქუთაისის სახელმწიფო უნივერსიტეტი

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება

ქუთაისის აკაკი წერეთლის სახელმწიფო უნივერსიტეტი (აწსუ) — უმაღლესი სასწავლებელი საქართველოში, მდებარეობს ქუთაისში. უნივერსიტეტი ფაქტობრივად თბილისის სახელმწიფო უნივერსიტეტის წიაღში ჩამოყალიბდა.

1918 წელს დაარსებული თბილისის სახელმწიფო უნივერსიტეტი ხელისუფლებამ 1930 წელს გააუქმა და მის ბაზაზე ოთხი დამოუკიდებელი უმაღლესი სასწავლებელი შექმნა. ერთ-ერთი მათგანი იყო სახელმწიფო პედაგოგიური ინსტიტუტი, რომელიც 1930-1933 წლებში თბილისში ფუნქციონირებდა.

1933 წელს სახელმწიფო უნივერსიტეტი კვლავ აღსდგა, ხოლო პედაგოგიური ინსტიტუტი ქუთაისში გადაიტანეს. 1933-1990 წლებში ალექსანდრე წულუკიძის სახელობის სახელმწიფო პედაგოგიური ინსტიტუტის სტატუსით არსებობდა. 1990 წლის 3 სექტემბერს უმაღლესი სასწავლებელი ქუთაისის აკაკი წერეთლის სახელობის სახელმწიფო უნივერსიტეტად გარდაიქმნა.

2006 წლის 23 თებერვლის საქართველოს მთავრობის დადგენილების საფუძველზე განხორციელდა საჯარო სამართლის იურიდიული პირების - ქუთაისის აკაკი წერეთლის სახელობის სახელმწიფო უნივერსიტეტისა და ქუთაისის ნ. მუსხელიშვილის სახელობის სახელმწიფო ტექნიკური უნივერსიტეტის რეორგანიზაცია მათი გაერთიანების გზით. საგანმანათლებლო დაწესებულებას სტატუსად განესაზღვრა უნივერსიტეტი და ეწოდა აკაკი წერეთლის სახელმწიფო უნივერსიტეტი.[1].

უნივერსიტეტში წარმატებით მოღვაწეობდნენ და ლექციებს კითხულობდნენ: გიორგი ახვლედიანი (1887-1973), ალექსანდრე ბარამიძე (1902-1994), კოტე ბაქრაძე (1898-1970), ივანე ბერიტაშვილი (1884-1974), ნიკო ბერძენიშვილი (1894-1965), ანგია ბოჭორიშვილი (1902-1982), ლევან გოკიელი (1901-1975), ვარლამ თოფურია (1900-1966), ივანე კაჭარავა (1894-1977), კორნელი კეკელიძე (1879-1962), ნიკო კეცხოველი (1897-1982), მათე მირიანაშვილი (1906-1975), შალვა ნუცუბიძე (1888-1969), მიხეილ საბაშვილი (1900-1979), დიმიტრი უზნაძე (1886-1950), ალექსანდრე ფრანგიშვილი (1907-1989), სიმონ ყაუხჩიშვილი (1895-1981), აკაკი შანიძე (1887-1987), ვასილ ჩანტლაძე (1904 -1995), არნოლდ ჩიქობავა (1898-1985) და სხვა.

რექტორთა სია[რედაქტირება | წყაროს რედაქტირება]

ქუთაისის სახელმწიფო პედაგოგიური ინსტიტუტის რექტორები

  • ღენტორ რუხაძე 1933
  • დავით გვაზავა 1933-1935
  • ალექსანდრე პაპავა 1935-1936
  • დავით დოლიძე 1936- 1937
  • ნესტორ მექვაბიშვილი 1937
  • ლუკა ჭელიძე 1937-1962
  • ივანე გოშხეთელიანი 1962-1965
  • კონსტანტინე მეძველია 1965-1973
  • გივი ჩხაიძე 1974-1978
  • ოთარ ბაკურაძე 1978-1986
  • ნანული კაკაურიძე 1986-1990

ქუთაისის აკაკი წერეთლის სახელობის სახელმწიფო უნივერსიტეტის რექტორები

ქუთაისის სახელმწიფო პოლიტექნიკური ინსტიტუტის რექტორები

  • ნოდარ ვალიშვილი 1973–1989
  • არჩილ კოსტავა 1989–1993

ქუთაისის ნ. მუსხელიშვილის სახელობის სახელმწიფო ტექნიკური უნივერსიტეტის რექტორები

  • არჩილ კოსტავა 1993–2001
  • ამირან ხვადაგიანი 2001-2006

აკაკი წერეთლის სახელმწიფო უნივერსიტეტის რექტორები

  • გიორგი ონიანი 2006-2010
  • გიორგი ღავთაძე 2011-2015

იხილეთ აგრეთვე[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]