Comfortably Numb

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
„Comfortably Numb“
სიმღერა - პინკ ფლოიდი, ალბომიდან The Wall
გამოსვლის თარიღი 1979
ჩაიწერა აპრილი-ნოემბერი 1979
ჟანრი პროგრესული როკი
ხანგრძლივობა 6:23
ხმისჩამწერი ლეიბლი EMI
ავტორი როჯერ უოტერსი
პროდიუსერი ბობ ეზრინი, დევიდ გილმორი, ჯეიმზ გათრი და როჯერ უოტერსი
The Wall სიმღერები
Echoes: The Best of Pink Floyd სიმღერების სია
„Comfortably Numb“
სინგლი  - პინკ ფლოიდი
ალბომიდან The WallThe Wall
B-მხარე Hey You
გამოსვლის თარიღი 23 ივნისი, 1980
ფორმატი გრამფირფიტა
ჩაიწერა აპრილი-ნოემბერი 1979
ჟანრი პროგრესული როკი
ხანგრძლივობა 6:21 (ალბომი)
3:59 (სინგლი)
ლეიბლი EMI
სიმღერის ავტორი დევიდ გილმორი, როჯერ უოტერსი
პროდიუსერი ბობ ეზრინი, დევიდ გილმორი, ჯეიმზ გათრი, როჯერ უოტერსი
პინკ ფლოიდი - სინგლების ქრონოლოგია
Run Like Hell
(1980)
Comfortably Numb
(1980)
When the Tigers Broke Free
(1982)

Comfortably Numb (ქართ. კომფორტულად გაშეშებული) — ჯგუფ პინკ ფლოიდის სიმღერა 1979 წლის სტუდიური ალბომიდან The Wall. სიმღერა გამოვიდა სინგლის სახით. მის B-მხარეზე ჩაწერილი იყო სხვა სიმღერა იმავე ალბომიდან, Hey You. ეს არის ერთ-ერთი ალბომის სამი სიმღერიდან, რომლის ავტორებიც არიან როჯერ უოტერსი და დევიდ გილმორი. მელოდიის ავტორია გილმორი, ხოლო უოტერსმა ეს მელოდია დახვეწა და დაამატა ტექსტი. ეს არის ჯგუფის ერთ-ერთი ყველაზე ცნობილი სიმღერა, რომლის საგიტარო სოლოც ხშირად აღინიშნება რეიტინგებში.

ისტორია[რედაქტირება]

იმ დროს, როდესაც ალბომის The Wall სიმღერათა უმეტესობა მხოლოდ როჯერ უოტერსს ეკუთვნოდა, სიმღერის Comfortably Numb დიდი ნაწილი დაიწერა დევიდ გილმორის მიერ. სინამდვილეში, ეს სიმღერა იწერებოდა მისი პირველი სოლო-ალბომისთვის, მაგრამ გილმორმა იგი არ გამოიყენა და დატოვა დემო ჩანაწერის სახით.

აღსანიშნავია, რომ ეს სიმღერა, ისევე როგორც Mother, არ უერთდება რომელიმე სხვა სიმღერას ალბომიდან, სხვა სიმღერებისგან განსხვავებით. ეს, პირველ რიგში განპირობებულია იმით, რომ ორივე მათგანი ასრულებდა ფირფიტის თითო მხარეს და მათ შემდეგ აუცილებელი იყო პაუზის არსებობა.

სიმღერის ჩაწერისას გილმორმა და უოტერსმა ბევრი იკამათეს, რადგანაც გილმორს სურდა ოდნავ განსხვავებული ტექსტის ჩაწერა. გილმორის აღიარებით, ამ სიმღერის ჩაწერის დროს ორივე შეშლილივით კამათობდა.

სიუჟეტი[რედაქტირება]

The Wall არის ამბავი პინკის შესახებ, რომელიც არის საზოგადოებისგან გაუცხოებული როკ-ვარსკვლავი. იგი საზოგადოებისგან ფსიქოლოგიურ ბარიერს ქმნის, წარმოსახვითი კედლის სახით.

მოცემულ მომენტში პინკი მთლიანად პარალიზებულია და მოწყვეტილია საზოგადოებას, იხსენებს წარსულის ყველა შეცდომას და მძიმე მომენტს და იკეტება სასტუმროს ნომერში, სანამ გავა კონცერტზე. მას აკითხავს ექიმი, რომელიც აღმოაჩენს, რომ პინკი არ რეაგირებს არაფერზე და გულწასულია. ექიმი მას სპეციალურ ნემსს გაუკეთებს, რომელსაც პინკი გონს მოჰყავს, რათა მისმა ენერგიამ იმატოს. ტექსტი უფრო დიალოგის ხასიათს ატარებს, ექიმსა და პინკს შორის.

ფილმის ვერსია[რედაქტირება]

ფილმში პინკის ნომერში ჩნდებიან - მენეჯერი (ბობ ჰოსკინსი), სასტუმროს მენეჯერი, პარამედიკოსები და სხვა მენეჯერები, რომლებიც ცდილობენ, გონს მოიყვანონ პინკი. რადგანაც იგი არ რეაგირებს, მას უკეთებენ ნემსს და ძალით მოათავსებენ ლიმუზინში. აქ მას უკვე ნაცისტური ფორმა აცვია.

შუალედებში მაყურებელი ხედავს პინკის ბავშვობის სცენებს. ერთ-ერთ ასეთ სცენაში პინკი იხსენებს, როგორ იპოვა მომაკვდავი ვირთხა, რომლითაც დედა შეაშინა. მან ვირთხა ფარდულში დამალა და უვლიდა, მაგრამ მეორე დილით აღმოაჩინა, რომ იგი მკვდარია. ზოგიერთი ამტკიცებს, რომ ეს იყო თავად უოტერსის ცხოვრების ერთ-ერთი სცენა.

გიტარის სოლოები[რედაქტირება]

მუსიკალური ნაწყვეტები:

Comfortably Numb

ვერ ხსნით ფაილს? იხ. მედია მაშველი.

სიმღერაში ჟღერს გიტარისტ დევიდ გილმორი ორი ცნობილი სოლო, რომელიც ძალიან პოპულარული ჯგუფის მსმენელებში. აქედან მეორე სოლო ითვლება მსოფლიოში ერთ-ერთ საუკეთესოდ.

1989 წლისათვის ჯგუფის თაყვანისმცემელთა ჟურნალმა The Amazing Pudding Comfortably Numb დაასახელა პინკ ფლოიდის საუკეთესო სიმღერად.

ცოცხალი შესრულება[რედაქტირება]

დევიდ გილმორი[რედაქტირება]

დევიდ გილმორი ამ სიმღერას ასრულებდა თავის 1984 წლის ტურნედან 2006 წლის ტურნეს ჩათვლით - სხვადასხვა კონცერტზე, საკუთარ და პინკ ფლოიდის ტურნეებზე. 2006 წლის ტურნეს მსვლელობისას როჯერ უოტერსის სტროფებს ასრულებდა რიჩარდ რაიტი. ალბერტ ჰოლის კონცერტების დროს სიმღერა მოწვეული სტუმრის სახით დევიდ ბოუიმ შეასრულა.

როჯერ უოტერსი[რედაქტირება]

პირველად პინკ ფლოიდიდან წამოსვლის შემდეგ უოტერსმა „Comfortably Numb“ შეასრულა ბერლინში, ’’კედლის’’ საკუთარ დადგმაზე, 1990 წლის 21 ივლისს. ვენ მორისონი ამ გამოსვლისას ასრულებდა დევიდ გილმორის სტროფებს.

შემდეგ უოტერსმა ეს სიმღერა შეასრულა 1991 წელს, ’’გიტარების ლეგენდების’’ ფესტივალზე, ბრიუს ჰორნსბისთან ერთად. 1999 წლიდან სიმღერა შედიოდა როჯერის რეგულარულ სოლო-პროგრამაში, სრულდებოდა ტურნეებზე In the flesh და The Dark Side of the Moon Live (1999-2002, 2006-2008).

სიმღერა შედიოდა 2010-2011 წლების საკონცერტო პროგრამაში The Wall Live. 2011 წლის 12 მაისს გილმორი გამოვიდა უოტერსთან ერთად ლონდონში, დარბაზში O2, სადაც შეასრულა „Comfortably Numb“ და ფინალური Outside the Wall (ამ უკანასკნელს მათთან ერთად ასევე ნიკ მეისონიც ასრულებდა).

პერსონალი[რედაქტირება]

სქოლიო[რედაქტირება]

  1. Fitch, Vernon; Richard Mahon (2006-07-28). Comfortably Numb-A History of The Wall - Pink Floyd 1978-1981. PFA Publishing, Inc., გვ. 99. ISBN 0977736601. 
მოძიებულია „http://ka.wikipedia.org/w/index.php?title=Comfortably_Numb&oldid=2704357“-დან