თიანეთი — დაბა, თიანეთის მუნიციპალიტეტის ადმინისტრაციული ცენტრი.
მდებარეობს თიანეთის ქვაბულში, მდინარე ივრის მარჯვენა სანაპიროზე, ზღვის დონიდან 1100 მეტრზე, თბილისიდან დაშორებულია 75 კილომეტრით.
1874-1930 წლებში თიანეთის მაზრის ცენტრი იყო. დაბის სტატუსი მიენიჭა 1960 წელს.
დაბაში არის ადმინისტრაციული, განათლების და ჯანდაცვის დაწესებულებები, მცირე საწარმოები, მირზა გელოვანის მუზეუმი. თიანეთი ადგილობრივი მნიშვნელობის კურორტია. თიანეთის ჩრდილო-დასავლეთით შემორჩენილია XI ს-ის ხუროთმოძღვრული ძეგლის - ცხრაკარის სასახლის ნანგრევები
დაბა თიანეთი ექვემდებარება საქართველოს საპატრიარქოს თიანეთისა და ფშავ-ხევსურეთის ეპარქიას.
-
თიანეთის კულტურის ცენტრი
ჯაბა ლაბაძის ფოტო
-
ღვთისმშობლის მიძინების სახელობის ეკლესია თიანეთის ცენტრში
ჯაბა ლაბაძის ფოტო
-
ვიკისაწყობში
? არის გვერდი თემაზე:
