ახშნის ელიას ეკლესია

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა
ახშნის ელიას ეკლესია
ჯაბა ლაბაძის ფოტო

ახშნის ელიას ეკლესია — ეკლესია ახმეტის მუნიციპალიტეტის სოფელ ახშნის სამხრეთით სასაფლაოზე. განეკუთვნება გვიანდელ შუა საუკუნეებს.

ეკლესია დარბაზულია (9,6X6,3 მ), კედლების ქვედა ნაწილი ნაგებია ძირითადად რიყის ქვით. ზედა ნაწილები კი აგურისა და რიყის ქვის მონაცვლეობით. შესასვლელი ორი აქვს სამხრეთით და დასავლეთით. ორივე კარი თაღოვანია. აღმოსავლეთით ნალისებრიაფსიდის ღერძზე სარკმელია, ასეთივე სარკმელია შენობის სამხრეთის და ცრდილოეთის კედელშიც. საკურთხეველი ხის კანკელითაა გამოყოფილი. ნავის იატაკზე დაგებულია კვადრატული აგური. ეკლესია ცილინდრული კამარითაა გადახურული.

აღმოსავლეთისა და დსავლეთის ფასადებზე თითო შეღრმავებული ჯვარია. ეკლესიას აგურის სამსაფეხურიანი ლავგარდანი აქვს, გადახურულია ღარიანი კრამიტით.

ლიტერატურა[რედაქტირება | წყაროს რედაქტირება]

  • საქართველოს ისტორიისა და კულტურის ძეგლთა აღწერილობა, ტ. 2. თბ., 2004.