როჯერ უოტერსი
ვიკიპედიიდან
| როჯერ უოტერსი | ||
|---|---|---|
 |
||
| ბიოგრაფია | ||
| ნამდვილი სახელი | ჯორჯ როჯერ უოტერსი | |
| დაიბადა | სურეი, ინგლისი | |
| ჟანრი/ები | პროგრესული როკი ფსიქოდელიური როკი ფოლკ როკი |
|
| საქმიანობა/ები | მუსიკოსი | |
| ინსტრუმენტი/ები | ბას გიტარა | |
| ლეიბლი/ები | Capitol Columbia Sony EMI Harvest |
|
| ვებგვერდი | Roger-Waters.com | |
ჯორჯ როჯერ უოტერსი (ინგლ. George Roger Waters) (დ. 6 სექტემბერი, 1943, დიდი ბუკჰემი, დიდი ბრიტანეთი) არის ინგლისელი როკ მუსიკოსი, ვოკალისტი, ბას გიტარისტი, სიმღერების ავტორი და კომპოზიტორი. იგი უფრო მეტად ცნობილია, როგორც ჯგუფ პინკ ფლოიდის წევრი და ლიდერი 1968-1985 წლებში. 1985 წელს, ჯგუფის დატოვების შემდეგ მან დაიწყო სოლო-კარიერა, რომელსაც დღემდე მიჰყვება. 2005 წელს გამოვიდა მისი ოპერა Ça Ira.
სექციების სია |
[რედაქტირება] ბიოგრაფია
[რედაქტირება] 1943–1965
როჯერ უოტერსი დაიბადა დიდ ბუკჰემში, სურეის საფრაფოში და გაიზარდა კემბრიჯში. მისი, ერიკ ფლეტჩერ უოტერსი იყო კომუნისტი და პაციფისტი, მაგრამ მიუხედავად ამისა, იძულებული იყო, ებრძოლა მეორე მსოფლიო ომის დროს. იგი დაიღუპა ანციოს ხიდის აღებისას, 1944 წელს, როდესაც როჯერ ჯერ ხუთი თვის იყო. მოგვიანებით მამის დაღუპვის და ომის თემა გაჩნდა ალბომებში The Final Cut და The Wall.
უოტერსი და სიდ ბარეტი ერთად დადიოდნენ მორლის სახელობის მოზარდების სკოლაში ჰილზ როუდზე, კემბრიჯში, მოგვიანებით კი - ჰილზ როუდის მეექვსე ფორმის კოლეჯში. იმავე ქუჩაზე განლაგებული იყო პერსის კოლეჯეი, რომელშიც დადიოდა დევიდ გილმორი. რეჯენტ სტრიტის პოლიტექნიკურ სასწავლებელში როჯერმა გაიცნო ნიკ მეისონი და რიჩარდ რაიტი. უოტერსი კარგი მოცურავე იყო და ხშირად დაცურავდა გრანჩესტერის მინდვრებთან. 15 წლის ასაკში იგი აირჩიეს ბირთვული განიარაღების მოძრაობის ლიდერად.
[რედაქტირება] პინკ ფლოიდში (1965–1985)
1965 წელს როჯერმა, სიდ ბარეტთან ერთად დააარსა პინკ ფლოიდი. მათ ასევე შეუერთდნენ რიჩარდ რაიტი და ნიკ მეისონი. ჯგუფის პირველი ალბომისათვის The Piper at the Gates of Dawn უოტერსმა დაწერა "Take Up Thy Stethoscope and Walk", მაგრამ მისი, როგორც სიმღერების კომპოზიტორის როლი, ჯერ კიდევ მომავლის საკითხი იყო. ბარეტის ჰალუცინოგენებით გატაცებამ შეარყია მისივე ფსიქიკა და იგი უმართავი გახდა. რათა დამწყებ ჯგუფს ნაკლები პრობლემები ჰქონდა, დროთა განმავლობაში სიდი საერთოდ გააძევეს კოლექტივიდან. მის მაგივრად ჯგუფში გიტარისტად მოვიდა დევიდ გილმორი. იმ პერიოდში ბევრი წუხდა, რომ პინკ ფლოიდი არ იქნება ისეთივე წარმატებული, როგორც ბარეტის დროს, მაგრამ უოტერსმა ჯგუფი სხვა მიმართულებით წაიყვანა.
1970 წელს ფილმისათვის "სხეული" როჯერ უოტერსისა და რონ გიზინის მიერ (რომელიც ასევე იყო პინკ ფლოიდის Atom Heart Mother-ის თანაავტორი) ჩაწერილი იქნა მუსიკალური თემები, რომლებიც ასევე გამოიცა საუნდტრეკის Music from "The Body" სახით.
1970-იან წლებში უოტერსის კონცეფციით შეიქმნა ალბომები The Dark Side of the Moon, Wish You Were Here, Animals და The Wall − ყოველი მათგანი იქცა ჯგუფის სავიზიტო ბარათად, თუმცა ოთხივე წარმოადგენს ფასდაუდებელ ნამუშევარს როკ-მუსიკის ისტორიაში.
დროთა განმავლობაში როჯერმა საკუთარ თავზე აიღო თითქმის ყველაფერი, რაც ჯგუფს ეხებოდა და ამან კოლექტივი მიიყვანა დაძაბულობამდე. როჯერში თავი იჩინა ეგოცენტრულმა პიროვნებამ, რომელიც აკონტროლებდა ყველაფერს, რაც პინკ ფლოიდს ეხება. ამიტომაც, ალბომის The Final Cut გამოცემის შემდეგ, როდესაც უოტერსმა განაცხადა, რომ სოლო პროექტზე მუშაობას აპირებას, მას გაუკვირდა, რომ პინკ ფლოიდის დარჩენილი ორი წევრი (ამ დროისათვის რიჩარდ რაიტი დროებით არ იყო ჯგუფის წევრი) კვლავ აპირებს პინკ ფლოიდის სახელით გამოცემას. მისი ღრმა რწმენით, პინკ ფლოიდი მხოლოდ იგი იყო, რადგანაც ყველაფერი ეკუთვნოდა − ტექსტი, სიმღერების მუსიკის ავტორობა, ალბომებისა და შოუების კონცეფცია და ა.შ.
1985 წელს როჯერმა იურიდიულად დატოვა პინკ ფლოიდი, თუმცა ყოფილ კოლეგებთან არაერთი პრობლემა ჰქონდა ჯგუფის აღდგენის შემდეგ.
[რედაქტირება] ჰიტები და ჯილდოები
უოტერსის სოლო სინგლები მცირე პოპულარობით სარგებლობდნენ. მის სოლო ალბომს The Pros and Cons of Hitch Hiking მიენიჭა ოქროს სტატუსი, ხოლო ოპერა Ça Ira მოხვდა #1 ადგილზე (ბრიტანეთის და აშშ ჩარტები). აშშ როკ ენ როლის დიდების დარბაზში უოტერსი მოხვდა, როგორც პინკ ფლოიდის წევრი, ხოლო 1990 წელს მიიღო პრიზი "წლის მედია მოვლენა", კონცერტისათვის The Wall Live in Berlin.
[რედაქტირება] როჯერ უოტერსის დაწერილი პინკ ფლოიდის სიმღერები
- “Take Up Thy Stethoscope and Walk”, ალბომიდან “The Piper at the Gates of Dawn” (1967).
- “Julia Dream”, სინგლიდან “It Would Be So Nice” (1968).
- “Let There Be More Light”, ალბომიდან “A Saucerful of Secrets” (1968).
- “Set the Controls for the Heart of the Sun”, ალბომიდან “A Saucerful of Secrets” (1968).
- “Corporal Clegg”, ალბომიდან “A Saucerful of Secrets” (1968).
- “Cirrus Minor”, ალბომიდან “Music from the Film More” (1969).
- “The Nile Song", ალბომიდან “Music from the Film More” (1969).
- “Crying Song”, ალბომიდან “Music from the Film More” (1969).
- “Green Is the Colour”, ალბომიდან “Music from the Film More” (1969).
- “Cymbaline”, ალბომიდან “Music from the Film More” (1969).
- “Grantchester Meadows”, ალბომიდან “Ummagumma” (1969).
- “Several Species of Small Furry Animals Gathered Together in a Cave and Grooving with a Pict”, ალბომიდან “Ummagumma” (1969).
- “If”, ალბომიდან “Atom Heart Mother” (1970).
- “Biding My Time”, ალბომიდან “Relics” (1971).
- “San Tropez”, ალბომიდან “Meddle” (1971).
- “Free Four”, ალბომიდან “Obscured by Clouds” (1972).
- “Money”, ალბომიდან “The Dark Side of the Moon” (1973).
- “Brain Damage”, ალბომიდან “The Dark Side of the Moon” (1973).
- “Eclipse”, ალბომიდან “The Dark Side of the Moon” (1973).
- “Have a Cigar”, ალბომიდან “Wish You Were Here” (1975).
- “Welcome to the Machine”, ალბომიდან “Wish You Were Here” (1975).
- ყველა სიმღერა ალბომზე “Animals”, გარდა სიმღერის “Dogs” (1977).
- ყველა სიმღერა ალბომზე “The Wall” გარდა სიმღერების “Young Lust”, “Comfortably Numb”, “Run Like Hell” და “The Trial” (1979).
- ყველა სიმღერა ალბომზე “The Final Cut” (1983).
- “Embryo”, ალბომიდან “Works” (1983).
[რედაქტირება] სოლო დისკოგრაფია
მთავარი სტატია : როჯერ უოტერსის დისკოგრაფია.[რედაქტირება] ვებ გვერდები
- როჯერ უოტერსის ოფიციალური ვებ გვერდი
- ოფიციალური ფან კლუბი
- ინგლისურ-ფრანგული ვებ გვერდი, დეტალური დისკოგრაფიითა და შემოქმედებითი გზის მიმოხილვით
|
|||||||||||||||||||||||
|
||||||||||||||||||||||||||
 |
მუსიკის პორტალი – დაათვალიერეთ ვიკიპედიის სხვა სტატიები მუსიკაზე. |
