ფასანაური

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
დაბა
ფასანაური
ფასანაური 1870-იან წლებში
ფასანაური 1870-იან წლებში
ქვეყანა საქართველოს დროშა საქართველო
მხარე მცხეთა-მთიანეთი
მუნიციპალიტეტი დუშეთის მუნიციპალიტეტი
კოორდინატები 42°20′47″ ჩ. გ. 44°41′34″ ა. გ. / 42.34639° ჩ. გ. 44.69278° ა. გ. / 42.34639; 44.69278
მოსახლეობა 1148[1] კაცი (2014)
სატელეფონო კოდი +995 346[2]
საფოსტო ინდექსი 1800[3]
ფასანაური (საქართველო)
Red pog.svg

ფასანაურიდაბა დუშეთის მუნიციპალიტეტში. მდებარეობს მდინარეების მთიულეთის და გუდამაყრის არაგვის შესაყართან, საქართველოს სამხედრო გზაზე (ზღვის დონიდან 1050 მ, დუშეთიდან 47 კმ). დაბის სტატუსი მიენიჭა 1966 წელს. ფასანაური ტურიზმის ერთ-ერთი კერაა, მიმდებარე რაიონში არქიტექტურისა და კულტურის მნიშვნელოვანი ძეგლებია. ფასანაური მთიულეთის ცენტრადაა მიჩნეული, რომლის შემადგენლობაშიც 15 სოფელი შედის: ბანცური, დავითურნი, ვეშაგურნი, ზემო ამირნი, მეჯილაურნი, სოდევე, უკანამხარი, ჩადისციხე, ჩირიკი, ცხვედიეთი, წინამხარი, წინკობანი, წიფორი, ჭიკაანი და ხევშა. ადგილობრივი მცხოვრებლები, სწორედ დაბა ფასანაურის ჩრდილოეთით არსებულ ტერიტორიას მოიხსენიებს მთიულეთად. ფასანაური საკურორტო ზონაა, რომელიც გასაოცარი ბუნებით, მრავალფეროვანი ფლორითა და ფაუნით, მრავალი ისტორიული ადგილითა და საინტერესო ლეგენდებითაა ცნობილი.

დემოგრაფია[რედაქტირება | წყაროს რედაქტირება]

2014 წლის აღწერის მონაცემებით დაბაში ცხოვრობს 1148 ადამიანი.[1]

აღწერის წელი მოსახლეობა
1989 2084[4]
2002 1583[4] Decrease2.svg
2014 1148 Decrease2.svg

კლიმატი[რედაქტირება | წყაროს რედაქტირება]

ფასანაურში ზომიერად ნოტიო ჰავაა, იცის ზომიერად ცივი ზამთარი და ხანგრძლივი გრილი ზაფხული. საშუალო წლიური ტემპერატურაა 7,8 °C. იანვრის -4,1 °C, ივლისის +18,5 °C. მინიმალური ტემპერატურა -30 °C, მაქსიმალური +36 °C. ნალექები 1000 მმ წელიწადში.გადმოცემებიდან ცნობილია, რომ ეს ადგილი ძველად წარმოადგენდა ვაჭრობის ერთ–ერთ ცენტრს, თანამედროვე გაგებით, ის საბაჟო–გამშვები პუნქტის ფუნქციას ასრულებდა. მისი სახელწოდებაც სწორედ ამ ფაქტმა განაპირობა, სავარაუდოდ ის დაკავშირებული სიტყვასთან „ფასი“. დაბას მუდამ მრავალი ტურისტი სტუმრობს. ძველად ფასანაურში 3 სასტუმრო ფუნქციონირენდა. დღეს მხოლოდ სასტუმრო არაგვია დარჩენილი, რომელიც მუდამ ბევრ დამსვენებელს მასპინძლობს. ფასანაური ცნობილია მთიულური სამზარეულოთი, განსაკუთრებულ მოწონებას, რა თქმა უნდა, ფასანაურული ხინკალი იმსახურებს. დაბაში მდებარეობს წმ. პეტრეს და პავლეს სახელობის ეკლესია, რომელსაც აუარებელი მრევლი ჰყავს. აღსანიშნავია, რომ აქ მცხოვრები ხალხი ტრადიციების მიმდევარი და ძველი წეს–ჩვეულებების დამცველია. ასე რომ, აღმოსავლეთ მთიანეთის მოყვარულთათვის ფასანაური იდეალური დასასვენებელი ადგილია ზამთარშიც და ზაფხულშიც.

სქოლიო[რედაქტირება | წყაროს რედაქტირება]

  1. 1.0 1.1 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). წაკითხვის თარიღი: 6 სექტემბერი 2016.
  2. საქართველოს სატელეფონო კოდები — „სილქნეტი“
  3. საქართველოს საფოსტო ინდექსები — „საქართველოს ფოსტა“
  4. 4.0 4.1 საქართველოს მოსახლეობის 2002 წლის პირველი ეროვნული საყოველთაო აღწერის შედეგბი, ტომი I. საქართველოს სტატისტიკის ეროვნული სამსახური (ნოემბერი 2003). წაკითხვის თარიღი: 28 სექტემბერი, 2016.