პორტალი:ახალი ამბები/საქართველო/2009

ოქტომბერი

12 ოქტომბერი, 2009

• ევროპის საბჭომ გამოაქვეყნა ანგარიში საქართველოში ეროვნულ უმცირესობათა დაცვის შესახებ. დასკვნაში საუბარია საქართველოში ამ კუთხით არსებულ დადებით და უარყოფით ტენდენციებზე. (რადიო "თავისუფლება")

6 ოქტომბერი, 2009

• დანიის საგარეო საქმეთა მინისტრი პერ სტიგ მიოლერი სოხუმში აფხაზეთის სეპარატისტული რესპუბლიკის საგარეო საქმეთა მინისტრს, სერგეი შამბას შეხდვა. (civil.ge)
• საქართველოს პრეზიდენტმა მიხეილ სააკაშვილმა საქართველოს პარლამენტის წინაშე სიტყვით გამოსვლისას ახალი ეკონომიკური ინიციატივები წარადგინა (itv.ge)

5 ოქტომბერი, 2009

• ადამიანის უფლებათა დამცველი საერთაშორისო ორგანიზაცია Human Rights Watch (HRW) საქართველოს და რუსეთის მიერ ჩადენილი სამხედრო დანაშაულების გამოძიების აუცილებლობაზე საუბრობს. საქმე ეხება რუსეთ-საქართველოს ომის დროს "ომის კანონების დარღვევას" (civil.ge)

3 ოქტომბერი, 2009

• გარდაიცვალა ქართველი კომპოზიტორი ალექსანდრე ბასილაია (ghn.ge)

1 ოქტომბერი, 2009

• საქართველოს ფეხბურთის ფედერაციის პრეზიდენტად აირჩიეს ზუგდიდის საფეხბურთო კლუბ ”ბაიას” მფლობელი ზვიად სიჭინავა. სიჭინავა პრეზიდენტობის უკონკურენტო კანდიდატი იყო. (რადიო "თავისუფლება")
• 76 წლის ასაკში გარდაიცვალა ცნობილი მწერალი, სახელმწიფო და შოთა რუსთაველის სახელობის პრემიების ლაურეატი, ოთარ ჭილაძე. (რადიო "თავისუფლება")
• ევროსაბჭოს საპარლამენტო ასამბლეამ რუსეთს ხმის უფლება შეუნარჩუნა, მიუხედავად იმისა, რომ რომ რუსეთს არ შეუსრულებია იმ მოთხოვნების უმრავლესობა, რომლებიც საქართველო-რუსეთის ომის შემდეგ ასამბლეამ რუსეთს წაუყენა. (რადიო "თავისუფლება")

სექტემბერი

30 სექტემბერი, 2009

• ევროკავშირის სპეციალურმა მისიამ ჰაიდი ტალიავინის თავმჯდომარეობით რუსეთ-საქართველოს ომის შესახებ დასკვნა გამოაქვეყნა (civil.ge დასკვნის ტექსტი)

29 სექტემბერი, 2009

• საერთაშორისო ორგანიზაციამ ადამიანის უფლებათა საერთაშორისო ფედერაცია” (FIDH) საქართველოში 8 პოლიტპატიმრის არსებობის ფაქტი დაადასტურა (რადიო "თავისუფლება")

25 სექტემბერი, 2009

• საქართველოს პრეზიდენტმა, მიხეილ სააკაშვილმა გაეროს გენერალური ასამბლეის სხდომაზე სიტყვით გამოსვლისას გამოხატა მზადყოფნა, მხარი დაუჭიროს ყველა მერის (თბილისის, ბათუმის, ქუთაისის, ფოთისა და რუსთავის მერები) პირდაპირი წესით არჩევას civil.ge

22 სექტემბერი, 2009

• "ალიანსმა საქართველოსთვის", რომლის წევრებიც არიან საქართველოს რესპუბლიკური პარტია, ახალი მემარჯვენეები და ჩვენი საქართველო - თავისუფალი დემოკრატები, განაცხადა, რომ თბილისის თვითმმართველობის არჩევნებში მერის კანდიდატურაზე ალიანსის ლიდერს, ირაკლი ალასანიას, წარადგენს, ხოლო საკრებულოს თავმჯდომარედ - ყოფილ სახალხო დაცველს - სოზარ სუბარს. (civil.ge)

12 სექტემბერი, 2009

• გალში ექვსი მიკროავტობუსი გაძარცვეს, მათ ათამდე შეიარაღებული თავდამსხმელელი დაესხა თავს, რომელთა უსაფრთხოებასაც რუსი ოკუპანტები იცავდნენ. (რუსთავი2)

11 სექტემბერი, 2009

• ვენეციის 66-ე კინოფესტივალზე წარმატება ხვდა ნუცა ალექსი-მესხიშვილის სურათს „ბედნიერება“. მოკლემეტრაჟიანი ფილმების კონკურსში ჟიურის საგანგებო პრიზი დაიმსახურა „სერიოზული ეკონომიკური და პოლიტიკური პრობლემისადმი ორიგინალური და მხიარული მიდგომისთვის“. (რადიო თავისუფლება)

10 სექტემბერი, 2009

• ვენესუელა საქართველოს სეპარატისტული რეგიონების დამოუკიდებლობას ცნობს. (რადიო თავისუფლება)

7 სექტემბერი, 2009

• საქართველოს პრეზიდენტმა შეიწყალა სანდრო გირგვლიანის მკვლელობის საქმეში მსჯავრდებული ოთხი პატიმარი. (Civil.Ge), (News.info.ge)

ივლისი

31 ივლისი, 2009

• საქართველოს პარლამენტი:
  • იაპონიაში ელჩის თანამდებობაზე რევაზ ბეშიძე დაამტკიცეს. (Cilil.Ge)
  • საზოგადოებრივი მაუწყებლის შესახებ კანონში შევიდა ცვილლება, რომლითაც სამეურვეო საბჭოს წევრთა რაოდენობა 9-დან 15-მდე გაიზარდა. ასევე დამტკიცდა 3 ახალი წევრი. (Cilil.Ge)
• სეპარატისტული სამხრეთ ოსეთის პრეზიდენტი ედუარდ კოკოითი საქართველოს ხელისუფლებისგან თრუსოს ხეობის „დაბრუნებას“ ითხოვს. (Cilil.Ge)

30 ივლისი, 2009

• ორფოლოს პოლიგონზე საქართველოს შეიარაღებული ძალების საველე-ტაქტიკური სწავლება „ფარი 2009“ დასრულდა. (Cilil.Ge)

27 ივლისი, 2009

• ოპოზიცია ქუჩის აქციებს დროებით წყვეტს და კონსულტაციებს აგრძელებს მომავალ გეგმებთან დაკავშირებით. (Cilil.Ge)
• ევროკავშირმა საქართველოში სადამკვირვებლო მისიის მანდატი კიდევ ერთი წლით, 2010 წლის 14 სექტემბრამდე გააგრძელა. (Cilil.Ge)
• საქართველოში ღორის გრიპის მეორე შემთხვევა დაფისქირდა, ინფიცირებული პიროვნება ესპანეთიდან ჩამოვიდა. (Cilil.Ge)

25 ივლისი, 2009

• სტატისტიკის დეპარტამენტის მონაცემებით 2009 წლის იანვარ-ივნისში საქართველოს საგარეო სავაჭრო ბრუნვა 2507,6 მლნ. $ შეადგენს, რაც წინა წლის ანალოგიურ მაჩვენებელზე 37,2 %-ით ნაკლებია. (საქართველოს სტატისტიკა), (Cilil.Ge)

24 ივლისი, 2009

• 15 კვირიანი გადაკეტვის შემდეგ, პოლიციამ ოპოზიციის დადგმული საკნები ტროტუარებზე გადაიტანა და რუსთაველის გამზირზე მოძრაობა აღადგინა. (Cilil.Ge)

20 ივლისი, 2009

• საქართველოს საზოგადოებრივი მაუწყებელის ხელმძღვანელი ლევან ყუბანეიშვილი გადადგა. (Cilil.Ge)

18 ივლისი, 2009

• საქართველოში ღორის გრიპის პირველი შემთხვევა დაფისქირდა, ინფიცირებული პიროვნება ლონდონიდან ერევნის რეისით ჩამოფრინდა, ამჟამად იზოლირებულია და თავს კარგად გრძნობს. (Cilil.Ge)

17 ივლისი, 2009

• პარლამენტმა მაჰმადიანი მესხების რეპატრიანტობის განაცხადების შემოტანის ბოლო ვადა 2010 წლის 1 იანვრამდე გადაწია. ამ დროისთვის დაახლოებით 2000 ოჯახს სურს საქართველოში რეპატრიაცია. (Cilil.Ge)
• პარლამენტმა მიტინგების ახალი წესების შესახებ კანონპროექტი მესამე, საბოლოო მოსმენით დაამტკიცა. (Cilil.Ge)

16 ივლისი, 2009

• პოლიტიკური გერთიანება „ალიანსი საქართველოსთვის“ ლიდერმა ირაკლი ალასანიამ ახალი პოლიტიკური პარტია „ჩვენი საქართველო - თავისუფალი დემოკრატები“ დააფუძნა. ალასანიას განცხადებით პარტია მემარჯვენე–ცენტრისტული იდეოლოგიის იქნება. (Cilil.Ge)
• პარლამენტმა ახალი ცვლილებები მიტინგების ახალი წესების კანონპროექტი მეორე მოსმენით მიიღო. (Cilil.Ge)

14 ივლისი, 2009

• ნაქერალას უღელტეხილზე მომხდარი ავტოკატასტროფის მსხვერპლთა პატივსაცემად მთავრობა გლოვის დღე გამოაცხადა. (Cilil.Ge), (1 არხი)
• მედია ჰოლდინგ „იმედს“ ახალი ხელმძღვანელი ჰყავს გიორგი არველაძის სახით. (Cilil.Ge)

13 ივლისი, 2009

• პარტია „საქართველოს გზა“ ლიდერმა სალომე ზურაბიშვილმა განაცხადა, რომ ოპოზიციამ გადაწყვიტა რუსთაველის გამზირიდან საკნების აღება. (Cilil.Ge)
• რუსეთის პრეზიდენტი დიმიტრი მედვედევი ცხინვალში ჩავიდა ოფიციალური ვიზიტით. (1 არხი)

12 ივლისი, 2009

• პრეზიდენტის ავლაბრის რეზიდენცია ოფიციალურად გაიხსნა. (president.gov.ge), (1 არხი)
• პარლამენტმა მანიფესტაციების ახალ წესებზე კანონპროექტი, პირველივე მოსმენით მიიღო.(Civil.Ge)

10 ივლისი, 2009

• საპროტესტო აქციების ერთ–ერთი ორგანიზატორი, ოპოზიციონერი პოლიტიკოსი ლევან გაჩეჩილაძე, ახალ საზოგადოებრივ მოძრაობას „დაიცავი საქართველო“ ქმნის.(Civil.Ge)
• სოფელ იგოეთთან მიმდინარე არქეოლოგიურ გათხრებზე აღმოჩენილია ძვ. წ. lV ს–ის, წარჩინებული პირის სამკერდე ნიშანი – მოოქროვილი ბრინჯაოს მედალიონი, რომელიც უნიკალურია ამ მომენტითვის. (1 არხი)
• რუსეთ-საქართველოს ომის შედეგად დაზარალებული მოსახლეობის დასახმარებლად შვედეთის მთავრობა, იუნისეფთან ერთად, 2 მილიონ ევროს გამოყოფს. (1 არხი)
• ლეიბორისტულიმა პარტიამ კომპანია „ჯორჯიან ვოთერ ენდ ფაუერის“ შენობასთან აქცია გამართა და გზა გადაკეტა, წყალზე ტარიფის შემცირების მოთხოვნით. (1 არხი)
• თბილისის მერიის მიერ ინიცირებული პროექტის „ძველი თბილისის ახალი სიცოცხლე“ განხორციელება დაიწყო. პროექტის მთავარი მიზანია: მოსახლეობის საცხოვრებელი პირობების გაუმჯობესება თბილისის ძველ უბნებში. (1 არხი)

9 ივლისი, 2009

• საქართველოს მომხმარებელთა ფედერაციამ 27 დასახელების, ქართული და უცხოური წარმოების ნაყინი გამოიკვლია, უარყოფითი შედეგი დაფიქსირდა იმპორტირებულ პროდუქციაზე. (1 არხი)
• რუსულმა ჟურნალმა Moscow Defense Brief-მა გამოაქვეყნა ცნობები რუსეთ-საქართველოს ომის დროს რუსეთის საჰაერო ძალების დანაკარგების შესახებ, სადაც აღნიშნულია, რომ რუსეთმა 6 თვითმფრინავი დაკარგა, აქედან 3 შეცდომით თავად რუსებმა ჩამოაგდეს. (Civil.Ge)

8 ივლისი, 2009

• მსახიობ ოთარ კობერიძის ვარკვლავი გაიხსნა კინოთეატრ რუსთაველის წინ. (1 არხი)
• სეპარატისტული აფხაზეთი საქართველოს ადანაშაულებს უპილოტო თვითმფრინავებით აფხაზეთის ტერიტორიის დაზვერვის განაახლებაში, თუმცა საქართველოს ხელისუფლებამ ბრალდება უარყო. (Civil.Ge)

7 ივლისი, 2009

• საპროტესტო აქციების მონაწილე ოპოზიციური ძალები აპროტესტებენ ხელისუფლების ინიციატივას, საპროტესტო აქციების წესების გამკაცრებასთან დაკავშირებით. (Civil.Ge)

6 ივლისი, 2009

• საპარლამენტო უმცირესობის წევრი პარტია ქრისტიან-დემოკრატები ინიციატივით გამოდიან, რაც შსს-ს „დეპოლიტიზაციას“ გულისხმობს. (Civil.Ge)

4 ივლისი, 2009

• თბილისის ეთნოგრაფილ მუზეუმში გაიხსნა ტრადიციული, ყოველწლიური ფესტივალი არტ-გენი, რომელიც 26 ივლისს საზეიმოდ დაიხურება. (1 არხი)
• ევროპის ადამიანის უფლებათა სასამართლომ საქართველოს სარჩელი რუსეთის წინააღმდეგ, საქართველოს მოქალაქეთა დეპორტაციის შესახებ, დაუშვა განხილვაზე. (Civil.Ge)

3 ივლისი, 2009

• ტელეკომპანია მაესტრომ 10 წლით სატელიტური მაუწყებლობის უფლება მოიპოვა. (Civil.Ge)

2 ივლისი, 2009

• სამხრეთ ოსეთის ტერიტორიაზე მომსახურე რუსმა ჯარისკაცმა დიმიტრი არტემიევმა, თვითნებურად მიატოვა ნაწილი და ქართულ მხარეს ჩაბარდა. შემთხვევა რუსულმა მხარემაც დაადასტურა. (Civil.Ge)

1 ივლისი, 2009

• საერთაშორისო არასამთავრობო ორგანიზაცია „ფრიდომ ჰაუსის“ კვლევის შედეგებით, საქართველოში დემოკრატიის ხარისხი 2008 წელს, 2005 წლის შემდეგ, ყველზე დაბალ ნიშნულზე ჩამოვიდა. (Civil.Ge)
• ჟენევის მოლაპარაკებების მეექვსე შეხვედრა გაიამრთა. (Civil.Ge)

ივნისი

30 ივნისი, 2009

• 17-წლიანი მუშაობის შემდეგ, ეუთოს მისია საქართველოში ოფიციალურად დაიხურა. (Civil.Ge)]
• შსს-ს განცხადებით, ოპოზიციური პარტიების ოფისებში აღმოჩენილი მოსასმენი მოწყობილობები მოძველებულია და საქართველოს სპეც-სამსახურები 6 წელია აღარ იყენებენ. ფაქტზე აღძრულია სისხლის სამართლის საქმე. (Civil.Ge)

28 ივნისი, 2009

• პარტიები საქართველოს გზა და საქართველოს კონსერვატიული პარტია იუწყებიან, რომ მათ ოფისებში მოსასმენი მოწყობილობები აღმოაჩინეს. (Civil.Ge)

27 ივნისი, 2009

• ნატო და რუსეთი შეთანხმდნენ სამხედრო ურთიერთობების აღდგენაზე, 10-თვიანი წყვეტის შემდეგ რუსეთ-საქართველოს ომის გამო. (Civil.Ge)

25 ივნისი, 2009

• პრეზიდენტ მიხეილ სააკაშვილს, სომხეთის პრემიერ-მინისტრ ტიგრან სარქისიანთან შეხვედრისას ერევანში, ადგილობრივმა ახალგაზრდულმა დაჯგუფებებმა მიტინგი გაუმართეს, სადაც ჯავახეთის სომეხი მოსახლეობის მოთხოვნები გაახმოვანეს. (Civil.Ge)

24 ივნისი, 2009

• ევროპის საბჭოს საპარლამენტო ასამბლეამ მიიღო თავის რეზოლუციაში „ადამიანის უფლებათა მდგომარეობა ევროპაში და ასამბლეის მონიტორინგის პროცედურის პროგრესი“ შეშფოთება გამოხატა უცნობი პირების მხრიდან მომიტინგეებზე თავდასხმების ფაქტების გამო და მიუთითა მათ სრულ გამოძიებაზე. (Civil.Ge)
• საქართველოს ლეიბორისტული პარტია თბილისში ამოქმედებულ პარკირების ახალ სისტემას აპროტესტებს, მისი გაუმართაობის გამო და საჯარიმო თანხის შემცირებას მოითხოვს. (1 არხი)
• საპროტექსტო აქციების ორგანიზატრმა ოპოზიციურმა პარტიებმა პრეზიდენტის რეზიდენციასთან განთავსებული საკნების დროებით აღება გადაწყვიტეს. (Civil.Ge)

22 ივნისი, 2009

• აშშ-მ და საქართველომ სტრატეგიული პარტნიორობის ერთობლივი საბჭო დაარსეს, რომლის მიზანიც მანამდე გაფორმებული ქარტიის განხორციელების ხელშეწყობაა. (Civil.Ge)
• ექს-პრემიერ-მინისტრი გრიგოლ მგალობლიშვილი ნატოში საქართველოს წარმომადგენლად წარადგინეს.(Civil.Ge)
• წალენჯიხის რაიონის სოფელ მუჟავასთან განლაგებულ ქართულ საგუშაგოს ცეცხლი გაუხსნეს რუსეთის კონტროლირებადი ტერიტორიიდან, დაშავებულები არ არიან. შსს-ს ცნობით აფეთქებულია 500 კვტ-იანი ელექტროგადამცემი ხაზი. (Civil.Ge)

21 ივნისი, 2009

• აფხაზეთის ადმინისტრაციული საზღვრის სიახლოვეს ევროკავშირის დამკვირვებელთა მანქანა და თანმხლები სასწრაფო დახმარების მანქანა ნაღმზე აფეთქდა. ამ უკანასკნელის მანქანის მძღოლი გარდაიცვალა, დაშავებულია ერთი ექიმი. (EUMM), (Civil.Ge)

20 ივნისი, 2009

• აშშ-ის პრეზიდენტმა ბარაკ ობამამ საქართველოში ელჩად ჯონ ბასი დაასახელა. (Civil.Ge)

19 ივნისი, 2009

• საქართველოს სახალხო დამცველი სოზარ სუბარი საქართველოში აკრედიტებულ ზოგიერთ ელჩს ორმაგი სტანდარტებისთვის აკრიტიკებს. [1]
• გავრცელებული ცნობით, სამართალდამცავებმა პრეზიდენტის ავლაბრის რეზიდენციასთან საკნები დაარბიეს, თუმცა შსს უარყოფს პოლიციის მონაწილეობას. (Civil.Ge), [2]

17 ივნისი, 2009

• ინგოროყვას ქუჩაზე, კანცელარიასთან, საპატრულო პოლიციამ [[|საკნები აიღო და საავტომობილო მოძრაობა გახსნა. [3]

16 ივნისი, 2009

• ტელეკომპანიებმა კავკასიამ და მაესტრომ მაუწყებლობა განაახლეს. „კავკასიას“ განცხადებით შსს-ს მიერ დაბრუნებული მასალა წაშლილი და დამონტაჟებულია. (Civil.Ge)
• რუსეთის ვეტოს შედეგად, გაეროს მისია საქართველოში 16 წლიან მოღვაწეობას ასრულებს. (Civil.Ge), [4]

15 ივნისი, 2009

• საქართველო გზის ლიდერი სალომე ზურაბიშვილი მზადაა მიიღოს პრეზიდენტ მიხეილ სააკაშვილის შეთავაზება შინაგან საქმეთა მინისტრის ვანო მერაბიშვილის პირველი მოადგილის თანამდებობის დაკავებაზე. (Civil.Ge)
• პოლიციის სამმართველოსთან ოპოზიციის მიტინგი პოლიციამ ხელკეტებით დაარბია:
  • შსს-ს განცხადებით პოლიცია შეეცადა გაეხსნა მომიტინგეების მიერ ბლოკირებული შესასვლელი და სამანქანო გზა, რაზეც მომიტინგეებმა ფიზიკური წინააღმდეგობა გაწიეს. თვითმხილველთა თქმით მომიტინგეები არ კეტავდნენ გზას და შესასვლელს, რადგან შენობის მოპირდაპირე მხარეს იდგნენ. პოლიციამ ჟურნალისტებს კამერები წაართვა და ფიზიკური შეურაცხყოფა მიაყენა რამდენიმე მათგანს. (Civil.Ge)
  • ძლიერაა ნაცემი ალიანსი საქართველოსთვის ერთ-ერთი წევრი ზურაბ აბაშიძე (Civil.Ge)
  • დაკავებულია 39 აქტივისტი. (Civil.Ge)
  • ტელეკომპანიები კავკასია და მაესტრო, პოლიციის სამმართველოსთან მომხდარი ინციდენტის გამო პროტესტის ნიშნად წყვეტენ მაუწყებლობას. (Civil.Ge)
  • შსს-მ ოფიციალური განცხადებით ბოდიში მოიხადა ჟურნალისტების ცემის ფაქტზე. (Civil.Ge)
• გაეროს ოფისთან გამართულ აქციაზე ავტომანქანა შევარდა ხალხის მასაში და სამი ქალი გაიტანა. არიან დაშავებულები, მსხვერპლი არ არის. (Civil.Ge)
• 12 ივნისს პარლამენტთან მომხდარ ინციდენტთან დაკავშირებით კიდევ ორი აქტივისტი დააკავა პოლიციამ. (Civil.Ge)

14 ივნისი, 2009

• აშშ-ის საელჩომ საქართველოში ოფიციალური განცხადებით დაგმო პარლამეტარების შეურაცხყოფა მომიტინგეების მხრიდან. (Civil.Ge)

13 ივნისი, 2009

• საფრანგეთის ელჩმა საქართველოში ერიკ ფრუნიემ დაგმო 12 ივნისს პარლამენტთან მომხმდარი ინციდენტი და მოუწოდა პოლიტიკურ ძალებს ძალადობის პროვოცირების თავშეკავებისგან. (Civil.Ge)
• კათოლიკოს-პატრიარქმა ილია II-მ გაეროს გენერალურ მდივანს პან გი მუნს ღია მიმართვა გაუგზავნა, სადაც სთხოვს გამონახოს „მეთოდები და საშუალებები მშვიდობიანი გზით საქართველოს ტერიტორიული მთლიანობის აღდგენისთვის“. (Civil.Ge)

12 ივნისი, 2009

• საპროტესტო აქციების ორგანიზატორი ოპოზიციური პარტიები ერთობლივი განცხადებით მოუწოდებენ საერთაშორისო საზოგადოებას ხელისუფლების მხრიდან პოლიტიკური ოპონენტების დევნა-რეპრესიები შეაჩერონ. (Civil.Ge)
• პარლამენტმა რიგგარეშე სხდომა გამართა პირველად, საპროტესტო აქციების გამო ორთვიანი შეჩერების შემდეგ. (Civil.Ge)
  • რუსთავი 2-ის ყოფილი დირექტორი ირაკლი ჩიქოვანი, არჩეულია კომუნიკაციების ეროვნული კომისიის წევრად. (Civil.Ge)
  • მომიტინგეებსა და პარლამეტის დაცვას შორის შეხლა-შემოხლა მოხდა, როდესაც პარლამენტის თავმჯდომარის მანქანა ტოვებდა პარლამენტის ტერიტორიას, ხოლო მომიტინგეებმა სცადეს კვერცხების დაშენა. (Civil.Ge)
  • აქციის წევრებმა რამდენიმე დეპუტატი სირცხვილის კორიდორში გაატარეს. შედეგად დაკავებულია 5 აქტივისტი, რომელთაც ბრალად ედებათ სიტყვიერი და ფიზიკური შეურაცხყოფის მიყენება პარლამენტის წევრებისთვის. (Civil.Ge)

11 ივნისი, 2009

• აფხაზეთის ავტონომიური რესპუბლიკის მთავრობის თავმჯდომარემ - მალხაზ აქიშბაიამ თანამდებობა დატოვა. (Civil.Ge)
• მოსკოვში დაკავებულია კრიმინალური ავტორიტეტი ტარიელ ონიანი, რომელსაც საქართველოს ხელისუფლება არეულობების დაფინანსებაში ადანაშაულებდა. (Civil.Ge)
• ღამით ზუგდიდში სამი აფეთქება მოხდა - ორი რკინიგზის მახლობლად, ხოლო მესამე ქალაქის პოლიციის ქვეგანყოფილებასთან. მსხვერპლი არ არის, დაშავებულია ერთი. (Civil.Ge)

10 ივნისი, 2009

• თბილისში, ოფიციალური ვიზიტით სამხრეთ კავკასიური ტურნეს ფარგლებში ჩამოვიდა ფილიპ გორდონი, ევროპისა და ევრაზიის საკითხებში აშშ-ის სახელმწიფო მდივნის მოადგილე. (Civil.Ge)

9 ივნისი, 2009

• ოპოზიციის ერთ-ერთი ლიდერი ლევან გაჩეჩილაძე პრეზიდენტ სააკაშვილს შეხვდა შავნაბადას რეზიდენციაში. (Civil.Ge), [5]
• ოპოზიციის ნაწილმა აქცია გამართა გენერალურ პროკურატურასთან და შსს ახალ შენობასთან. (Civil.Ge)
• პრეზიდენტმა სააკაშვილმა კატეგორიულად მოითხოვა მცირეწლოვანი პაციენტის საავადმყოფოში დაბრუნება, რომელიც მისმა მშობლებმა რელიგიური მოტივით საავადმყოფოდან გაიყვანეს და უარი თქვეს მკურნალობის გაგრძელებაზე. (Civil.Ge)

8 ივნისი, 2009

• ფინანასთა მინისტრი კახა ბაინდურაშვილი ეკონომიკის შემცირებას საპროტესტო აქციებს აბრალებს. (Civil.Ge)
• დამოუკიდებელ ექსპერტთა კლუბი მოუწოდებს პარლამენტარებს საკუთარი ნებით უარი თქვან მანდატზე და ამით ხელი შეუწყონ ქვეყანაში პოლიტიკური კრიზისის განმუხტავს. (მედიანიუსი), (Civil.Ge)
• ოპოზიციამ საკნები აიღო რუსთაველის გამზირზე სასტუმრო თბილისის წინ მდებარე მონაკვეთიდან. (Civil.Ge)

7 ივნისი, 2009

• თბილისში, მეიდანზე საიათნოვას მემორიალი გაიხსნა. (1 არხი)

6 ივნისი, 2009

• შსს თანამშრომლებმა პარტია დემოკრატიული მოძრაობა - ერთიანი საქართველოს აქტივისტი, შსს-ს ყოფილი თანამშრომელი, დააკავეს ცეცხლსასროლი იარაღის შეძენის, შენახვის და ტარების ფაქტზე. (Civil.Ge)
• საქართველოს მთავრობა გამოდის საბიუჯეტო ცვლილებების ინიციატივით, რაც ითვალისწინებს ხარჯების გაზრდას 312 მილიონი ლარით. (Civil.Ge)

5 ივნისი, 2009

• საპროტესტო აქციების ორგანიზატორმა ოპოზიციურმა პარტიებმა სამოქმედო გეგმა გააცნეს საქართველოში მოქმედ ელჩებს. (Civil.Ge)
• პრეზიდენტმა მიხეილ სააკაშვილმა განაცხადა, რომ ვადამდელი არჩევნები მიუღებელია. (Civil.Ge)
• პრეზიდენტმა, მარტვილში ჩაის ფაბრიკის გახსნაზე, ყოფილი თანაგუნდელები გააკრიტიკა და დაადანაშაულა „ფულის კეთებაში“ მთავრობაში ყოფნისას. (Civil.Ge)

4 ივნისი, 2009

• რუსეთის მთავრობა ეუთოს სთხოვს შეიქმნას ორი სადამკვირვებლო მისია - ერთი თბილისში, მეორე კი ცხინვალში, რითაც აისახება პოსტომის რეალობა. (Civil.Ge)

3 ივნისი, 2009

• საერთაშორისო არასამთავრობო ორგანიზაცია Transparency International-მა 2009 წლის გლობალური კორუფციის ბარომეტრი გამოაქვეყნა, რომლის მიხედვითაც საქართველოში კორუფციის უდიდესი წილი სასამართლოზე მოდის. (Civil.Ge)
• საპროტესტო აქციების ორგანიზატორმა პარტიებმა ვალდებულებათა ქარტია მიიღეს, სადაც გაწერილია ვალდებულებები, რომლებსაც აიღებენ ხელმომწერი პოლიტილური ძალები ხელისუფლების შეცვლის შემდეგ. (Civil.Ge)

2 ივნისი, 2009

• შსს-მ აღიარა 6 მაისს თბილისის პოლიციის მთავარ სამმართველოსთან მომიტინგეებთან მომხდარი დაპირისპირების დროს არალეტალური ტყვიების გამოიყენება. (Civil.Ge)
• მომავლის პარტიის ლიდერი გია მაისაშვილი, პოლიტიკურ „ალიანს თავისუფლებისთვის“ ტოვებს.
• აშშ-მ სამხეთ ოსეთში გამართული საპარლამენტო არჩევნები არ ცნო ლეგიტიმურად. (Civil.Ge)
• დასავლეთ საქართველოში, გვიან ღამით ზუგდიდი-ხობის სარკინიგზო მონაკვეთზე აფეთქება მოხდა, შედეგად შეფერხდა მატარებლის მოძრაობა. დაშავებულები არ არიან. (Civil.Ge)
• ეროვნული გვარდიის დეპარტამენტს ახალი ხელმძღვანელი ჰყავს ზურაბ არსოშვილის სახით. (Civil.Ge)

1 ივნისი, 2009

• ოპოზიციამ გვიან ღამით თავისუფლების მოედნიდან საკნები აიღო. (Civil.Ge)
• სეპარატისტულ სამხრეთ ოსეთის საპარლამენტო არჩევნებში პროსახელისუფლო ძალები ლიდერობენ. (Civil.Ge)

მაისი

31 მაისი, 2009

• სეპარატისტულ სამხრეთ ოსეთში საპარლამენტო არჩევნები გაიმართა. (Civil.Ge)

30 მაისი, 2009

• სიღნაღში, ფიროსმანის მუზეუმში პაბლო პიკასოს ნამუშევრების გამოფენა გაიხსნა. გამოფენაზე წარმოდგენილია ზერვოსის მუზეუმში დაცული, ბოლო პერიოდის 40 მონოგრაფია (ლინოგრავიურა). გამოფენა ერთ თვეს გასტანს, შემდეგ მას თბილისში, ხელოვნების მუზეუმში გადმოიტანენ. (1 არხი), (სემ)

29 მაისი, 2009

• შსს-მ 28 მაისის შეტაკებაში მონაწილე, პოლიციაზე თავდასხმაში ეჭვმიტანილი ორი პიროვნება დააკავა, კიდევ სამი ძებნაშია. (Civil.Ge)
• საპატრიარქოს მოწოდების პასუხად, მმართველი პარტია მზადაა თბილისის მერის ვადამდელ არჩევნებზე მოსალაპარაკებლად ოპოზიციასთან. (Civil.Ge)

28 მაისი, 2009

• გვიან საღამოს პარლამენტის მიმდებარე ტერიტორიაზე აქციის მონაწილეებსა და პოლიციას შორის მოხდა მცირე შეტაკება, შსს-ს განცხადებით ფიზიკური დაზიანება მიიღო ხუთმა პოლიციელმა, აქედან სამი დაიჭრა. (1 არხი)
• საქართველოს საპატრიარქო ხელისუფლებას არსებული მწვავე პოლიტიკური სიტუაციის გასამუხტად „ქმედითი ნაბიჯებისკენ“ მოუწოდებს. (Civil.Ge), (1 არხი)
• არასაპარლამენტო ოპოზიციის ერთმა ნაწილმა, მხარდამჭერებთან ერთად მერიის ახალ შენობასთან აქცია-პიკეტი გამართა. (Civil.Ge)
• სეპარატისტული აფხაზეთის ვიცე-პრეზიდენტი რაულ ხაჯიმბა გადადგა. (Civil.Ge)

27 მაისი, 2009

• ბათუმში ოფიციალურად გაიხსნა სანავიგაციო კოშკურის - თავისუფლების ჩირაღდნის მშენებლობა. (1 არხი)

26 მაისი, 2009

• არასაპარლამენტო ოპოზიციამ დაგეგმილი საპროტესტო აქცია გამართა ეროვნულ სტადიონზე. ლიდერთა 3 საათიანი გამოსვლების შემდეგ, მომიტინგეებმა სამების საკათედრო ტაძარში გადაინაცვლეს. საღამოს 9 სთ-თვის კი ოპოზიციის ნაწილმა პარლამენტთან შეკრებილ ხალხს სამოქმედო გეგმა გააცნო: რკინიგზის, მაგისტრალებისა და აეროპორტის გადაკეტვა. რის შემდეგაც მომიტინგეებმა 3 სთ-ით თბილისის ცენტრალურ სადგურთან რკინიგზა გადაკეტეს. (1 არხი), (Civil.Ge), [6]
• საქართველოს დამოუკიდებლობის დღესთან დაკავშირებით მუხათგვერდის ძმათა სასაფლაო გაიხსნა. (1 არხი)

25 მაისი, 2009

• საქართველოს პრეზიდენტმა მიხეილ სააკაშვილმა შოთა რუსთაველის სახელობისა და საქართველოს ეროვნული პრემიების ლაურეატები დააჯილდოვა. პრემიების გაცემა 2008 წლის 2 ივლისის ბრძანებულებით განახლდა. (1 არხი)
• საქართველოს მთავრობამ ნატოს სპეციალურ წარმომადგენელს სამხრეთ კავკასიასა და ცენტრალურ აზიაში რობერტ სიმონს, ქვეყნის წლიური ეროვნული პროგრამა გადასცა. (Civil.Ge)
• ტელეკომპანია „მაესტროს“ ოფისთან ღამის 3 საათზე აფეთქება მოხდა, შედეგად ჩაიმსხვრა შენობის შუშები და დაზიანდა რკინის კარი, დაშავებულები არ არიან. (Civil.Ge)

23 მაისი, 2009

• წყალდიდობა კახეთში, სტიქიამ 3 ადამიანი ისმხვერპლა. (Civil.Ge)

22 მაისი, 2009

• თბილისში, რიყეზე ტაქსის მძღოლებმა აქცია გამართეს, სადაც გააპროტესტეს ქალაქის ცენტრალური ნაწილის გადაკეტვა, რაც მათი განცხადებით, უარყოფითად მოქმედებს მათ შემოსავალზე. ასევე, კოჯორსა და ტაბახმელაში, ადგილობრივმა მოსახლეობამ საპროტესტო აქცია მოაწყო, იმ მოტივით, რომ საკურორტო სეზონი ჩაშლის პირასაა თბილისში მიმდინარე აქციების გამო. (Civil.Ge)

21 მაისი, 2009

• არასაპარლამენტო ოპოზიციამ თბილისის მერიისგან აქციები გაგრძელება 26 ივნისამდე ითხოვა. (Civil.Ge)
• შსს-მ გვიან ღამით მუხროვანის ამბოხის მოწყობაში ეჭვმიტანილთა დაკავების ოპერაცია ჩაატარა, ორმხრივი სროლის შედეგად გარდაიცვალა ერთი ეჭვმიტანილი გია კრიალაშვილი, ხოლო კობა ოთანაძე და ლევან ამირიძე დაიჭრნენ. (Civil.Ge), [7]

20 მაისი, 2009

• საქართველოს რკინიგზის ხელმძღვანელის განხცადებით 2009 წლის აპრილიდან გადაზიდვების რაოდენობა 35 %-ით შემცირდა. (Civil.Ge)

19 მაისი, 2009

• საქართველოს ეროვნულ მუზეუმში ნიკო ფიროსმანის ნამუშევრების გამოფენა გაიხსნა. 19 მაისიდან 23 ივნისამდე ფიროსმანის 34 ნამუშევარი ხელოვნების მუზეუმის ახლადგარემონტებულ დარბაზში იქნება გამოფენილი, სადაც დამონტაჟებულია განათებისა და კლიმატ კონტროლის თანამედროვე სისტემები. ექსპონირებული იქნება ხელოვნების მუზეუმში დაცული ფიროსმანის მიერ სხვადასხვა წლებში შესრულებული ნამუშევარები. ესენია: „ჟირაფი“, „კრწანისი“, „წმ. გიორგის დღეობა ბოლნისში“, „მეთევზე“, „თეთრი დათვი ბელებით“, „რუსეთ-იაპონიის ომი“, „ფუნიკულიორი“, „სამი მოქალაქის ქეიფი ბალახზე“ და ა.შ. (მედიანიუსი)

18 მაისი, 2009

• არასაპარლამენტო ოპოზიცია საქართველოს რეგიონებში იწყებს აქციების გაშლას, ლიდერების გარკვეული ნაწილი დასავლეთ საქართველოში გაემგზავრება. 20 მაისს ოპოზიციის შეხვედრა დაგეგმილია ბათუმში მოსახლეობასთან, 21 მაისს ზუგდიდში, შემდეგ ქუთაისში, 22-ში კი თელავსა და გურჯაანში. (მედიანიუსი)
• 9 აპრილის აქციებზე პასუხისმგებელმა პოლიტიკურმა ძალებმა ხელისუფლებას მთელი რიგი წინადადებები შესთავაზეს: სახელმწიფოებრიობის განმტკიცების, აღმასრულებელი, საკანონმდებლო და სასამართლო ხელისუფლების რეფერმირებისა და მედიასივრცის გაჯანსაღებისათვის. (მედიანიუსი)

15 მაისი, 2009

• სოფელ იგოეთთან ძვ. წ. 5 ს. სამარხები აღმოჩნდა. არქეოლოგიური გათხრები სოფლის მიდამოებში მას შემდეგ მიმდინარეობს, რაც თბილისი-სენაკის ავტობანის მშენებლობა დაიწყო. (რუსთავი 2)
• თბილისში გაიხსნა საერთაშორისო მუსიკალური ფესტივალი Tbilisi Open Air. (Interpressnews)
• არასაპარლამენტო ოპოზიციამ საზოგადოებრივი მაუწყებლის წინ კოსტავას ქუჩა გახსნა საავტომობილო მოძრაობისთვის. (Civil.Ge), [8], (რუსთავი 2)

14 მაისი, 2009

• აფხაზეთის სეპარატისტული ხელისუფლების გადაწყვეტილებით აფხაზეთის რკინიგზა და სოხუმის აეროპორტი სამართავად გადაეცემა რუსეთს 10 წლით. (Civil.Ge), [9]

11 მაისი, 2009

• შსს-ს ახალ შენობაში გაიმართა შეხვედრა საქართველოს პრეზიდენტსა და ოპოზიციას შორის, მიმდინარე პოლიტიკურ კრიზისთან დაკავშირებით. მხარეები კონკრეტული შეთანხმების გარეშე დაცილდნენ ერთმანეთს. (Civil.Ge), [10]
• მუხროვანის ამბოხთან დაკავშირებით კიდევ ორი სამხედრო მეთაურია დაკავებული, ინფორმაციის დამალვის ბრალდებით. (Civil.Ge)

7 მაისი, 2009

• საქართველოს საპატრიარქოს მოწოდებისა და შუამდგომლობის შედეგად, პოლიციამ გაათავისუფლა საზოგადოებრივი მაუწყებლის ჟურნალისტის ცემისთვის დაკავებული სამი ახალგაზრდა. (Civil.Ge), [11]
• პოლიციასთან დაპირირსპირების შემდეგ, შუაღამით დემონსტრატებმა პარლამენტის წინ აქცია გამართეს. (Civil.Ge)

6 მაისი, 2009

• თბილისის პოლიციის სამმართველოსთან მოხდა დაპირისპირება დემონსტრანტებსა და პოლიციას შორის, რომელიც დემონსტრატების მხრიდან შენობაში შეღწევის მცდელობას მოყვა. პოლიციამ დემონსტრანტების მოგერიებისას გამოიყენა რეზინის ტყვიები და ხელკეტები, არის 29 დაშავებული (22 მომიტინგე, 1 ჟურნალისტი და 6 პოლიციელი). (რუსთავი2), (Civil.Ge)

5 მაისი, 2009

• 500-მდე სამხედრომ, მუხროვანის სატანკო ბატალიონში ამბოხი მოაწყო, როგორც ამას შსს სამინისტრო იუწყება: სამხედრო გადატრიალების მიზნით. დაკავებულია 50 ოფიცერი და 13 სამოქალქო პირი. ინცინდენტი ამოწურულია. (Civil.Ge), [12], (BBC)
• საზოგადოებრივი მაუწყებლის პიკეტირებისას აქციაზე ინცინდენტი მოხდა - მცირე შეხლა-შემოხლა პირველი არხის ჟურნალისტსა და მომიტინგეებს შორის. (Civil.Ge)
• შსს-ს განცხადებით აღკვეთილია მინისტრ ვანო მერაბიშვილზე თავდასხმა. (Civil.Ge)
• ტელეკომპანია „იმედის“ ჟურნალისტებმა არხის ხელმძღვანელობას საპროტესტო განცხადებით მიმართეს, სადაც გააპროტესტეს არხის პოლიტიკა და ჟურნალისტებისთვის დაწესებული შეზღუდვები. (Civil.Ge)

4 მაისი, 2009

• საქართველოს სახალხო დამცველი სოზარ სუბარი გეგმავს სარჩელის შეტანას შსს მინისტრის წინააღმდეგ, ომბუდსმენის მოთხოვნათა იგნორირების გამო. (Civil.Ge)

1 მაისი, 2009

• ოპოზიციამ საზოგადოებრივი მაუწყებლის შენობასთან აქცია-პიკეტირება გამართა. (Civil.Ge)

აპრილი

30 აპრილი, 2009

• მოსკოვში, ხელი მოეწერა რუსეთ-აფხაზეთის და რუსეთ-სამხრეთ ოსეთის შეთანხმებებს, სეპარატისტული რეგიონების საზღვრის გაკონტროლების შესახებ. (Civil.Ge)

29 აპრილი, 2009

• ევროსაბჭოს საპარლამენტო ასამბლეამ მიიღო იანვრის რეზოლუციის დამატება რუსეთ-საქართველოს ომის ჰუმანიტარული შედეგების შესახებ, სადაც აღნიშნულია ორივე მხრიდან ძალადობის ფაქტები და მოწოდებულია დევნილი მოსახლეობის უპირობო დაბრუნება. (Civil.Ge)

28 აპრილი, 2009

• ოპოზიციამ, პასუხად მერიის გადაწყვეტილებისა (აქციების ადგილის დასუფთავებზე უარის გაცხადეისა, ინციდენტების თავიდან აცილების მიზნით), გადაწყვიტეს „ნაგვის“ აქციების მოწყობა: დემონსტრაციის ადგილებზე მოგროვილ ნაგავს მიიტანენ მერიის შენობასთან. (Civil.Ge)

26 აპრილი, 2009

• თბილისში, ჯიქიას ქუჩაზე პროექტ „ვარსკვლავთა აკადემია 2-ის“ ხუთსართულიანი შენობა მთლიანად ჩამოინგრა, ამ დროს შენობაში 14 ადამიანი იმყოფებოდა. დაშავებულია ორი, ნანგრევებში მოყოლის გამო გარდაცვლილი იპოვეს ორი თანამშრომელი. (სსმ), (Civil.Ge)

25 აპრილი, 2009

• ოპოზიციურმა მოძრაობამ „რატომ“ შსს-თან მიტინგი გამართა, სადაც მოძრაობის წევრებზე თავდასხმის ფაქტები გააპროტესტეს და მათი გამოძიება მოითხოვეს. (სსმ)
• უკრაინა, საქართველოში დაგეგმილ ნატოს წვრთნებში მონაწილეობას გეგმავს, ხოლო კონკრეტულ ფორმატს უკრაინის რადა გადაწყვეტს. (სსმ)
• საზოგადოებრივი მაუწყებლის სამეურვეო საბჭო კიდევ ერთმა წევრმა - მიხეილ ჭიაურელმა, დატოვა. (Civil.Ge)

24 აპრილი, 2009

• გვიან ღამით, ოპოზიციის მომხრე მომიტინგეებსა და პატრულის თანამშრომლებს შორის ინციდენტი მოხდა. შემთხვევა მაშინ მოხდა, როდესაც ოპოზიციამ მიტინგი გამართა კაფესთან, სადაც მათივე ცნობით პრეზიდენტი იმყოფებოდა. (სსმ), (Civil.Ge)

23 აპრილი, 2009

• რუსეთის უშიშროების ფედერალური სამსახურის მიერ დაკავებული ქართველი ბიზნესმენი მამუკა მაისურაძე სტრასბურგში ჩივილს გეგმავს. (სსმ)
• ოპოზიციამ საზოგადოებრივი მაუწყებლის შენობის წინ გამართულ მიტინგზე მაუწყებლის გენერალური დირექტორის ლევან ყუბანეიშვილის გადადგომა მოითხოვა. (Civil.Ge)
  • საზოგადოებრივი მაუწყებლის სამმა წევრმა სამეურვეო საბჭო დატოვა. ირმა სოხაძემ, მარინა ვეკუამ და გიორგი ანჩაბაძემ, მიმდინარე აქციების ფონზე თანამდებობა დატოვეს. (Civil.Ge)

22 აპრილი, 2009

• გაერთიანებულმა ოპოზიციამ მომხრეები რეგიონებიდან ჩამოიყვანა. (Civil.Ge)
• განათლების მინისტრმა ნიკა გილაურმა საპროტესტო აქციებით პარალიზებული მაგისტრალების გამო, მთაწმინდის რაიონის 15 სკოლაში ჩაშლილი სასწავლო პროცესი გააპროტესტა. (სსმ)

21 აპრილი, 2009

• რუსეთის უშიშროების ფედერალურმა სამსახურმა ქართველი მამუკა მაისურაძე დააკავა ჯაშუშობის ბრალდებით.(სსმ)
• ე.წ. სამხრეთ ოსეთის ძალოვანების მიერ დაკავებული ეუთოს ორი დამკვირვებელი თავისუფალია. დამკვირვებლები მაშინ აიყვანეს სეპარატისტთა შეიარაღებულმა ფორმირებებმა ნიქოზთან პატრულირებისას დააკავეს, საზღვრის უკანონო გადაკვეთის ბრალდებით. (სსმ)
• პარლამენტის წინ და პიკეტირების ადგილებში ოპოზიციამ მიტინგი გაანახლა. ორგანიზატორები თავისუფლების მოედანზე და რუსთაველის გამზირზე „საკნების ქალაქის“ გაშენებას გეგმავენ. (სსმ)
• აფხაზეთის სეპარატისტული რეჟიმის ლიდერის განცხადებით რუსული სამხედრო ბაზების მშენებლობა დამთავრებულია. (სსმ)

19 აპრილი, 2009

• საქართველოში მაისში დაგეგმილ ნატოს წვრთნებში მონაწილეობას სომხეთიც გეგმავს.(სსმ)

17 აპრილი, 2009

• თბილისში, მუსკომედიის თეატრში საზოგადოება „ერთად“ დაფუძნდა, მასში ცნობილი ადამიანები არიან გაწევრიანებული. (სსმ)
• რუსეთმა ოფიციალურად მიმართა ნატოს გენერალურ მდივანს საქართველოში 6 მაისს დაგეგმილი სწავლებების გადავადება-გაუქმების წინადადებით. (სსმ)

16 აპრილი, 2009

• სტრასბურგის სასამართლომ განიხილა საქართველოს სარჩელი რუსეთის წინააღმდეგ, სადაც რუსეთს ბრალი 2006 წელს ქართველთა დეპორტაციის დროს ადამიანებისადმი დამამცირებელ მოპყრობაში, სიცოცხლის უფლების ხელყოფაში ედება. (სსმ)
• აფხაზეთის სეპარატისტულმა რეჟიმმა ეუთოს უმაღლესი კომისრის კნუტ ვოლებეკის მოწოდება სეპარატისტული მთავრობისთვის, შეწყვიტოს გალის რაიონის ქართული მოსახლეობის უფლებების შეზღუდვა, გააპროტესტა. (სსმ)

15 აპრილი, 2009

• ოპოზიციამ, პარლამენტის, საზოგადოებრივი მაუწყებლის და პრეზიდენტის რეზიდენციის პიკეტირებასთან ერთად, კანცელარიის პიკეტირებაც დაიწყო. (სსმ)
• საერთაშორისო არასამთავრობო ორგანიზაცია Human Rights Watch-მა მსოფლიოში კასეტური ბომბების გამოყენებასთან დაკავშირებით მოხსენება მოამზადა. მოხსენებაში, ასევე განხილულია რუსეთ-საქართველოს ომში რუსეთის მხრიდან კასეტური ბომბესი გამყენება. (სსმ)

14 აპრილი, 2009

• სეპარატისტული ე.წ. სამხრეთ ოსეთის მთავრობამ ახალგორის რაიონის მოსახლეობის პასპორტიზაცია დაიწყო. (სსმ)

13 აპრილი, 2009

• ოს სეპარატისტთა შეიარაღებულმა ჯგუფმა სოფელ აძვის საჯარო სკოლა დაარბიეს. ნაცემია დარაჯი და გაიტაცებულია კომპიუტერული ტექნიკა. (სსმ)
• ოპოზიციამ საპროტესტო კამპანია განაახლა. მომიტინგეთა ერთი ჯგუფი აქციებს პრეზიდენტის რეზიდენციასთან გამართავს, სადაც 30-მდე კარავი დაიდგა. (Civil.Ge)

12 აპრილი, 2009

• პრეზიდენტმა მიხეილ სააკაშვილმა ქართველი კინორეჟისორი ელდარ შენგელაია, სამშობლოსთვის გაწეული ღვაწლისთვის, უმაღლესი სამოქალაქო ჯილდოთი - წმინდა გიორგის ორდენით დააჯილდოვა. პრეზიდენტის თქმით: მისი დამსახურებაა 1989 წლის 9 აპრილის ტრაგედიის ვიდეომასალის შექმნა და გამზეურება, ასევე ერთ-ერთი ორგანიზატორია ტრაგედიის გმირთა მემორიალისა და ინიციატორი ხუთ-ჯვრიანი დროშის აღდგენისა. (სსმ)
• პარლამენტის წინ, დემონსტრაციის ადგილზე მოხდა ინციდენტი, დარბეულია საპროტესტო აქციის სცენა და პრეს-სამსახური. სხვადასხვა ცნობით თავდამსხმელებს სამოქალაქო ტანისამოსი ეცვათ და ხელკეტები ეკავათ, ასევე თავდამსხმელები დასუფთავების სამსახურის ფორმებში იყვნენ. ინციდენტი ზუსტად მაშინ მოხდა, როდესაც დასუფთავების სამსახური მოედანს ალაგებდა. (Civil.Ge), [13]
• ოპოზიციამ, ბზობის დღესასწაულთან დაკავშირებით საპროტესტო აქცია არ გამართა, ხოლო ორშაბათიდან საქართველოს მასშტაბით აპირებს მასობრივი აქციების გაგრძელებას. (Civil.Ge), [14]

10 აპრილი, 2009

• ოპოზიციამ დღის 3 სთ-ზე აქციები განაახლა. ხელისუფლებისთვის მიცემული ულტიმატუმის ამოწურვის შემდეგ, აქცია-პიკეტირება გამართა საზოგადოებრივ მაუწყებელის შენობასთან და ავლაბრის მეტროსთან. (Civil.Ge)
• საქართველოს პრეზიდენტი მიხეილ სააკაშვილი ოპოზიციის მოთხოვნებს ეხმაურება და თბილისის მერის პირდაპირი არჩევის წინადადებით გამოდის. (Civil.Ge)
• რუსეთის შეიარაღებული ძალების 58-ე არმია, საქართველოში საზოგადოებრივ-პოლიტიკური სიტუაციის დაძაბვის გამო, საბრძოლო მზადყოფნაშია მოყვანილი. არმიის ქვედანაყოფები ამჟამად ცხინვალშია განთავსებული. (სსმ)

9 აპრილი, 2009

• დღის 2 სთ-ზე, პარლამენტის წინ ოპოზიციამ დაიწყო მასობრივი აქციები, პრეზიდენტ მიხეილ სააკაშვილის გადადგომის მოთხოვნით, რისთვისაც ხელისუფლებას 24 სთ-იანი ულტიმატუმი წაუყენეს. სხვადასხვა ცნობით მიტინგს 50 000 - 60 000 კაცი ესწრებოდა. (სსმ), (BBC)
• ოპოზიციამ საზოგადოებრივი მაუწყებელთან მიტინგი გამართა, რუსთაველზე დაგეგმილი აქციის პირდაპირ ეთერში გადაცემის მოთხოვნით. (სსმ)
• თბილისში, 20 წლის წინ მომხდარი ტრაგედია ტრადიცულად 9 აპრილის მემორიალთან გაიხსენეს. საქართველოს პატრიარქმა ილია II-მ დაღუპულთა სულების მოსახსენიებელი პარაკლისი გადაიხადა. (სსმ)

8 აპრილი, 2009

• საქართველოს პატრიარქმა ილია II ხელიუფლებას და ოპოზიციას დიალოგისკენ მოუწოდებს, ასევე - ჯარს, არ გამოიყენონ ძალა მომიტინგეების წინააღმდეგ. (Civil.Ge), (სსმ)
• პატრიარქი მაისში გეგმავს აფხაზეთს ესტუმროს. (სსმ)
• სტამბოლი–თბილისის მიმართულებით მოძრავი თვითმფრინავი თბილისის აეროპორტის ნაცვლად ვაზიანის სამხედრო აეროდრომზე დაეშვა. წინასწარი გამოძიებით, პილოტს ერთმანეთთან საკმაოდ ახლოს მყოფი ასაფრენი ბილიკები აერია. (სსმ)
• აფხაზმა სეპარატისტებმა საქართველოსთან საზღვრის გამაგრება დაიწყეს, რისთვისაც ოჩამჩირეში შეყვანილია ორი ეშელონი - 60 ერთეული მძიმე ტექნიკა; გალის რაიონის სოფელ აჩიგვარაში რუსული კოლონა დგას; სოფელ განმუხურისა და ფიჩორის საზღვარზე, ზღვის სიღრმეში განთავსებულია რუსული საბრძოლო კატარღები. (სსმ)

7 აპრილი, 2009

• საქართველოს სასაზღვრო დაცვის სამსახურმა, კამბოჯის დროშის ქვეშ მცურავი, თბომავალი „უსპენსკი“ გადაადგილების წესების დარღვევის გამო დააკავა. გემის ეკიპაჟი რუსეთის მოქალაქეებისგან შედგება. (სსმ)

6 აპრილი, 2009

• სტუდენტურმა ორგანიზაციამ „ერთიანი სტუდენტური ალიანსი“, სწავლის საფასურის გაზრდა გააპროტესტა განათლების სამინისტროსთან და სწავლის საფასურის განახევრება მოითხოვა. (სსმ)
• პრემიერ–მინისტრმა ნიკა გილაურმა, სოფლის მეურნეობის მინისტრ ბაკურ კვეზერელთან ერთად, გურჯაანში კონცენტრატების ქარხანა დაათვალიერა. (სსმ)

3 აპრილი, 2009

• აფხაზმა სეპარატისტებმა კოდორის ხეობიდან მონოზვნები გამოაძევეს. სასულიერო პირები ზემო აფხაზეთში სოფელ აჟარაში წმინდა გიორგის სახელობის ეკლესიაში მსახურობდნენ. (სსმ)

2 აპრილი, 2009

• საქართველოს მთავრობა ქუთაისში თავისუფალი სამრეწველო ზონის შექმნას გეგმავს. პროექტი განხორციელდება ეგვიპტური კომპანია „ფრეშის“ მხარდაჭერითა და უშუალო მონაწილეობით. ქუთაისში, მრავალი სახეობის საოჯახო ინვენტარის მწარმოებელი, 12 ახალი ქარხანა აშენდება. (სსმ)

1 აპრილი, 2009

• საქართველოს სახალხო დამცველმა სოზარ სუბარმა, ადამიანის უფლებათა მდგომარეობის შესახებ, საქართველოს პარლამენტს ვრცელი ანგარიში წარუდგინა. (Civil.Ge)

მარტი

31 მარტი, 2009

• აღინიშნა საქართველოს პირველი პრეზიდენტის ზვიად გამსახურდიას დაბადების დღე. (სსმ)

29 მარტი, 2009

• 2010 წლის მსოფლიო საფეხბურთო ჩემპიონატის შესარჩევ მორიგ მატჩში, საქართველოს ნაკრები კვიპროსის ნაკრებთან დამარცხდა ანგარიშით 1:2. (სსმ)

28 მარტი, 2009

• აფხაზეთის თვითგამოცხადებული რესპუბლიკის ე.წ.თავდაცვის სამინისტრო საბრძლო წვრთნებს ატარებს ზემო აფხაზეთსა და ოჩამჩირის რაიონში. (სსმ)

24 მარტი, 2009

• საერთაშორისო სავალუტო ფონდმა საქართველოს ეროვნული ბანკის სარეზერვო ფონდისთვის 186 მილიონზე მეტი დოლარი გამოყო. (სსმ)

23 მარტი, 2009

• დაპატიმრებულია ათი ადამიანი იარაღის უკანონო შეძენის ბრალდებით, საქართველოს შინაგან საქმეთა სამინისტროს ცნობით მათგან ცხრა ნინო ბურჯანაძის პარტიასთან - დემოკრატიული მოძრაობა-ერთიანი საქართველოსთვის - ასოცირებული პირები არიან. (Civil.Ge)
• გვიან ღამით ბოროტმოქმედებმა ბავშვთა ქალაქ „მზიურში“ ცნობილი მწერლის ნოდარ დუმბაძის ბიუსტი მოიპარეს. ბიუსტი, წასაღებად გამზადებული, სამართალდამცავებმა დილითვე დაუზიანებელი აღმოაჩინეს „მზიურის“ შესასვლელში. (სსმ)

22 მარტი, 2009

• ბორჯღალოსნებმა ერთა თასის გათამაშებაზე მორიგ შეხვედრაში რუსეთის ეროვნული გუნდი 29:21 დაამარცხეს. შეხვედრა ნეიტრალურ მოედანზე, უკრაინის ქალაქ მარიუპოლში გაიმართა. (სსმ)

21 მარტი, 2009

• საქართველოს ხელისუფლებამ აშშ-ში 770 000 დოლარად რამდენიმე ლობისტური ფირმა დაიქირავა, ვაშინგტონში დემოკრატებსა და რესპუბლიკელებს შორის, საქართველოსადმი მხარდაჭერის კიდევ უფრო გასაძლიერებლად. (Civil.Ge)

20 მარტი, 2009

• ეკონომიკის სამინისტროში „ბორჯომის“ მინერალური წყლების საბადოზე სასარგებლო წიაღისეულის მოპოვების ლიცენზიაზე ტენდერი გაიმართა. ყოფილმა მფლობელმა, „მინისა და მინერალური წყლების კომპანიამ“ (GG&MW) 8.2 მილიონი აშშ დოლარის ფასად ლიცენზია შეინარჩუნა. (Civil.Ge)

19 მარტი, 2009

• რუსეთში, აგვისტოს მოვლენებზე მძაფრსიუჟეტიანი მხატვრული ფილმი გადაიღეს, სახელწოდებით „Olympus Inferno“, რომლის ლაიტმოტივიც საქართველოს მხრიდან ომის დაწყების ჩვენებაა. ფილმის პრემიერა სახელმწიფო I არხზე 29 მარტსაა დაგეგმილი. (Civil.Ge)

18 მარტი, 2009

• ტელეკომპანია იმედს ახალი საინფორმაციო სამსახურის უფროსი ჰყავს, თავდაცვის სამინისტროს საზოგადოებასთან ურთიერთობის დეპარტამენტის ხელმძღვანელის, ჟურნალისტ ნანა ინწკირველის სახით. (Civil.Ge)

17 მარტი, 2009

• Georgian Times-ის მეპატრონე გაზეთის გამოცემას წყვეტს, მისივე განცხადებით ხელისუფლების მხრიდან მის ოჯახზე განხორციელებული ზეწოლის გამო. (Civil.Ge)

16 მარტი, 2009

• რუსეთის ფინანსთა სამინისტროს განცხადებით, რუსეთი აპირებს 5 მლრდ. მეტი რუბლი გამოუყოს აფხაზეთისა და სამხრეთ ოსეთის სეპარატისტულ რესპუბლიკებს, სოციალური პრობლემების მოსაგვარებლად. 2,36 მლრდ. შეხვდება აფხაზეთს, ხოლო 2,8 კი - სამხრეთ ოსეთს. დამატებით, სო მიიღებს 8,5 მლრდ. რუბლს ინფრასტრუქტურის აღსადგენად. (BBC)

11 მარტი, 2009

• საქართველო ევროვიზიის სიმღერის კონკურსში მონაწილეობას აღარ მიიღებს, რადგან ქართული მხარე სიმღერის „We Don't Wanna Put In“ შეცვლას არ აპირებს. (Civil.Ge)

10 მარტი, 2009

• პოპ-ჯგუფ სტეფანე და 3G-ს სიმღერას „We Don't Wanna Put In“ ევროვიზიის სიმღერის კონკურსზე უარი ეთქვა პოლიტიკური ხასიათის გამო. კონკურსის წარმომადგენლის განცხადებით: „სიტყვა, ტექსტი, მოძრაობა, რომელიც პოლიტიკური ან მსგავსი ხასიათისაა არ დაიშვება კონკურსზე.“ ქართულ მხარეს, რომელსაც 2008 წლის დეკემბრამდე საერთოდ ბოიკოტი ჰქონდა დაგეგმილი, 16 მარტამდე მიეცა ვადა ტექსტის გადამუშავების ან ახალი სიმღერის არჩევის. (BBC)

6 მარტი, 2009

• „ალიანსი საქართველოსთვის“, პრეზიდენტ მიხეილ სააკაშვილის გადადგომისა და რიგგარეშე არჩევნების დანიშნვის მოთხოვნით „სახალხო პლებისციტს“ იწყებს. (Civil.Ge)
• სეპარატისტული აფხაზეთის პრეზიდენტის სერგეი ბაღაფშის განცხადებით, მზადდება შეთანხმება რუსეთთან, ამ უკანასკნელის ბაზების 49 წლის ვადით განთავსებაზე აფხაზეთში. (Civil.Ge)
• ოჩამჩირეში მაღალი ხარისხის ნავთობი აღმოჩნდა. (Civil.Ge)

5 მარტი, 2009

• საქართველოს შეიარაღებული ძალების გენერალური შტაბის უფროსის თანამდებობაზე ვლადიმერ ჩაჩიბაია დევი ჭანკოტაძემ შეცვალა. (Civil.Ge)

4 მარტი, 2009

• ლეიბორისტულმა პარტიამ ლიდერი შალვა ნათელაშვილი პრეზიდენტობის კანდიდატად დაასახელა. (Civil.Ge)
• კრემლში რუსეთის პრეზიდენტ დიმიტრი მედვედევის და სეპარატისტული აფხაზეთის პრეზიდენტ სერგეი ბაღაფშის შეხვედრა გაიმართა. (Civil.Ge)

თებერვალი

23 თებერვალი, 2009

• ირაკლი ალასანიას გუნდი, ახალი მემარჯვენეები და რესპუბლიკელები ალიანსში „ალიანსი - საქართველოსთვის“ ერთიანდებიან. გამართულ პრეზენტაციაზე, ირაკლი ალასანიამ მოუწოდა პრეზიდენტს მიხეილ სააკაშვილს, რომ 10 დღეში დანიშნოს რეფერენდუმი ვადამდელი საპრეზიდენტო არჩევნების თაობაზე. (civil.ge)
• საქართველოს გზის ლიდერი სალომე ზურაბიშვილი პრეზიდენტს მოუწოდებს 9 აპრილამდე გადადგეს. (civil.ge)

12 თებერვალი, 2009

• საქართველოს პარლამენტში პრეზიდენტ მიხეილ სააკაშვილს მოუსმინეს, სადაც მიხეილ სააკაშვილი დეპუტატების წინაშე წლიური ანგარიშით წარდგა. პრეზიდენტმა ყურადღება გაამახვილა შემდეგ თემებზე: სოციალური სფერო, დასაქმება, ქვეყნის ეკონომიკური განვითარება, ასევე შიდა და საგარეო პოლიტიკა. 1. არხი

8 თებერვალი, 2009

• ჩეხეთის ტელევიზიის ინფორმაციით (www.tv.nova.cz), 8 თებერვალს პრაღაში სამ ქართველ დიპლომატს ტაქსის მძღოლთან კონფლიქტი მოუვიდა, ქართველები მძღოლს საცემრად გაეკიდნენ, მან კი, რესტორანში დამალვა სცადა. ჩეხეთის ტელევიზიის ინფორმაციით, ქართველები მძღოლს რესტორანში შეჰყვნენ, სადაც ჩხუბი გაგრძელდა და რესტორანს მატერიალური ზარალი მიადგა. პოლიციამ ქართველები, რომელთაც დიპლომატიური პასპორტები ჰქონდათ, ვერ დააკავა. [15]

5 თებერვალი, 2009

• წუხელ სიღნაღის მე-3 საჯარო სკოლის მოსწავლე გოჩა ჯანყარაშვილი დაუდგენელმა პირებმა მძიმედ დაჭრეს. ამჟამად მოზარდი ადგილობრივ საავადმყოფოშია მოთავსებული. როგორც დაჭრილის ახლობლებმა კახეთის საინფორმაციო ცენტრს აცნობეს, ბავშვის სიცოცხლის შესანარჩუნებლად სასწრაფოდ თბილისის რესპუბლიკურ საავადმყოფოში გადაყვანა სჭირდება კატასტროფის ცენტრის მანქანით, მაგრამ რამდენიმე საათის განმავლობაში არაერთი გამოძახების მიუხედავად, ამ დრომდე გოჩა ჯანყარაშვილი ისევ წნორის საავადმყოფოშია. წნორის საავადმყოფოსთან შეკრებილი მოსახლეობა და სიღნაღის მე-3 საჯარო სკოლის მოსწავლეები დახმარებას ჯანმრთელობის დაცვის სამინისტროსგან ითხოვენ.medianews
• საქართველოს საგარეო საქმეთა მინისტრის მოადგილეებმაა ალექსანდრე ნალბანდოვმა და დავით ჯალაღანიამ გამართეს შეხვედრები სომხეთის, ირანის, დიდი ბრიტანეთის, იტალიის, თურქეთის, აზერბაიჯანის, რუმინეთის, უნგრეთის, ლატვიის, ჩეხეთის, ესტონეთის, გერმანიის, ისრაელის, ჩინეთის, შვეიცარიის, ყაზახეთის, უკრაინის, ერაყის, ლიტვის, პოლონეთის, ბულგარეთის, საბერძნეთის, შვედეთის სამეფოსა და ნიდერლანდების სამეფოს საქართველოში აკრედიტირებულ ელჩებთან და მაღალი დონის დიპლომატებთან, ასევე საქართველოში წმინდა საყდრის დესპან მონსინიორ კლაუდიო გუჯეროტისთან. შეხვედრებზე განხილულ იქნა საკითხთა ფართო სპექტრი, მათ შორის ბოლო პერიოდში საქართველოს აფხაზეთისა და ცხინვალის რეგიონებში და მათ გარშემო შექმნილი ვითარება და ასევე საქართველოში მოქმედი საერთაშორისო ორგანიზაციების მისიების შემდგომი საქმიანობის პერსპექტივები. ქართული მხრიდან აღინიშნა, რომ ბოლო პერიოდში რუსულმა მხარემ გაააქტიურა თავისი მცდელობა საერთაშორისო არენაზე სოხუმისა და ცხინვალის მარიონეტული რეჟიმის ლეგიტიმაციის მიზნით. ხაზგასმით აღინიშნა, რომ ნებისმიერი ამგვარი მცდელობა თავიდანვე განწირულია წარუმატებლობისათვის, რადგან საერთაშორისო თანამეგობრობა ერთმნიშვნელოვნად აღიარებს საქართველოს სუვერენიტეტსა და მთლიანობას და მისთვის ყოვლად მიუღებელი ნებისმიერი ქმედება, რომელიც ლახავს საერთაშორისო სამართლის საყოველთაოდ აღიარებულ პრინციპებს და ნორმებს. ქართულმა მხარემ კიდევ ერთხელ დაადასტურა, რომ ერთმნიშვნელოვნად მხარს უჭერს საქართველოში საერთაშორისო ორგანიზაციების მისიების საქმიანობის გაგრძელებას და ამ მიზნით აწარმოებს ინტენსიურ მოლაპარაკებებს პარტნიორებთან. შეხვედრების დროს მონაწილე მხარეებმა ასევე განიხილეს ორმხრივი თანამშრომლობის აქტუალური საკითხები, მათ შორის საქართველოს საგარეო საქმეთა სამინისტროსა და შესაბამისი ქვეყნების საგარეო უწყებათა შორის პოლიტიკური კონსულტაციების გამართვის შესახებ. მედიანიუსი