არჩილ კბილაშვილი
| არჩილ კბილაშვილი | |
 | |
  | |
|---|---|
| თანამდებობაზე ყოფნის დრო | |
| 25 ოქტომბერი, 2012 – 7 ნოემბერი, 2013 | |
| პრეზიდენტი | მიხეილ სააკაშვილი გიორგი მარგველაშვილი |
| პრემიერ-მინისტრი | ბიძინა ივანიშვილი ირაკლი ღარიბაშვილი |
| წინამორბედი | მურთაზ ზოდელავა |
| მემკვიდრე | ოთარ ფარცხალაძე |
| დაბადებული | 2 დეკემბერი, 1971 ბაღდათი, იმერეთი, საქართველოს სსრ, საბჭოთა კავშირი |
| მოქალაქეობა |  სსრკ → საქართველო |
| ეროვნება | ქართველი |
| პოლიტიკური პარტია | ქართული ოცნება |
| მეუღლე | სოფო ცისკაძე |
| შვილები | სანდრო, სალომე, ვაკო |
| განათლება | სახელმწიფო უნივერსიტეტი (ფაკ. საერთაშორისო სამართალი) |
| პროფესია | იურისტი |
| საქმიანობა | ადვოკატი |
| რელიგია | მართლმადიდებელი |
არჩილ კბილაშვილი (დ. 2 დეკემბერი, 1971, სოფ. დიმი; ბაღდათის რაიონი) — ქართველი იურისტი და საქართველოს მთავარი პროკურორი 2012 წლის ოქტომბრიდან — 2013 წლის 7 ნოემბრამდე.
ბიოგრაფია
[რედაქტირება | წყაროს რედაქტირება]არჩილ კბილაშვილი დაიბადა 1971 წლის 2 დეკემბერს სოფ. დიმში, ბაღდათში, იმერეთის რეგიონში, საქართველოს სსრ-ში. მისი მშობლები სკოლაში მასწავლებლებად მუშაობდნენ, არჩილის მამა ფიზიკის, ხოლო დედა რუსული ენის მასწავლებელი იყო. 1993 წელს არჩილმა დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი, ხოლო 1995 წელს იმავე უნივერსიტეტში მიიღო სახელმწიფო სამართლის მაგისტრის ხარისხი. ქართულ ენასთან ერთად ფლობს ასევე ინგლისურს, გერმაულს და რუსულს. 1993 წლიდან 2012 წლამდე არჩილ კბილაშვილი მოღვაწეობდა წამყვან ქართულ იურიდიულ ფირმაში „მგალობლიშვილი, ყიფიანი, ძიძიგური“. 2009 წელს იგი აირჩიეს საქართველოს ადვოკატთა ასოციაციის ეთიკის კომისიის წევრად, ხოლო 2007 წელს იგი არჩეულ იქნა საქართველოში საფრანგეთის საელჩოს პირად ადვოკატ-კონსულად. არჩილ კბილაშვილი ასევე იცავდა ბიზნესმენ ბიძინა ივანიშვილისა და მისი მეუღლის ინტერესებს სასამართლოში საქართველოს მოქალაქეობის აღდგენის საკითხის განხივისას. 2006 წელს არჩილ კბილაშვილი საქართველოს ადვოკატთა ასოციაციის წევრი გახდა. 2012 წლის 15 თებერვალიდან არჩილ კბილაშვილი არის ქართული ოცნება — დემოკრატიული საქართველოს საინიციატივო ჯგუფის წევრი. 2012 წლის 21 ოქტომბრიდან 7 ნოემბრამდე იყო საქართველოს მე-8 მოწვევის პარლამენტის წევრი (ბაღდათის მაჟორიტარი), საარჩევნო ბლოკი: „ბიძინა ივანიშვილი — ქართული ოცნება“.
არჩილს ჰყავს მეუღლე და სამი შვილი.
სამუშაო გამოცდილება
[რედაქტირება | წყაროს რედაქტირება]- 2006 — საქართველოს ადვოკატთა ასოციაციის წევრი
- 2012 — საქართველოში ისრაელის საელჩოს ადვოკატი
- 1999-2012 — იურიდიული ფირმა შპს „მგალობლიშვილი, ყიფიანი, ძიძიგური“ ადვოკატი და პარტნიორი
- 2007-2012 — საქართველოში საფრანგეთის საელჩოს პირადი ადვოკატ-კონსული
- 2010-2012 — საქართველოს ადვოკატთა ასოციაციის ეთიკის კომისიის წევრი
- 2012-2013 — საქართველოს მთავარი პროკურორი
რესურსები ინტერნეტში
[რედაქტირება | წყაროს რედაქტირება]- არჩილ კბილაშვილი — საქართველოს ბიოგრაფიული ლექსიკონი
- არჩილ კბილაშვილი — საქართველოს პარლამენტის ოფიციალური საიტი (მოძველებული / არქივი / ახალი არქივი)
- მინისტრობის კანდიდატები და ბიოგრაფიები
- რა ქონებას ფლობს საქართველოს მთავარი პროკურორი