საქართველოს მთავრობა

საქართველო

ეს სტატია არის ნაწილი სერიისა:

საქართველოს პოლიტიკური მოწყობა

პრეზიდენტი : მიხეილ სააკაშვილი

აღმასრულებელი ხელისუფლება

საქართველოს მთავრობა

პრემიერ-მინისტრი : ბიძინა ივანიშვილი

საკანონმდებლო ხელისუფლება

საქართველოს პარლამენტი

პარლამენტის თავმჯდომარე : დავით უსუფაშვილი

პარტიები პარლამენტში: ქართული ოცნება - დემოკრატიული საქართველო ერთიანი ნაციონალური მოძრაობა ჩვენი საქართველო - თავისუფალი დემოკრატები საქართველოს რესპუბლიკური პარტია ეროვნული ფორუმი საქართველოს კონსერვატიული პარტია მრეწველობა გადაარჩენს საქართველოს საქართველოს მწვანეთა პარტია სოციალ-დემოკრატები საქართველოს განვითარებისათვის

პოლიტიკური პარტიები

სასამართლო ხელისუფლება

საკონსტიტუციო სასამართლო

უზენაესი სასამართლო

ტერიტორიული მოწყობა

აფხაზეთის ავტონომიური რესპუბლიკა აჭარის ავტონომიური რესპუბლიკა დროებითი ადმინისტრაციულ- ტერიტორიული ერთეული 5 თვითმმართველი ქალაქი და 67 მუნიციპალიტეტი

საქართველოს მთავრობა — აღმასრულებელი ხელისუფლების უმაღლესი ორგანო საქართველოში.

ისტორია

1995 წელს მიღებულ კონსტიტუციაში მთავრობა არ იყო გათვალისწინებული. აღმასრულებელ ხელისუფლებას ახორციელებდა საქართველოს პრეზიდენტი მინისტრების მეშვეობით. 2004 წლის თებერვლის საკონსტიტუციო ცვლილებებით შეიქმა მთავრობა, რომელსაც ხელმძღვანელობს პრემიერ-მინისტრი. პირველი პრემიერ მინისტრი იყო ვარდების რევოლუციის ლიდერი ზურაბ ჟვანია, რომელიც მთავრობის ხელმძღვანელი იყო 2004-2005 წლებში. 2005 წელს ჟვანიას მოულოდნელი გარდაცვალების შემდეგ ფინანსთა მინისტრი ზურაბ ნოღაიდელი გახდა ახალი მთავრობის მეთაური. ნოღაიდელის მთავრობა მოქმედებდა 2005-2007 წლებში. მთავრობის მორიგი ცვლილება განხორციელდა 2007 წლის ნოემბრის პოლიტიკური კრიზისის შემდეგ. პრემიერ-მინისტრის პოსტზე დაინიშნა ვლადიმერ გურგენიძე, რომელიც მანადმე საბანკო სექტორში მოღვაწეობდა. 2008 წლის აგვისტოს ომის შემდეგ, 2008 წლის ნოემბერში კვლავ განხორციელდა მთავრობის ცვლილება - გურგენიძის ნაცვლად პრემიერ-მინისტრად დაინიშნა გრიგოლ მგალობლიშვილი, რომელიც მალევე, 2009 წლის გაზაფხულზე შეცვალა ნიკა გილაურმა. მთავრობის კიდევ ერთი ცვლილება განხორციელდა 2012 წლის საპარლამენტო არჩევნების წინ. პრემიერ-მინისტრად დაინიშნა ივანე მერაბიშვილი, რომელიც მანამდე შინაგან საქმეთა მინისტრი იყო.

საპარლამენტო არჩევნების შემდეგ, 25 ოქტომბერს პარლამენტის ახალმა შემადგენლობამ დაამტკიცა ახალი მინისტრთა კაბინეტი, რომელიც მთლიანად კოალიცია „ქართული ოცნების“ მიერ იქნა დაკომპლექტებული.

უფლებამოსილება და სტრუქტურა

საქართველოს კანონმდებლობის შესაბამისად უზრუნველყოფს ქვეყნის საშინაო და საგარეო პოლიტიკის განხორციელებას. მთავრობა თავისი საქმიანობით ანგარიშვალდებულია საქართველოს პრეზიდენტისა და პარლამენტის წინაშე. მთავრობა შედგება მინისტრებისა და სახელმწიფო მინისტრებისაგან. მთავრობასა და სამთავრობო პროგრამას ხმათა უმრავლესობით ამტკიცებს პარლამენტი.

შემადგენლობა

სამინისტრო	მინისტრი	თარიღი
საქართველოს პრემიერ-მინისტრი საქართველოს მთავრობის თავმჯდომარე ოფიციალური ვებ-გვერდი	ბიძინა ივანიშვილი	25 ოქტომბერი, 2012
საქართველოს ვიცე-პრემიერი ენერგეტიკისა და ბუნებრივი რესურსების მინისტრი www.minenergy.gov.ge	კახა კალაძე	25 ოქტომბერი, 2012
თავდაცვის მინისტრი www.mod.gov.ge	ირაკლი ალასანია	25 ოქტომბერი, 2012
სახელმწიფო მინისტრი რეინტეგრაციის საკითხებში www.smr.gov.ge	პაატა ზაქარეიშვილი	25 ოქტომბერი, 2012
სახელმწიფო მინისტრი დიასპორის საკითხებში www.diaspora.gov.ge	კოტე სურგულაძე	25 ოქტომბერი, 2012
სახელმწიფო მინისტრი ევროპულ და ევროატლანტიკური სტრუქტურების საკითხებში www.eu-nato.gov.ge	ალექსი პეტრიაშვილი	25 ოქტომბერი, 2012
ფინანსთა მინისტრი ww.mof.ge	ნოდარ ხადური	25 ოქტომბერი, 2012
რეგიონული განვითარებისა და ინფრასტრუქტურის მინისტრი www.mrdi.gov.ge	დავით ნარმანია	25 ოქტომბერი, 2012
განათლებისა და მეცნიერების მინისტრი www.mes.gov.ge	გიორგი მარგველაშვილი	25 ოქტომბერი, 2012
სპორტისა და ახალგაზრდობის საქმეთა მინისტრი http://msy.gov.ge/	ლევან ყიფიანი	25 ოქტომბერი, 2012
გარემოს დაცვის მინისტრი www.moe.gov.ge	ხათუნა გოგალაძე	25 ოქტომბერი, 2012
ეკონომიკის მინისტრი www.economy.ge	გიორგი კვირიკაშვილი	25 ოქტომბერი, 2012
იუსტიციის მინისტრი www.justice.gov.ge	თეა წულუკიანი	25 ოქტომბერი, 2012
კულტურისა და ძეგლთა დაცვის მინისტრი www.mcs.gov.ge	გურამ ოდიშარია	25 ოქტომბერი, 2012
დევნილთა მინისტრი www.mra.gov.ge	დავით დარახველიძე	25 ოქტომბერი, 2012
საგარეო საქმეთა მინისტრი www.mfa.gov.ge	მაია ფანჯიკიძე	25 ოქტომბერი, 2012
სოფლის მეურნეობის მინისტრი www.moa.gov.ge	დავით კირვალიძე	25 ოქტომბერი, 2012
შინაგან საქმეთა მინისტრი www.police.ge	ირაკლი ღარიბაშვილი	25 ოქტომბერი, 2012
ჯანდაცვის მინისტრი www.moh.gov.ge	დავით სერგეენკო	25 ოქტომბერი, 2012
სასჯელაღსრულების, პრობაციისა და იურიდიული დახმარების საკითხთა მინისტრი www.moh.gov.ge	სოზარ სუბარი	25 ოქტომბერი, 2012

რესურსები ინტერნეტში

• საქართველოს მთავრობის ვებ-გვერდი