The Division Bell
| The Division Bell | ||
 |
||
| The Division Bell | ||
| გამოცემის თარიღი | 28 მარტი, 1994 | |
| ჩაწერის თარიღი | 1993-1994 | |
| ჟანრი | პროგრესული როკი | |
| ხანგრძლივობა | 66:32 | |
| ლეიბლი | EMI | |
| პროდიუსერი | ბობ ეზრინი, დევიდ გილმორი | |
| ქრონოლოგია: პინკ ფლოიდი | ||
|---|---|---|
| A Momentary Lapse of Reason (1987) |
The Division Bell (1994) |
|
| სინგლები ალბომიდან The Division Bell | ||
|
||
| პროფესიონალური შეფასებები | |
|---|---|
| ქულები | |
| წყარო | რეიტინგი |
| Allmusic |   [1] |
The Division Bell (ქართ. განმყოფი ზარი) — ჯგუფ პინკ ფლოიდის დღეისათვის უკანასკნელი სტუდიური ალბომი, რომელიც გამოვიდა 1994 წელს. იგი ჩაიწერა ჯგუფის გიტარისტ დევიდ გილმორის მოცურავე სტუდიაში ასტორია. ბრიტანეთში ალბომი მოხვდა რეიტინგების პირველ ადგილზე. მისი გამოსვლის დღეს ჯგუფმა გამართა დღეისათვის უკანასკნელი მსოფლიო ტური, რომლის ერთ-ერთი კონცერტიც აღბეჭდილია ფილმში P•U•L•S•E, ხოლო ტურის საუკეთესო ჩანაწერები - ამავე სახელწოდების ალბომში.
სექციების სია |
ალბომის ისტორია[რედაქტირება]
სანამ ჯგუფში როჯერ უოტერსი იყო, დევიდ გილმორი ამტკიცებდა, რომ მუსიკა და ლირიკა გარკვეულ ბალანსშია ერთმანეთთან და ტექსტიც მუსიკაზე არანაკლებ მნიშვნელოვანი იყო. ალბომის The Division Bell ატმოსფერო ამ მხრივ უფრო ორიენტირებული იყო ე.წ. სპეის როკზე, ჟღერდა უფრო მეტად როგორც Meddle და Obscured by Clouds. სიმღერების ტექსტები ეკუთვნის ჟურნალისტ პოლი სემსონს, რომელიც იმ პერიოდში დევიდ გილმორთან მეგობრობდა. მოგვიანებით ისინი დაქორწინდნენ.
ამ ალბომზე რიჩარდ რაიტი პირველად, 1973 წლის შემდეგ, ასრულებს მთავარ ვოკალს და პირველად, 1972 წლის შემდეგ აქვს საკუთარი სოლო-სიმღერა.
კომპოზიცია Marooned აღინიშნა გრემის ჯილდოთი, როგორც 1994 წლის საუკეთესო ინსტრუმენტული კომპოზიცია როკ-მუსიკის ჟანრში. ეს დღემდე პინკ ფლოიდის ერთადერთი გრემის ჯილდოა - 2007 წელს მასზე წარდგენილი იყო დევიდ გილმორის კომპოზიცია Castellorizon (ალბომიდან On an island), მაგრამ მას ეს ჯილდო არ ერგო.
კომპანია EMI-ს ერთ-ერთი თანამშრომელი წლების განმავლობაში ჩნდებოდა ინტერნეტში სახელით Publius Enigma და ალბომთან დაკავშირებულ სხვადასხვა თავსატეხს აქვეყნებდა. ვინ იყო ეს ადამიანი - დღემდე უცნობია.
ყდა[რედაქტირება]
ყდა, ისევე როგორც პინკ ფლოიდის ალბომების ყდების უმრავლესობა, შესრულებულია სტორმ ტორგერსონის მიერ. მთავარ ფოტოსურათზე გამოსახულია ორი მექანიკური თავი, რომელიც ერთმანეთს აგრესიულად უყურებს. ისინი სპეციალურად გადაიღეს, კემბრიჯთან ახლოს, მინდორში, სადაც ფოტოსურათის რამდენიმე ვარიანტი დამზადდა. ამჟამად ეს თავები მოთავსებულია კლივლენდის როკ ენ როლის დიდების დარბაზში.
მთავარი ფოტოსურათი ვინილის ფირფიტაზე, კომპაქტ დისკზე და აუდიოკასეტაზე ერთმანეთისგან განსხვავებული იყო.
სიმღერების სია[რედაქტირება]
| # | სახელწოდება | ტექსტის ავტორ(ებ)ი | მუსიკის ავტორ(ებ)ი | ხანგრძლივობა |
|---|---|---|---|---|
| 1. | Cluster One | ინსტრუმენტული | გილმორი, რიჩარდ რაიტი | 5:58 |
| 2. | What Do You Want from Me | გილმორი, პოლი სემსონი | გილმორი, რაიტი | 4:21 |
| 3. | Poles Apart | გილმორი, სემსონი, ნიკ ლერდ-კლაუზი | გილმორი | 7:04 |
| 4. | Marooned | ინსტრუმენტული | გილმორი, რაიტი | 5:29 |
| 5. | A Great Day for Freedom | გილმორი, სემსონი | გილმორი | 4:17 |
| 6. | Wearing the Inside Out (წამყვანი ვოკალი: რაიტი) | ენტონი მური | რაიტი | 6:49 |
| 7. | Take It Back | გილმორი, სემსონი, ლერდ-კლაუზი | გილმორი, ბობ ეზრინი | 6:12 |
| 8. | Coming Back to Life | გილმორი | გილმორი | 6:19 |
| 9. | Keep Talking | გილმორი, სემსონი | გილმორი, რაიტი | 6:11 |
| 10. | Lost for Words | გილმორი, სემსონი | გილმორი | 5:14 |
| 11. | High Hopes | გილმორი, სემსონი | გილმორი | 8:31 |
|
სრული ხანგრძლივობა:
|
66:32 | |||
გრამფირფიტაზე ჩაწერილი ვერსიები განსხვავდება კომპაქტ დისკის ვერსიისგან იმით, რომ ოდნავ შემოკლებულია. ცვლილელები შეეხო სიმღერებს Poles Apart, Marooned, Coming Back to Life, A Great Day for Freedom, Wearing the Inside Out და High Hopes.
სინგლები[რედაქტირება]
- Take It Back / Astronomy Domine (საკონცერტო ვერსია) / Take It Back (შემოკლებული ვერსია) - Columbia 38-77493; (1994)
- High Hopes (რადიო ვერსია) / Keep Talking (რადიო ვერსია) / One of These Days (საკონცერტო ვერსია); (1994)
მუსიკოსები და თანაავტორები[რედაქტირება]
- დევიდ გილმორი – პროდიუსერი, ვოკალი, გიტარა, ბას გიტარა, კლავიშები
- რიჩარდ რაიტი – კლავიშები, ვოკალი, ფორტეპიანო
- ნიკ მეისონი – დასარტყამები, პერკუსია, პროგრამირება
- ჯონ კერინი – კლავიშები
- გაი პრეტი – ბას გიტარა
- გერი უოლისი – პერკუსია
- ტიმ რენვიკი – გიტარები
- დიკ პერი – საქსოფონი, საყვირი
- კეროლ კენიონი – დამატებითი ვოკალი და ვოკალი სიმღერაში Keep Talking
- სემ ბრაუნი – დამატებითი ვოკალი
- ბობ ეზრინი – დასარტყამი საკრავები, სიმღერის Take It Back ავტორი
- ენტონი მური - სიმღერის Wearing The Inside Out ტექსტი
- მაიკლ კემენი – ორკესტრის არანჟირება
- პროფესორი სტივენ ჰოუკინგი – ციფრული ხმა სიმღერაში Keep Talking
წარმატება[რედაქტირება]
ალბომი[რედაქტირება]
| წელი | რეიტინგი | პოზიცია |
|---|---|---|
| 1994 | ბრიტანული ალბომების სია | 1 |
| 1994 | აშშ ბილბორდის 200 საუკეთესო ალბომი | 1 |
სინგლები[რედაქტირება]
| წელი | სინგლი | რეიტინგი | პოზიცია |
|---|---|---|---|
| 1994 | Keep Talking | აშშ მეინსტრიმული როკის სიმღერები | 1 |
| 1994 | Take It Back | ბრიტანეთის სინგლების რეიტინგი | 23 |
| 1994 | Take It Back | აშშ მეინსტრიმული როკის სიმღერები | 4 |
| 1994 | Take It Back | აშშ ბილბორდის ცხელი 100-ეული | 73 |
| 1994 | High Hopes | ბრიტანეთის სინგლების რეიტინგი | 26 |
| 1994 | High Hopes | აშშ მეინსტრიმული როკის სიმღერები | 7 |
| 1994 | Lost for Words | აშშ მეინსტრიმული როკის სიმღერები | 21 |
| 1994 | What Do You Want from Me | აშშ მეინსტრიმული როკის სიმღერები | 16 |
რესურსები ინტერნეტში[რედაქტირება]
სქოლიო[რედაქტირება]
|
||||||||
