ზენობანი (ჩოხატაურის მუნიციპალიტეტი)

ზენობანი
სოფელი
	ზენობანი;
	; ნოდარ დუმბაძის მუზეუმი ზენობანში
ქვეყანა	საქართველო
მხარე	გურიის მხარე
მუნიციპალიტეტი	ჩოხატაურის მუნიციპალიტეტი
თემი	ხიდისთავი
კოორდინატები	41°58′10″ ჩ. გ. 42°13′50″ ა. გ. / 41.96944° ჩ. გ. 42.23056° ა. გ.
პირველი ხსენება	1904
ცენტრის სიმაღლე	250 მ
მოსახლეობა	108 კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995
	ზენობანი ვიკისაწყობში

სხვა მნიშვნელობებისთვის იხილეთ ზენობანი.

ზენობანი — სოფელი საქართველოში, გურიის მხარის ჩოხატაურის მუნიციპალიტეტში, ხიდისთავის თემში (სოფლები: ახალშენი, ზენობანი, მეწიეთი, წიფნაგვარა, ჭაჭიეთი, ხიდისთავი). მდებარეობს მდინარე გუბაზეულის ხეობაში, ზღვის დონიდან 250 მ. ხიდისთავიდან 4 კმ., ჩოხატაურიდან 8 კმ., საჯავახოს რკინიგზის სადგურიდან 27 კმ. სოფელში მიედინება მდინარე ლაშისწყალი. რუსეთის იმპერიის პერიოდში შედიოდა ჯვარცხმის სასოფლო საზოგადოებაში.

დემოგრაფია[რედაქტირება | წყაროს რედაქტირება]

2014 წლის აღწერის მონაცემებით სოფელში ცხოვრობს 108 ადამიანი.

აღწერის წელი	მოსახლეობა	კაცი	ქალი
1908^[2]	441
1911^[3]	385
2002^[4]	125	59	66
2014^[1]	108	52	56

ისტორიული ძეგლები[რედაქტირება | წყაროს რედაქტირება]

ღვინიანთ საყდარი მდებარეობს ადგილ ღვინიანთეულებში. ეკლესია დარბაზულია, ნაგებია რიყის ქვითა და აგურით, ნახევრად დანგრეულია. ეკლესიას შესასვლელები სამხრეთით და დასავლეთით ჰქონდა, თითო სარკმელი - ოთხივე მხარეს. ნახევარწრიული აფსიდის სარკმლის ორივე მხარეს თითო მოზრდილი ნიშია. ეკლესია გადახურული იყო ცილინდრული კამარით.^[5]

ცნობილი ადამიანები[რედაქტირება | წყაროს რედაქტირება]

სოფელში დაიბადა ისტორიკოსი მამია დუმბაძე. ზენობანში გაატარა თავისი ბავშვობა მწერალმა ნოდარ დუმბაძემ. მისი ბებიისა და ბაბუის სახლის პირდაპირ, იმ ადგილას, რომელიც დუმბაძეს განსაკუთრებით უყვარდა და სახლის აშენება სურდა, ამჟამად დგას მისი მემორიალური მუზეუმი.^[6]