რაჭის ქედი

მასალა ვიკიპედიიდან — თავისუფალი ენციკლოპედია
Jump to navigation Jump to search
რაჭის ქედი
რაჭის ქედის ხედი საჩხერის მუნიციპალიტეტიდან ჯაბა ლაბაძის ფოტო
რაჭის ქედის ხედი საჩხერის მუნიციპალიტეტიდან
ჯაბა ლაბაძის ფოტო
კოორდინატები: 42°27′36″ ჩ. გ. 43°39′07″ ა. გ. / 42.46000° ჩ. გ. 43.65194° ა. გ. / 42.46000; 43.65194
ქვეყანა საქართველოს დროშა საქართველო
უმაღლესი წერტილი მაჩხარახოხი
სიმაღლე 3007 
სიგრძე 85 კმ
რაჭის ქედი — საქართველო
რაჭის ქედი

რაჭის ქედი — გასწვრივი გვერდითი ქედი კავკასიონის სამხრეთ კალთაზე, იწყება კავკასიონის მთავარ ქედზე, მწვერვალ ზეკარასთან და მთავრდება დასავლეთით მდინარე რიონის მარცხენა ნაპირზე.  სიგრძე — 85 კმ. სიმაღლე — 2862 მ-მდე. აღმოსავლეთ ნაწილში აგებულია იურული ფიქლებითა და პორფირიტული წყებებით, დასავლეთით — ცარცული კირქვებით. რაჭის ქედზეა მწვერვალები: მაჩხარახოხი, სირხლებერთა (ლებეურის მთა), დაღვერულა, ხიხათა, ველტყევი, საწალიკე, ნაქერალა, თავშავა და სხვა; უღელტეხილები:ლეთა, ერწო, ხიხათა, ნაქერალა და სხვა. სამხრეთი კალთა ციცაბოა, ჩრდილოეთი — დამრეცი, სადაც მდებარეობს შაორის ტაფობი.

შაორის ქვაბული კარსტული ღრმულია, რომელიც წყალსაცავადაა გამოყენებული. ქედის დასავლეთ ნაწილისათვის დამახასიათებელია რელიეფის კარსტული ფორმების სიუხვე. რაჭის ქედის კალთები შემოსილია ფართოფოთლოვანი ტყით, ჩრდილოეთ კალთაზე წიფლნარ-მუქწიწვიანებიც არის, თხემზე აღმოსავლეთ ნაწილში სუბალპური და ალპური მდელოებია.

იხილეთ აგრეთვე[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]