ჩოხატაური

მასალა ვიკიპედიიდან — თავისუფალი ენციკლოპედია
Jump to navigation Jump to search
დაბა
ჩოხატაური
Chokhatauri.jpg
დაბის ცენტრი
ქვეყანა საქართველოს დროშა საქართველო
მხარე გურიის მხარე
მუნიციპალიტეტი ჩოხატაურის მუნიციპალიტეტი
კოორდინატები 42°01′03″ ჩ. გ. 42°15′20″ ა. გ. / 42.01750° ჩ. გ. 42.25556° ა. გ. / 42.01750; 42.25556
ადრეული სახელები ჩახატაური
ამჟამინდელი სტატუსი 1947
ფართობი 204 კმ²
ცენტრის სიმაღლე 150 მეტრი
მოსახლეობა 1815 კაცი (2014)
სატელეფონო კოდი +995 419[1]
საფოსტო ინდექსი 4900[2]
ჩოხატაური — საქართველო
ჩოხატაური
ჩოხატაური — გურიის მხარე
ჩოხატაური

ჩოხატაურიდაბა გურიის მხარეში, ჩოხატაურის მუნიციპალიტეტის ადმინისტრაციული ცენტრი. მოსახლეობა 2.2 ათასი (2006). დაბაში არის ადმინისტრაციული, და ჯანდაცვის დაწესებულებები, ერთი საჯარო და ერთი სამრევლო სკოლა, მცირე საწარმოები, საფეხბურთო კლუბი „ბახმარო“.

გეოგრაფია[რედაქტირება | წყაროს რედაქტირება]

მდებარეობს გურიის ქედის სამხრეთ კალთის ძირას, მდინარე სუფსის მარჯვნივ, ზღვის დონიდან 150 მ. რკინიგზის სადგურ საჯავახოდან 20 კმ-ის მანძილზე. დაბაში საჯავახო-ოზურგეთი-ქობულეთის საავტომობილო გზა.

ისტორია[რედაქტირება | წყაროს რედაქტირება]

სახელწოდება „ჩოხატაურის“ ადრინდელი ფორმაა „ჩახატაური“, რომელიც ნაწარმოებია საგვარეულო სახელიდან — ჩახატარაშვილი, ჩხატარაშვილი. 1820 წლის აპრილიდან აგვისტომდე იმერეთის აჯანყების დროს ჩოხატაური წარმოადგენდა რუსეთის იმპერიის ჯარებისა და აჯანყებულ გურულებს შორის ბრძოლების ერთ-ერთ ადგილს. აჯანყების დამარცხების შემდეგ ჩოხატაურში დარჩა რუსული საგუშაგო. 1884 წელს სოფელში გაიხსნა ორკლასიანი სასწავლებელი, ხოლო 1901 წელს — ბიბლიოთეკა. XIX საუკუნის ბოლოსთვის ჩოხატაური წარმოადგენდა ქუთაისი-ოზურგეთის გზისპირა სოფელს, სადაც მდებარეობდა კანცელარია, ფოსტა, სასამართლო, ამბულატორია, დუქნები და სხვ, იყო მოსახლეობის აქტიური მისვლა-მოსვლის ადგილი, შედიოდა ფარცხმის საზოგადოებაში. 1896 წლიდან ჩოხატაურის სოფლის ექიმი იყო გრიგოლ ქუთათელაძე, 1900 წლიდან — გალაკტიონ ნადირაძე. 1930 წელს გახდა ჩოხატაურის რაიონის ადმინისტრაციული ცენტრი. დაბის სტატუსი მიენიჭა 1947 წელს. 1958 წელს გაიხსნა აკადემიკოს ნიკოლოზ ბერძენიშვილის სახელობის მხარეთმცოდნეობის მუზეუმი. პირველი ექსპოზიცია მოეწყო 1961 წელს.

მოსახლეობა[რედაქტირება | წყაროს რედაქტირება]

აღწერის წელი მოსახლეობა კაცი ქალი
1908[3] 611
1959 Increase2.svg 2622 1188 1434
1970 Decrease2.svg2136 1002 1134
1979 Increase2.svg 2361 1103 1258
1989 Increase2.svg 2633 1270 1363
2002 Decrease2.svg 2130
2014 Decrease2.svg 1815

გალერეა[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]