Point Me at the Sky

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
„Point Me at the Sky“
Point Me at the Sky ყდა
სინგლი, შემსრულებელი - პინკ ფლოიდი
ალბომიდან ''The Early Singles''
B-მხარე „Careful with That Axe, Eugene“
გამოსვლის თარიღი 17 დეკემბერი, 1968
ფორმატი 7"
ჩაიწერა 4 ნოემბერი, 1968
ჟანრი პროგრესული როკი
ხანგრძლივობა 3:35
ლეიბლი Columbia (EMI) (ბრიტანეთი)
პროდიუსერი დევიდ გილმორი
როჯერ უოტერსი
პინკ ფლოიდი - სინგლების ქრონოლოგია
Let There Be More Light
(1968)
Point Me at the Sky
(1968)
The Nile Song
(1969)

Point Me at the Sky (ინგლ. მიმანიშნე ცისკენ) — ჯგუფ პინკ ფლოიდის სინგლი. სიმღერა გამოვიდა 1968 წლის 17 დეკემბერს.[1][2] იგი არის როჯერ უოტერსისა და დევიდ გილმორის ერთ-ერთი ადრინდელი კომპოზიცია.

ისტორია[რედაქტირება]

სიმღერაში საუბარია ვინმე ჰენრი მაკლინზე, რომელიც მეგობარ იუჯინთან ერთად დაფრინავს საფრენი აპარატით. ორივე მათგანი ცდილობს გამოიქცეს მომავლის სამყაროდან (სიმღერაში მითითებულია თარიღი - 2005 წელი), სადაც დედამიწის მოსახლეობის რაოდენობა უკვე მეტისმეტია, ხოლო საკვები თითქმის არ არის. ჩანაწერის ხარისხი დაბალი იყო, რის გამოც ბევრი მოყვარული არასწორად განმარტავდა სიმღერის ტექსტებს. მუსიკალურად, სიმღერა ფსიქოდელიურ განწყობას ატარებს, ისევე, როგორც The Nile Song, პინკ ფლოიდის შემდეგი ევროპული სინგლი.

ჩანაწერი ჩარტებში წარუმატებელი იყო, რის გამოც პინკ ფლოიდს ამერიკული სინგლი 1979 წლამდე არ გამოუშვია. სინგლის B-მხარეზე ჩაწერილი იყო Careful with That Axe, Eugene, რომელსაც უფრო დიდი წარმატება ხვდა წილად.

Point Me at the Sky არ შეიტანეს 1971 წლის კრებულში Relics და გამოსცეს მხოლოდ 1992 წლის კრებულთან The Early Singles ერთად.

BBC-სათვის ჩაწერილი იქნა კომპოზიციის განსხვავებული ვერსია, თუმცა იგი ოფიციალურად არსად გამოსულა. გადაღებული იქნა სიმღერის ვიდეორგოლიც, რომელშიც ჯგუფის წევრები დაფრინავენ 1920-იანი წლების თვითმფრინავით. სურათები ამ სესიიდან გამოყენებული იქნა ბრიტანულ სინგლთან ერთად სხვადასხვა პრომო-აქციისათვის გამოცემულ მასალებსა და ევროპულ სინგლზე. მსგავსი კადრები გამოყენებულია ალბომის A Nice Pair გაფორმებასა და სტუდიური ალბომის A Saucerful of Secrets 1992 წლის გამოცემაში.

სიმღერის საკუთარი ვერსია 1982 წელს შეასრულა ლოს ანჯელესურმა ჯგუფმა Acid Casualties, რომელშიც უკრავდა ჯგუფ The Doors-ის გიტარისტი რობი კრიგერი. მათი ალბომი Panic Station იყო ლეიბლ Rhino Records-ის ერთ-ერთი პირველი პროდუქტი.

სიმღერების სია[რედაქტირება]

  1. Point Me At The Sky - 3:35
  2. Careful with That Axe, Eugene - 5:39

პერსონალი[რედაქტირება]

სქოლიო[რედაქტირება]

  1. Strong, Martin C. (2004). The Great Rock Discography, 7th, Edinburgh: Canongate Books, გვ. 1177. ISBN 1-84195-551-5. 
  2. Mabbett, Andy (1995). The Complete Guide to the Music of Pink Floyd. London: Omnibus Press. ISBN 0-7119-4301-X.