ზემო ერკეთი

ზემო ერკეთი
სოფელი
	ზემო ერკეთი;
	; სოფლის ხედი მონასტრიდან
ქვეყანა	საქართველო
მხარე	გურიის მხარე
მუნიციპალიტეტი	ჩოხატაურის მუნიციპალიტეტი
თემი	ერკეთი
კოორდინატები	41°59′17″ ჩ. გ. 42°15′58″ ა. გ. / 41.98806° ჩ. გ. 42.26611° ა. გ.
დაარსდა	IX საუკუნე
პირველი ხსენება	XVII საუკუნე
ადრეული სახელები	ერკეთი
ცენტრის სიმაღლე	200 მ
მოსახლეობა	216 კაცი (2014)
ეროვნული შემადგენლობა	ქართველები 99,5 %
სასაათო სარტყელი	UTC+4
სატელეფონო კოდი	+995
	ზემო ერკეთი ვიკისაწყობში

ზემო ერკეთი — სოფელი საქართველოში, ჩოხატაურის მუნიციპალიტეტში (გურიის მხარე), ერკეთის ადმინისტრაციული ერთეულის ცენტრი (სოფლები: ზემო ერკეთი, ქვემო ერკეთი, ზემო ონჭიქეთი, ქვემო ონჭიქეთი, შუბანი).

მდებარეობს სუფსის ვაკეზე, მდ. სუფსის მარცხენა მხარეს, ზღვის დონიდან 200 მ-ზე, ჩოხატაურიდან 10 კმ-ში, საჯავახოს რკინიგზის სადგურიდან 27 კმ-ში. სოფელში დგას საჯარო სკოლა.

ერკეთის ეკლესია

მთავარი სტატია: ერკეთის ეკლესია.

სოფლის მახლობლად, მდ. გუბაზეულის მარჯვენა მხარეს, გორაკზე მდებარეობს IX საუკუნის დარბაზული ტიპის ეკლესია. ეკლესიაში შემორჩენილი არის IX საუკუნის კარი და ფრესკები. ამჟამად მოქმედებს დედათა მონასტერი.

ერკეთის ციხე

სოფელში შემორჩენილია ციხის ნანგრევები. გადმოცემის თანახმად ციხე ზარზმიდან გადმოსული სამი ძმის აშენებული იყო. ძმებმა სოფელ ხევში დაამზადეს ასაშენებელი ქვები. 4 კილომეტრზე ხალხი იყო გადაჭიმული და ერთმანეთს ხელიდან ხელში აძლევდნენ ქვას. ბევრი კვდებოდა. პირველად ქვის პირველი ამღები მომკვდარა. ერთი ძმა დაბრუნდა ზარზმას, ზოგი ამბობდა ქობულეთში წავიდაო, მეორე ხევში წასულა, ელიე რომელსაც ერქვა. სწორედ იმ ელიეს ნაშიერია ახლანდელი ხევში მცხოვრები ელიეშვილები. დავითი დარჩენილა ერკეთში მგალობლად, სწორედ ამ მგალობლიშვილის შთამომავლების ეზოშია ამჟამად ციხის ნანგრევები. გადმოცემით, თამარ მეფე შესაძლოა ამ ციხეში იყოს დამარხული.