ალექსანდრე ლომაია

მასალა ვიკიპედიიდან — თავისუფალი ენციკლოპედია
Jump to navigation Jump to search
Disambig-dark.svg სხვა მნიშვნელობებისთვის იხილეთ ლომაია.
ალექსანდრე ლომაია
ალექსანდრე ლომაია
საქართველოს მუდმივი წარმომადგენელი გაერთიანებული ერების ორგანიზაციაში
თანამდებობაზე ყოფნის დრო
1 იანვარი, 2009 – ოქტომბერი 27, 2012
პრეზიდენტი  მიხეილ სააკაშვილი

ეროვნული უშიშროების საბჭოს მდივანი
თანამდებობაზე ყოფნის დრო
2007 – 2009

განათლებისა და მეცნიერების მინისტრი
თანამდებობაზე ყოფნის დრო
2004 – 2007

საქართველოს ელჩი რუსეთში
თანამდებობაზე ყოფნის დრო
1991 – 1991

დაბადებული27 ივლისი, 1963 (1963-07-27) (56 წლის)
თბილისი
მოქალაქეობასაქართველოს დროშა საქართველო
ჯილდოებიGEO St-George Victory Order BAR.svg

ალექსანდრე (კახა) ლომაია (დ. 27 ივლისი, 1963, თბილისი, საქართველოს სსრ) — ქართველი პოლიტიკოსი, დიპლომატი და სახელმწიფო მოღვაწე. 2004–2007 წლებში იყო საქართველოს განათლებისა და მეცნიერების მინისტრი.

1985 წელს დაამთავრა საქართველოს პოლიტექნიკური ინსტიტუტი ინჟინერ-ჰიდრომშენებლის სპეციალობით, ხოლო 1992 წელს — მოსკოვის საინჟინრო-სამშენებლო ინსტიტუტის ასპირანტურა. არის ტექნიკურ მეცნიერებათა კანდიდატი. 1985–1987 წლებში მუშაობდა „თბილჰიდროპროექტის“ ინსტიტუტში ინჟინრად; 1989-1992 წლებში იყო მოსკოვის ქართული სათვისტომოს დარბაზის წევრი. 1991 წელს მოსკოვში დაინიშნა საქართველოს მთავრობის წარმომადგენლის მოადგილედ, შემდეგ წარმომადგენლის მოვალეობის შემსრულებლად. 1995–2000 წლებში მუშაობდა ევრაზიის ფონდის სამოქალაქო საზოგადოებისა და მედიის პროგრამის კოორდინატორად, ხოლო 2000-2002 წლებში ამავე ფონდის საქართველოს წარმომადგენლობის დირექტორად.

2002-2003 წლებში იყო საერთაშორისო ორგანიზაციის „დიმოკრასი ქოალიშნის“ რეგიონული დირექტორი ყოფილი საბჭოთა კავშირის ქვეყნებში; 2003-2004 წლებში — ფონდი „ღია საზოგადოება-საქართველოს“ აღმასრულებელი დირექტორი. 2004 წლის 17 თებერვალს დაინიშნა საქართველოს განათლებისა და მეცნიერების მინისტრად, ხოლო 2007 წლის 19 ნოემბერს — ეროვნული უშიშროების საბჭოს მდივნად. 2009 წლის 1 იანვარს დაინიშნა გაერთიანებული ერების ორგანიზაციაში საქართველოს მუდმივ და სრულუფლებიან წარმომადგენლად.

როგორც საქართველოს მუდმივმა წარმომადგენელმა გაერთიანებული ერების ორგანიზაციაში, ალექსანდრე ლომაიამ 50-ზე მეტ სახელმწიფოსთან დაამყარა დიპლომატიური ურთიერთობები.

რესურსები ინტერნეტში[რედაქტირება | წყაროს რედაქტირება]

Commons-logo.svg
ვიკისაწყობში? არის გვერდი თემაზე: