წყნეთი — დაბათბილისის დაქვემდებარებაში, ვაკის რაიონში. მდებარეობს თბილისის ცენტრიდან 8 კმ-ზე, თრიალეთის ქედის აღმოსავლეთ კალთაზე, მდინარე ვერის ხეობაში,. ზღვის დონიდან 700-1100 მ-ზე. წყნეთი ადგილობრივი მნიშვნელობის მთის კლიმატური კურორტია. აქ ზაფხული თბილი იცის (ივლისის საშუალო ტემპერატურა 20 გრადუსი), ზამთარი რბილი. დაბის სტატუსი მიიღო 1967 წელს. 2014 წლის აღწერის მონაცემებით, სოფელში ცხოვრობს 7 166 კაცი[1].
წყნეთის მიდამოებში მიკვლეულია გვიანდელი ბრინჯაოს ხანის კერამიკული ნაკეთობები და სამარხები. იგი ძველთაგანვე ცნობილია როგორც სააგარაკო ადგილი. ინტენსიური სააგარაკო განაშენიანება ქვემო წყნეთში დაიწყო XIX ს-ის II ნახევარში, ზემო წყნეთში - XX ს-ში. შემორჩენილია სამი მცირე ეკლესია. წყნეთი სასოფლო ტიპის დასახლებაა. ამის მიუხედავად აქ არის კარგად მოწვობილი ინფრასტუქტურა. წყნეთის ცენტრში მდებარეობს მაღაზიები, კაფეები, საცხოვრებელი ბინები და რამდენიმე დასასვენებელი სკვერი.
საქართველო
