საჯავახო (სამტრედიის მუნიციპალიტეტი)

საჯავახო
სოფელი
	საჯავახო;
ქვეყანა	საქართველო
მხარე	იმერეთის მხარე
მუნიციპალიტეტი	სამტრედიის მუნიციპალიტეტი
თემი	საჯავახო
კოორდინატები	42°06′15″ ჩ. გ. 42°18′00″ ა. გ. / 42.10417° ჩ. გ. 42.30000° ა. გ.
ადრეული სახელები	ორპირი, ბარსაჯავახო
ცენტრის სიმაღლე	25 მ
ოფიციალური ენა	ქართული ენა
მოსახლეობა	658 კაცი (2014)
ეროვნული შემადგენლობა	ქართველები 99,7 %
სასაათო სარტყელი	UTC+4
სატელეფონო კოდი	+995

სხვა მნიშვნელობებისთვის იხილეთ საჯავახო.

საჯავახო — სოფელი სამტრედიის მუნიციპალიტეტში, თემის ცენტრი (სოფლები: საჯავახო, ნიგორზღვა, ჭოგნარი). მდებარეობს მდინარე რიონის მარცხენა ნაპირზე. სოფელში არის სილის კარიერი, ჩამოედინება მდინარე თხილნარა, ხოლო მდინარე ხევისწყალი საზღვრავს სოფელ ვაზისუბნიდან. სოფელში გადის სამტრედია-ლანჩხუთისა და სამტრედია-ჩოხატაურის დამაკავშირებელი საავტომობილო გზები. მოქმედებს საბავშვო ბაღი და საჯარო სკოლა.

ისტორია

სოფლის ადრინდელი სახელწოდებაა ორპირი. ასევე მოიხსენიებოდა ბარსაჯავახოს ან ბარის სახელით. სახელწოდება საჯავახო სოფელს შემორჩა საჯავახოს მხარიდან გამომდინარე, რომელშიც შედიოდა ეს სოფელი.

1897 წელს სოფელ ჩოხატაურთან დაკავშირებული იყო რეგულარული სატრანსპორტო (ეტლებით) მიმოსვლით.^[2]

1924 წლის 30 აგვისტოდან 2 სექტემბრამდე საჯავახოში მიმდინარეობდა ბრძოლა ანტისაბჭოთა აჯანყების მონაწილეებს და ხელისუფლების ძალებს შორის. ოზურგეთის მაზრის სოფელ ხიდისთავის რაზმი 3 დღის განმავლობაში უწევდა წინააღმდეგობას ხელისუფლების ძალებს.^[3]