მეწიეთი

სოფელი
მეწიეთი
ქვეყანა	საქართველო
მხარე	გურიის მხარეგურიის მხარე
მუნიციპალიტეტი	ჩოხატაურის მუნიციპალიტეტი
თემი	ხიდისთავი
კოორდინატები	41°57′39″ ჩ. გ. 42°12′47″ ა. გ.
ცენტრის სიმაღლე	300 მ
მოსახლეობა	125 კაცი (2014)
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995

მეწიეთი — სოფელი საქართველოში, გურიის მხარის ჩოხატაურის მუნიციპალიტეტში, ხიდისთავის თემში. მდებარეობს მდინარე გუბაზეულის მარჯვნივ, ზღვის დონიდან 300 მ., ჩოხატაურიდან 7 კმ., საჯავახოს რკინიგზის სადგურიდან 27 კმ. ხიდისთავიდან 2 კმ. სოფლიდან მიდის საცალფეხო გზა კურორტ ბახმარომდე. სოფელი შედიოდა ხიდისთავის სასოფლო საზოგადოებაში. სოფელში დაიბადა მწერალი ჭოლა ლომთათიძე.

დემოგრაფია

2014 წლის აღწერის მონაცემებით სოფელში ცხოვრობს 125 ადამიანი.

აღწერის წელი	მოსახლეობა	კაცი	ქალი
1908	126
1911	353
2002	182	80	102
2014	125	59	66

ნაეკლესიარი

სოფელში იდგა წმინდა გიორგის სახელობის ეკლესია, სადაც ინახებოდა ოქროთი მოჭედილი წმინდა გიორგის ხატი, ჯვარი და „მარხვანი“.

ნაეკლესიარი მდებარეობს სასაფლაოს სამხრეთით, შემაღლებულ ბორცვზე, ადგილ ჯვარას ტერიტორიაზე. ნაეკლესიარზე მისასვლელი გზა სამხრეთ-დასავლეთიდანაა, სადაც კირის დუღაბზე, რიყის ქვით ნაგები გალავნის ფრაგმენტია შემორჩენილი, ასევე სამხრეთ ნაწილში დაფიქსირდა გალავნის ნაშთები. ეკლესია1950-1960-იან წლებში დაანგრიეს და ეკლესიის ქვების ნაწილი, ხიდისთავში კინოთეატრის მშენებლობისთვის გამოიყენეს. ამჟამად ეკლესიის ადგილას სკოლის ხის შენობა დგას. საყრდენ სვეტებად გამოყენებულია ეკლესიის თლილი, საპირე ქვები.

ლიტერატურა

• ქართული საბჭოთა ენციკლოპედია, ტ. 6, თბ., 1983. — გვ. 651.