ვასილ ცაბაძე

მასალა ვიკიპედიიდან — თავისუფალი ენციკლოპედია
Jump to navigation Jump to search

ვასილ (ვასო) ზაქარიას ძე ცაბაძესაქართველოს დამფუძნებელი კრების წევრი, სოციალ-დემოკრატიული პარტიიდან.[1][2]

დაიბადა 1870 წელს გორის მაზრის სოფელ საციხურში (ამჟამად ქარელის მუნიციპალიტეტი), ზაქარია დიმიტრის ძე ცაბაძის ოჯახში. ვასილ ცაბაძე იყო „მესამედასელი“, იგი ერთ-ერთი პირველი შევიდა სოციალ-დემოკრატიულ კომიტეტში 1898 წელს. მოგვიანებით იგი იყო აღნიშნული პარტიის მემარჯვენე ფრთის, მენშევიკური მიმართულების წევრი. საქართველოს დამოუკიდებლობის აქტზე (1918 წელი) ვასილ ცაბაძის ხელმოწერაც არის აღნიშნული.

ვასილ ცაბაძე 1916 წლიდან იყო ქართველთა შორის წერა-კითხვის გამავრცელებელი საზოგადოების ნამდვილი წევრი.

ვასილ ცაბაძე 1924 წელს გაურკვეველ ვითარებაში მოკლეს თბილისში.

სქოლიო[რედაქტირება | წყაროს რედაქტირება]

  1. ზაქარია გურული — „მოგონებები“, თბილისი, 2007 წელი
  2. ალექსანდრე სიგუა — „ვინ მოკლა ილია ჭავჭავაძე?“, თბილისი, 1989 წელი