მზიანი

მზიანი
სოფელი
	მზიანი;
ქვეყანა	საქართველო
მხარე	გურიის მხარე
მუნიციპალიტეტი	ოზურგეთის მუნიციპალიტეტი
თემი	ასკანა
კოორდინატები	41°58′45″ ჩ. გ. 42°09′30″ ა. გ. / 41.97917° ჩ. გ. 42.15833° ა. გ.
ადრეული სახელები	ფიჩხისჯვარი
ფართობი	6 კმ²
ცენტრის სიმაღლე	160 მ
მოსახლეობა	263 კაცი (2014)
სიმჭიდროვე	43,8 კაცი/კმ²
ეროვნული შემადგენლობა	ქართველები 100 %
სასაათო სარტყელი	UTC+4
სატელეფონო კოდი	+995
	მზიანი ვიკისაწყობში

მზიანი (ყოფ. ფიჩხისჯვარი) — სოფელი საქართველოში, გურიის მხარის ოზურგეთის მუნიციპალიტეტში, ასკანის თემში (სოფლები: ასკანა, დაბალი ეწერი, მზიანი). მდებარეობს მდინარე ყურეფას მარცხნივ, ზღვის დონიდან 160 მ. ასკანიდან 6 კმ., ოზურგეთიდან 20 კმ. მოსახლეობა ძირითადად მისდევს მეთხილეობას, მეცხოველეობასა და მეფრინველეობას, მოქმედებს მზიანის ჩაის ფაბრიკა. სოფელში დაიბადა პათოლოგიური ანატომიის ფუძემდებელი ვლადიმერ ჟღენტი.

ისტორია[რედაქტირება | წყაროს რედაქტირება]

სოფლის ძველი სახელია ფიჩხისჯვარი. 1922 წლის 26 მაისს ხიდისთავის რაიონის სოფელ ფიჩხისჯვრის ცენტრში გაიმართა მიტინგი საქართველოს დამოუკიდებლობის დღის აღსანიშნავად. მიტინგი საბჭოთა ხელისუფლებამ დაარბია, რასაც მოჰყვა მსხვერპლი.^[2] 1929 წელს დაიხურა სოფლის ეკლესია და მსახურება შეწყვიტა მღვდელმა ერმალო ჯაველიძემ.^[3]