ჩოლოქი
| ჩოლოქი | |
|---|---|
 ხიდი მდინარე ჩოლოქზე | |
| ქვეყანა |
 საქართველო |
| ტერიტორიული ერთეულები | აჭარის ავტონომიური რესპუბლიკა, გურიის მხარე |
| სათავე |
ჭახათის მთა 41°49′13″ ჩ. გ. 41°57′28″ ა. გ. / 41.82028° ჩ. გ. 41.95778° ა. გ. |
| სათავის სიმაღლე | 803 მ |
| შესართავი |
ნატანები 41°54′38″ ჩ. გ. 41°46′12″ ა. გ. / 41.91056° ჩ. გ. 41.77000° ა. გ. |
| სიგრძე | 29,5 კმ |
| აუზის ფართობი | 159 კმ² |
| წყლის ხარჯი (საშ.) | 9,5 მ³/წმ |
     — სათავე,  — შესართავი | |
 ჩოლოქი ვიკისაწყობში | |
ჩოლოქი — მდინარე დასავლეთ საქართველოში, ნატანების მარცხენა შენაკადი. სათავე აქვს მესხეთის ქედის ჩრდილო-დასავლეთ კალთაზე, ჭახათის მთაზე, 803 მ სიმაღლეზე. სიგრძე 29,5 კმ, მდინარის აუზის ფართობი 159 კმ². საზრდოობს წვიმის, თოვლის და მიწისქვეშა წყლით. ახასიათებს წვიმებით გამოწვეული წყალმოვარდნები მთელი წლის განმავლობაში, განსაკუთრებით შემოდგომა-ზამთარში. საშუალო წლიური ხარჯი შესართავთან 9,5 მ³/წმ. ჩოლოქის შენაკადებია ლეღვა, შარისწყალი და ოჩხამური.[1]
ისტორიული ფაქტები[რედაქტირება | წყაროს რედაქტირება]
1828-1878 წლებში წარმოადგენდა საზღვარს რუსეთისა და ოსმალეთის იმპერიებს შორის. 1854 წელს მდინარესთან გაიმართა ბრძოლა ოსმალების წინააღმდეგ ყირიმის ომის დროს. 1878 წლიდან იქცა ოზურგეთის მაზრისა და ბათუმის ოლქის გამყოფ საზღვრად. 1893 წელს მდინარე აკურთხეს. 1930 წლიდან ქობულეთისა და ოზურგეთის მუნიციპალიტეტების საზღვარს წარმოადგენს. 2004 წელს, ვარდების რევოლუციის შემდეგ საქართველოს მთავრობასა და აჭარის ავტონომიური რესპუბლიკის მთავრობას შორის არსებული დაპირისპირების გამო ასლან აბაშიძის ბრძანებით ააფეთქეს ჩოლოქის ხიდი, რომელიც მდებარეობს ცენტრალურ ავტომაგისტრალზე. ამჟამად აფეთქებული ხიდის ნაცვლად მოქმედებს ახალი ხიდი.
ლიტერატურა[რედაქტირება | წყაროს რედაქტირება]
- აფხაზავა ი., ქართული საბჭოთა ენციკლოპედია, ტ. 11, თბ., 1987. — გვ. 146.
