თხინვალა

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
სოფელი
თხინვალი
Gabashvili Palace and St George Church, Tkhinvali 1.jpg
გაბაშვილების სასახლე და წმ. გიორგის ეკლესია
ქვეყანა საქართველოს დროშა საქართველო
მუნიციპალიტეტი თბილისი
კოორდინატები 41°44′39″ ჩ. გ. 44°41′23″ ა. გ. / 41.74417° ჩ. გ. 44.68972° ა. გ. / 41.74417; 44.68972
პირველი ხსენება XV საუკუნე
ადრეული სახელები თხილოვნა
ცენტრის სიმაღლე 770
მოსახლეობა 357[1] კაცი (2014)
ეროვნული შემადგენლობა ქართველები (99%)[2]
თხინვალა — საქართველო
თხინვალა
თხინვალა — თბილისი
თხინვალა

თხინვალი — სოფელი თბილისში, თრიალეთის ქედზე, ლისის ტბის დასავლეთით. ზღვის დონიდან 770 მეტრ სიმაღლეზე, თბილისის რკინიგზის სადგურიდან 10 კმ.

ისტორია[რედაქტირება | წყაროს რედაქტირება]

წერილობით წყაროებში თხინვალი (თხილოვნა, თხილნარა) პირველად XV საუკუნეში იხსენიება. XV საუკუნემდე სოფელი გაბაშვილების მფლობელობაში იყო. 1466 წელს მეფე კონსტანტინემ იგი ჯავახიშვილებს უწყალობა, ხოლო XVIII საუკუნის დასაწყისიდან თხინვალი ციციშვილების სამფლობელოა. 2007 წლამდე სოფელი ექვემდებარებოდა მცხეთის მუნიციპალიტეტის ლისის თემს.

დემოგრაფია[რედაქტირება | წყაროს რედაქტირება]

2014 წლის აღწერის მონაცემებით სოფელში ცხოვრობს 357 კაცი.

აღწერის წელი მოსახლეობა კაცი ქალი
1989[3] 230 -- --
2002[2] Increase2.svg 303 139 164
2014[1] Increase2.svg 357 167 190

ისტორიული ძეგლები[რედაქტირება | წყაროს რედაქტირება]

სოფლიდან 2 კილომეტრზე შემორჩენილია ქართული ხუროთმოძღვრების ძეგლები: გაბაშვილების სასახლის ნანგრევები და წმ. გიორგის ეკლესია (XVII-XVIII სს).[4]

სასახლე ნახევარწრიული ბურჯებით გამაგრებული აგურის ორსართულიანი შენობა იყო, ყოველ სართულს ისრული კამარით გადახურული თითო დარბაზი ჰქონდა. შენობაში შერწყმული იყო საცხოვრებელი სახლისა და გამაგრებული კოშკის ფუნქციები.

ეკლესია ნაშენია აგურით. მოგვიანებით იგი მეორე (გარეთა) კედლით გაუმაგრებიათ. გარედან მარტივია, შიგნით გვიანდელი ფეოდალური ხანის ქართული საერო ხუროთმოძღვრების გავლენა იგრძნობა (კედლის ღრმა ნიშების მწკრივი, ამოკაწრული დეკორატიული სახეები).

ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. 1.0 1.1 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). ციტირების თარიღი: 7 ნოემბერი, 2016.
  2. 2.0 2.1 საქართველოს მოსახლეობის 2002 წლის პირველი ეროვნული საყოველთაო აღწერის ძირითადი შედეგები, ტომი II
  3. ენციკლოპედია „თბილისი“, თბილისი, 2002 წ., გვ. 555.
  4. უნივერსალური ენციკლოპედიური ლექსიკონი