ვაშლიჯვარი

ვაშლიჯვარი — თბილისის ერთ-ერთი უბანი, საბურთალოს რაიონში; ყოფილი სოფელი.

ვაშლიჯვარი განლაგებულია თბილისის ცენტრიდან სამხრეთ-დასავლეთით თრიალეთის ქედის ერთ-ერთი განშტოების კალთაზე, ზღვის დონიდან 450-500 მეტრზე, მტკვრის მარჯვენა ნაპირზე საბურთალოს და სოფელ დიღომს შორის, ჩრდილოეთიდან დიღმისწყალი საზღვრავს, აღმოსავლეთიდან საქართველოს სამხედრო გზამდე ვრცელდება, დასავლეთიდან მას ესაზღვრება ლისის ტბის მიმდებარე ტერიტორიები. უბნის ტერასულ დაგეგმარებაზე დიდი გავლენა იქონია ღრმა ხევებით დასერილმა ქანობიანმა რელიეფმა.

თბილისს შეერწყა 1972 წ. დაგეგმარდა და გაშენდა 1980-იან და 1990-იან წლებში. სოფელი ვაშლიჯვარი, რომელმაც სახელი მისცა თბილისის ახალ უბანს, დასახლების აღმოსავლეთ ნაწილში მოექცა.

ლიტერატურა

• შეგიძლიათ იხილოთ მედიაფაილები თემაზე „ვაშლიჯვარი“ ვიკისაწყობში.
• კვირკველია, თ., ძველთბილისური დასახელებანი, თბილისი: საბჭოთა საქართველო, 1985.