ლიხაური
| სოფელი
ლიხაური
|
ლიხაური — სოფელი ოზურგეთის მუნიციპალიტეტში. თემის ცენტრი (სოფლები: ლიხაური, აჭი, კვაჭალათი, ნიაბაური). მდებარეობს მდინარე აჭისწყლის ხეობაში, ნაბადას მთის ჩრდილოეთით, ზღვის დონიდან 80 მ, ოზურგეთიდან 5 კმ. გარკვეული პერიოდის მანძილზე წარმოადგენდა გურიის სამთავროს ცენტრს.
სოფელში არის საჯარო სკოლა[2], ბიბლიოთეკა, ჭიდაობის კლუბი. სოფელში არის რომელიც ოზურგეთის ისტორიული მუზეუმის ფილიალი, ექვთიმე თაყაიშვილის სახლ-მუზეუმი [3]
სექციების სია |
[რედაქტირება] ციხე
მთავარი სტატია : ლიხაურის ციხე.თამარის ციხე მდებარეობს ლიხაურის ცენტრიდან 2 კმ მოშორებით. ციხე გვიანდელ შუა საუკუნეებს მიეკუთვნება. ციხე გეგმით ოვალურია. ორსართულიანი კარიბჭე ჩრდილოეთიდან აქვს. გალავნის ოთხივე მხარეში კოშკებია ჩართული. ციხის ტერიტორიაზე შემორჩენილია წყლის რეზერვუარი და ჭა.
[რედაქტირება] ეკლესია
მთავარი სტატია : ლიხაურის ეკლესია.
ეკლესია მდებარეობს სოფლის ცენტრში შემაღლებულ ბორცვზე , ეკლესიას ერთი მხრიდან იცავს ქვის გალავანი, რომელშიც დატანებულია თლილი ქვით ნაგები ოთხკუთხიანი სამრეკლო. ეკლესიის შენობა იმავე ქვითაა ნაშენი. ეკლესია დარბაზული ტიპის ნაგებობაა. იგი კვადრატის ფორმისაა, ეკლესიას ეტყობა გადაკეთებათა კვალი. განსაკუთრებით მნიშვნელოვანია ეკლესიის ხატები.
[რედაქტირება] პიროვნებები
სოფელში დაიბადნენ:
- ექვთიმე თაყაიშვილი - მეცნიერი და საზოგადო მოღვაწე
- ალექსანდრე წუწუნავა - სცენარისტი, რეჟისორი
[რედაქტირება] ლიტერატურა
- დიმიტრი ბაქრაძე, არქიტექტურული მოგზაურობა გურიასა და აჭარაში, ბათუმი., 1987 წ.
[რედაქტირება] სქოლიო
[რედაქტირება] რესურსები ინტერნეტში
ვიკისაწყობში არის გვერდი თემაზე: ლიხაური- რეპორტაჟი ლიხაურიდან
- ლიხაური Wikiloc-ზე
|
|||||||||||
