20 მაისი

<<	მაისი					>>
ორშ	სამ	ოთხ	ხუთ	პარ	შაბ	კვი
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31
2013

20 მაისი არის გრიგორიანული კალენდრის 140-ე დღე (ნაკიან წლებში - 141-ე დღე). წლის ბოლომდე დარჩენილია 225 დღე.

დღის მოვლენები

• 325 : ნიკეის პირველი საეკლესიო კრება - ქრისტიანული ეკლესიის პირველი საბჭო შეიკრიბა.
• 526 : მიწისძვრამ სირიასა და ანტიოქიაში 300.000 ადამიანი იმსხვერპლა.
• 1498 : პორტუგალიელმა მკვლევარმა ვასკო და გამამ კალკუტას, ინდოეთი, მიაღწია.
• 1570 : კარტოგრაფმა აბრაჰამ ორტელიუსმა პირველ თანამედროვე ატლასი გამოსცა.
• 1631 : გერმანიის ქალაქი მაგდებურგი აიღეს საღვთო რომის იმპერიის ჯარებმა და მთელი ადგილობრივი მოსახლეობა ჩახოცეს, რაც ოცდაათწლიანი ომის ყველაზე სისხლიანი ინციდენტი იყო.
• 1835 : საბერძნეთის პირველი თანამედროვე მეფე ოტო გახდა.
• 1854 : ბრძოლა ნიგოითთან, ქართველთა ჯარი ამარცხებს ოსმალებს.
• 1873 : ლევი სტრაუსმა და ჯეიკობ დევისმა ლურჯი ჯინსის წარმოების პატენტი მიიღეს.
• 1882 : გერმანიამ, ავსტრია-უნგრეთმა და იტალიამ სამმხრივი ალიანსი შექმნეს.
• 1891 : თომას ედისონის კინეტოსკოპის პროტოტიპის პირველი სახალხო დემონსტრაცია გაიმართა ქალთა ნაციონალური ფედერაციის კლუბის ყრილობაზე.
• 1986 : გარნიეს ოპერაში მაყურებლებს ექვს ტონიანი ჭაღი დაემხო თავს - ერთი გარდაიცვალა და მრავალი დაშავდა.
• 1902 : კუბამ აშშ-სგან დამოუკიდებლობა მოიპოვა. ქვეყნის პირველი პრეზიდენტი ტომას ესტრადა პალმა გახდა.
• 1920 : გერმანიის ვაიმარის რესპუბლიკის ეროვნული ასამბლეა საბოლოოდ დაიშალა.
• 1921 : დაიწყო ბაქო-თბილისის ნავთობსადენის ექსპლუატაცია.
• 1927 : საუდის არაბეთი დიდი ბრიტანეთისგან დამოუკიდებელი გახდა (ჯიდას ტრაქტატი).
• 1940 : აუშვიცის საკონცენტრაციო ბანაკში პირველი ტყვეები ჩაიყვანეს.
• 1941 : მმო - კრეტას ბრძოლა - გერმანელი მოდესანტეები კრეტაზე შეიჭრნენ.
• 1954 : ჩან კაი-ში ტაივანის (ჩინეთის რესპუბლიკა) პრეზიდენტი გახდა.
• 1963 : სუკარნო ინდონეზიის “სამარადჟამო პრეზიდენტად” და “რევოლუციის დიდ ბელადად” გამოცხადდა.
• 1983 : შიდსის წარმომქმნელი ვირუსის აღმოჩენა პირველად გამოქვეყნდა ჟურნალ საიენსში ლუკ მონტანიესა და რობერტ გალოს მიერ.
• 1989 : ჩინეთის ხელმძღვანელობა საკომენდანტო საათს აცხადებს ტიანანმენის მოედანზე პროდემოკრატიული დემონსტრაციების ჩასახშობად.
• 1990 : პირველი პოსტკომუნისტური საპრეზიდენტო და საპარლამენტო არჩევნები ჩატარდა რუმინეთში.
• 2002 : აღმოსავლეთი ტიმორი XXI საუკუნის პირველი ახალი დამოუკიდებელი ქვეყანა გახდა.
• 2007 : ბუქარესტში ძიუდოს მსოფლიო ჩემპიონატში ნესტორ ხერგიანმა 60 კგ წონით კატეგორიაში ოქროს მედალი მოიპოვა.
• 2009 : მანმოჰან სინგჰი ინდოეთის პრემიერ-მინისტრად აირჩიეს მეორე ვადით, პირველი შემთხვევა ჯავაჰარლალ ნერუს შემდეგ.
• 2010 : მეცნიერებმა ჯ. კრეიგ ვენტერის ინსტიტუტიდან წარმატებით განახორციელეს სინთეზირებული გენომის არსებულ უჯრედში ტრანსპლანტაცია.
• 2012 : ტომისლავ ნიკოლიჩი სერბეთის პრეზიდენტად აირჩიეს.

ამ დღეს დაბადებულნი

• 1799 : ბალზაკი, ონორე დე - ფრანგი მწერალი.
• 1901 : ეივე, მაქს - მსოფლიო ჩემპიონი ჭადრაკში (1935-1937).
• 1914 : ადამია, ალიო - ქართველი მწერალი.
• 1915 : დაიანი, მოშე - ისრაელის სამხედრო მოღვაწე.
• 1925 : ტუპოლევი, ალექსეი - რუსი ავიაკონსტრუქტორი.
• 1944 : კოკერი, ჯო - ბრიტანელი მომღერალი.
• 1944 : შერი - ამერიკელი მომღერალი და მსახიობი.
• 1956 : აკუნინი, ბორის - მწერალი და მთარგმნელი.

ამ დღეს გარდაცვლილნი

• 1506 : კოლუმბი, ქრისტეფორე - იტალიელი მკვლევარი.
• 1923 : აფხაზი, კონსტანტინე - ქართველი საზოგადო, პოლიტიკური და სამხედრო მოღვაწე
• 2012 : გიბი, რობინ - ჯგუფ ბი ჯიზის წევრი.
• 2013 : მანზარეკი, რეი - ჯგუფ The Doors-ის კლავიშისტი.

დღესასწაულები

• მართლმადიდებელი ეკლესია აღნიშნავს შემდეგი წმინდანების ხსენების დღეს:

• • იოანე ზედაზნელი და მისი თორმეტი მოწაფე:აბიბოს ნეკრესელი, ანტონ მარტყოფელი, დავით გარეჯელი, ზენონ იყალთოელი, თადეოზ სტეფანწმინდელი, ისე წილკნელი, იოსებ ალავერდელი, ისიდორე სამთავნელი, მიქაელ ულუმბოელი, პიროს ბრეთელი, სტეფანე ხირსელი და შიო მღვიმელი.
  • იმპერატორ კონსტანცის დროს იერუსალიმის ცაზე პატიოსანი ჯვრის გამოცხადების სასწაული
  • აკაკი ასისთავი

• აგრეთვე:
  • კამერუნი - უნიტარული სახელმწიფოს გამოცხადების დღე (1972).

იხილეთ აგრეთვე

სხვა თვეები