ლაითური

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
დაბა
ლაითური
Ozurgeti.png
ქვეყანა საქართველოს დროშა საქართველო
მხარე გურიის მხარე
მუნიციპალიტეტი ოზურგეთის მუნიციპალიტეტი
კოორდინატები 41°54′45″ ჩ. გ. 41°54′33″ ა. გ. / 41.91250° ჩ. გ. 41.90917° ა. გ. / 41.91250; 41.90917
დაბა  1953  წლიდან
ფართობი 23,9 კმ²
ზღვის დონიდან 800
მოსახლეობა 3512 კაცი (2010)
სიმჭიდროვე 146,94 კაცი/კმ²
ეროვნული
შემადგენლობა
ქართველები 92%
სარწმუნოებრივი
შემადგენლობა
მუსლიმები, მართლმადიდებლები
სატელეფონო კოდი +995 496[1]
საფოსტო ინდექსი 3500[2]

GEO-GR-OZ.svg

Red pog.svg

ლაითური მდებარეობა გურიის მხარე

Red pog.png

ლაითურიდაბა ოზურგეთის მუნიციპალიტეტში 1953 წლიდან. დაბაში მოქმედებს საჯარო სკოლა[3].

გეოგრაფია[რედაქტირება]

მდებარეობს მდინარეების, ჩოლოქისა და ნატანების შუამდინარეთში, ზღვის დონიდან 80 მ, უახლოეს რკინიგზის სადგურ მერიიდან 5 კმ., ოზურგეთიდან 14 კმ.

ლაითურში ზღვის ნოტიო სუბტროპიკული ჰავაა, იცის თბილი ზამთარი და ცხელი ზაფხული. ჰაერის საშუალო წლიური ტემპერატურა 13,6, იანვარში 4,9°C, ივლისში 21,7°C, აბსოლუტური მინიმუმი -16°C, აბსოლუტური მაქსიმუმი 40°C, ნალექები 2330 მმ წელიწადში.

ისტორია[რედაქტირება]

ლაითურის ტერიტორიაზე ადამიანს ჯერ კიდევ ახალი ქვის ხანაში უცხოვრია. ლაითურში იყო გაუვალი ტყე, რომელსაც სამალავად იყენებდნენ იყენებდნენ ტყვეთა სყიდვაში ჩაბმული მოვაჭრეები. 1930 წელს შეიქმნა კიროვის სახელობის ლაითურის საბჭოთა მეურნეობა და დაიწყო ტყის გაჩეხვა. 1935 წელს აშენდა ჩაის ფაბრიკა. 1946 წელს ლაითურის ტერიტორიაზე გაშენებული იყო 1700 ჰა ჩაის, 200 ჰა ტუნგისა და 114 ჰა ციტრუსის პლანტაცია. მოსახლეობის რაოდენობა აღემატებოდა 1000 ადამიანს. 1953 წელს დასახლებას მიენიჭა დაბის სტატუსი. 1958 წლის 14 მაისს ლაითურის მეურნეობაში, ჭანიეთისა და ლიხაურის პარალელურად, პირველად გამოსცადეს ჩაის საკრეფი მანქანა, რაც იმდროინდელმა პროპაგანდამ საბჭოთა მეურნეობის უდიდეს წარმატებად გამოაცხადა.[4]1969 წელს, საქართველოს მინისტრთა საბჭოს დადგენილებით, ხულოს რაიონიდან ლაითურში დასახლდა 300 ოჯახი აჭარლებისა.

1997 წელს ლაითურის ჩაის პლანტაციის ყოფილი ტერიტორიები კერძო მესაკუთრეებმა შეიძინეს. 2007 წელს საქართველოს სასჯელაღსრულების, პრობაციისა და იურიდიული დახმარების საკითხთა სამინისტრომ ლაითურში ციხის მშენებლობა დაიწყო, რომელიც ამჟამად უსახსრობის გამო შეჩერებულია.

დემოგრაფია[რედაქტირება]

2002 წლის აღწერის მიხედვით ლაითურის მოსახლეობა შეადგენდა 3556 ადამიანს. 2006 წელს მოსახლეობა შეადგენდა 3,593 ათას კაცს. 2010 წლის მონაცემებით მოსახლეობის რაოდენობა შემცირდა 3512 კაცამდე. მოსახლეობის 92% ქართველია, ძირითადად გურულები და აჭარლები. აგრეთვე ცხოვრობენ რუსები, სომხები, აზერბაიჯანელები და ბერძნები. დაბის მოსახლეობის 5% ღარიბია. დასაქმებულია შრომისუნარიანი მოსახლეობის 4%.

ლიტერატურა[რედაქტირება]

რესურსები ინტერნეტში[რედაქტირება]

სქოლიო[რედაქტირება]