ლესელიძე (დაბა)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
Disambig-dark.svg სხვა მნიშვნელობებისთვის იხილეთ ლესელიძე.
დაბა
ლესელიძე
ქვეყანა საქართველოს დროშა საქართველო
ავტონომიური რესპუბლიკა აფხაზეთის არ
მუნიციპალიტეტი გაგრის მუნიციპალიტეტი
კოორდინატები 43°23′ ჩ. გ. 40°02′ ა. გ. / 43.383° ჩ. გ. 40.033° ა. გ. / 43.383; 40.033
ზღვის დონიდან 3
სატელეფონო კოდი +995 443[1]
საფოსტო ინდექსი 6700[2]

GEO-AB-GG.svg

Red pog.svg

ლესელიძე (დაბა) მდებარეობა აფხაზეთის ავტონომიური რესპუბლიკა

Red pog.png

ლესელიძე (ასევე გეჩრიფში, აფხ. Гьачрыҧшь) — დაბა საქართველოში, აფხაზეთის ა რ-ში, რუსეთის საზღვართან. ყოფილი იერმოლოვკა, შემდეგ ლესელიძე, დაბა შავი ზღვის პირას მდებარეობს და 14 კმ-შია გაგრიდან.

XIX საუკუნეში სოფელი საამური ჰავის წყალობით პოპულარული დასასვენებელი ადგილი გახდა. ამ პერიოდში მას რუსებმა იერმოლოვკა დაარქვეს.

1944 წელს იერმოლოვკას დიდი სამამულო ომის გენერალი კონსტანტინე ლესელიძის სახელი დაარქვეს. ომის შემდეგ სოფელი კურორტად გადაიქცა.

კონსტანტინე ლესელიძის ძეგლი ძეგლი[რედაქტირება]

კ. ნ. ლესელიძის ძეგლი ბრონზისაა, შესრულებულია 1974 წელს მოქანდაკე ს. ი. კაკაბაძის მიერ და აღმართულია მარმარილოს მაღალ პოსტამენტზე სოფელ ლესელიძეში 1975 წელს.

კ. ნ. ლესელიძის ძეგლის საზეიმო გახსნა მოხდა დიდი გამარჯვების 30 წლისთავის დღეს — 1975 წლის 9 მაისს. მიტინგზე გამოვიდა გენერლის ქალიშვილი იზოლდა ლესელიძე, რომელმაც თქვა:

ვიკიციტატა
„ ”მე უსასრულოდ გახარებული გილოცავთ თქვენ ყველას გამარჯვების დღეს. ამ უდიდეს დღესასწაულს დაემთხვა მამაჩემის ძეგლის გახსნა. ეს ძეგლი არის არა მარტო მამაჩემის, არამედ ყველა იმათი, ვინც წავიდა საომრად საქართველოდან და არ დაბრუნდა სახლში...”“

[3]

აფხაზეთის ომის დროს 1992 წლის სექტემბერში ქ. გაგრის დაცემის შემდეგ სხვა ქართულ ძეგლებთან ერთად მიწასთან იქნა გასწორებული ძეგლიც. მისი შემდგომი ბედი უცნობია.

კ. ნ. ლესელიძის სკულპტურული პორტრეტის აღდგენა შეუძლებელია: არ შემორჩა მასალები არც მოქანდაკის სახელოსნოში, არც ქანდაკებათა თბილისის კომბინატში.

სქოლიო[რედაქტირება]