შუა სურები

შუა სურები
სოფელი
	შუა სურები;
ქვეყანა	საქართველო
მხარე	გურიის მხარე
მუნიციპალიტეტი	ჩოხატაურის მუნიციპალიტეტი
თემი	შუა სურები
კოორდინატები	41°58′18″ ჩ. გ. 42°24′24″ ა. გ. / 41.97167° ჩ. გ. 42.40667° ა. გ.
ცენტრის სიმაღლე	440 მ
მოსახლეობა	178 კაცი (2014)
ეროვნული შემადგენლობა	ქართველები 98,9 %, სომხები 1,1 %
სასაათო სარტყელი	UTC+4
სატელეფონო კოდი	+995
	შუა სურები ვიკისაწყობში

შუა სურები — სოფელი ჩოხატაურის მუნიციპალიტეტში. თემის ცენტრი (სოფელი შუა სურები). მდებარეობს მდინარე სუფსის ხეობაში, ზღვის დონიდან 440 მ., ჩოხატაურიდან 18 კმ, საჯავახოდან (რკინიგზის უახლოესი სადგური) 38 კმ. სოფელში იდგა წმინდა გიორგის სახელობის ლომისკარელის ეკლესია. სოფელში არის საჯარო სკოლა.^[2]1920 წელს გამოეყო სურების თემს და ჩამოყალიბდა ცალკე თემად.^[3]

დემოგრაფია[რედაქტირება | წყაროს რედაქტირება]

2014 წლის აღწერის მონაცემებით სოფელში ცხოვრობს 178 ადამიანი.

აღწერის წელი	მოსახლეობა	კაცი	ქალი
1908^[4]	478
1911^[5]	914
2002^[6]	234	118	116
2014^[1]	178	93	85

ეკლესია[რედაქტირება | წყაროს რედაქტირება]

მთავარი სტატია: შუა სურების წმინდა გიორგის ეკლესია.

შუა სურებში იდგა წმინდა გიორგის ეკლესია, რომელიც ლომისკარელად იწოდებოდა. ტაძარი ერისთავ-შარვაშიძეების კუთვნილებას წარმოადგენდა. დავით შარვაშიძემ და მისმა ძმამ, ზაალმა წმინდა გიორგი ლომისკარელის სამწყსო უბოძა ტრაპაიძეებს. ანიზდარ ტრაპაიძეს განუახლებია ლომისკარელის ჯვარი. ტაძარში დაცული იყო ადგილობრივთა წარმოდგენით სასწაულმოქმედი ლომისკარელის ხატი. თუ ვინმე რაიმეს დაკარგავდა, ან მოჰპარავდნენ, დამნაშავეს ამ ხატზე გადასცემდა. შემდგომ ლომისკარელის ხატი სოფელ ბუკისციხეში იყო დასვენებული, საიდანაც ის გაიტაცეს 1905 წლის რევოლუციის დროს.