ნაბეღლავი (ჩოხატაურის მუნიციპალიტეტი)

ნაბეღლავი
სოფელი
	ნაბეღლავი;
	; მინერალური წყლის „ნაბეღლავის“ ქარხანა
ქვეყანა	საქართველო
მხარე	გურიის მხარე
მუნიციპალიტეტი	ჩოხატაურის მუნიციპალიტეტი
თემი	ნაბეღლავი
კოორდინატები	41°56′37″ ჩ. გ. 42°21′29″ ა. გ. / 41.94361° ჩ. გ. 42.35806° ა. გ.
ცენტრის სიმაღლე	475 მ
ოფიციალური ენა	ქართული ენა
მოსახლეობა	195 კაცი (2014)
ეროვნული შემადგენლობა	ქართველები 99,0 %, რუსები 1,0 %
სასაათო სარტყელი	UTC+4
სატელეფონო კოდი	+995
	ნაბეღლავი ვიკისაწყობში

სხვა მნიშვნელობებისთვის იხილეთ ნაბეღლავი.

ნაბეღლავი — სოფელი საქართველოში, გურიის მხარის ჩოხატაურის მუნიციპალიტეტში, თემის ცენტრი (სოფლები: ნაბეღლავი, თავპანტა, ქვაბღა, ჩხაკოურა). მდებარეობს მდინარე გუბაზეულის მარჯვნივ, ზღვის დონიდან 475 მ., ჩოხატაურიდან 22 კმ., საჯავახოს რკინიგზის სადგურიდან 40 კმ. სოფელში გადის ჩოხატაური-ბახმაროს საავტომობილო გზა. სოფელში არის საჯარო სკოლა.^[2]

დემოგრაფია[რედაქტირება | წყაროს რედაქტირება]

2014 წლის აღწერის მონაცემებით სოფელში ცხოვრობს 195 ადამიანი.

აღწერის წელი	მოსახლეობა	კაცი	ქალი
1908^[3]	181
1911^[4]	837
2002^[5]	209	95	114
2014^[1]	195	88	107

კურორტი[რედაქტირება | წყაროს რედაქტირება]

ნაბეღლავი არის ბალნეოლოგიურ-კლიმატური კურორტი. სამკურნალო ფაქტორია ჰავა და ნახშირმჟავა ჰიდროკარბონატული ნატრიუმიანი წყალი. მდიდარია როგორც ფოთლოვანი, ისე ხელოვნურად გაშენებული წიწვოვანი ტყით. საშუალო წლიური ტემპერატურაა 12,1 °C, იანვრის საშუალო ტემპერატურაა 3,6 °C, აგვისტოსი 20,2 °C. ნაბეღლავის მინერალური წყალი ბორჯომის ტიპისაა. იყენებენ სასმელად და აბაზანებისთვის. სამედიცინო ჩვენება: კუჭ-ნაწლავის, ღვიძლის, სანაღვლე და საშარდე გზების დაავადებანი, ნივთიერებათა ცვლის მოშლა. სეზონი მთელი წელი. სოფელში არის შ.პ.ს. „წყალი მარგებელის“ ქარხანა. საბჭოთა პერიოდში მოქმედებდა პანსიონატი.