Pigs on the Wing

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
„Pigs on the Wing“
სიმღერა, შემსრულებელი პინკ ფლოიდი
ალბომი Animals
გამოსვლის თარიღი 23 იანვარი, 1977 (ინგლისი)
2 თებერვალი, 1977 (აშშ)
ჩაიწერა ნოემბერი 1976
ჟანრი პროგრესული როკი
ენა ინგლისური
ხანგრძლივობა 1:25 (თითო ნაწილი)
2:50 (ორივე ნაწილი ერთად)
3:25 (8 ფირიანი კასეტის ვერსია)
ხმისჩამწერი ლეიბლი Harvest / Capitol
ავტორი როჯერ უოტერსი
პროდიუსერი პინკ ფლოიდი
Animals სიმღერების სია

Pigs on the Wing — სიმღერა პინკ ფლოიდის ალბომიდან Animals. მისი ავტორია როჯერ უოტერსი. სხვადასხვა წყაროს თანახმად, იგი ეძღვნება როგორც უოტერსის ყოფილ, ასევე ახლა მეუღლეს, კეროლაინს.

კომპოზიცია[რედაქტირება]

მუსიკალური ნაწყვეტები:

Pigs on the Wing

ვერ ხსნით ფაილს? იხ. მედია მაშველი.

სიმღერა იყოფა ორ ნაწილად. პირველი ნაწილი ჟღერს ალბომის პროლოგის, ხოლო მეორე - მისი ეპილოგის სახით. ორივე მკვეთრ კონტრასტშია ალბომის სამ სხვა კომპოზიციასთან, ვინაიდან სრულდება მხოლოდ აკუსტიკურ გიტარაზე. იგი ასევე ითვლება ალბომის უფრო ნათელი განწყობის მატარებელ სიმღერად.[1]

გაყიდვაში ასევე იყო 8 ფირიანი კარტრიჯი - კასეტა, რომელზეც ალბომი რამდენიმეჯერ ზედიზედ იკვრებოდა. ამ ვერსიისათვის სიმღერების პირველი და მეორე ნაწილები გაერთიანებული იქნა სპეციალური გიტარის სოლოს დახმარებით, რომელიც გიტარისტმა სნოუი უაიტმა ჩაწერა.

1977 წლის საკონცერტო ტურნეზე, აშშ-ში დევიდ გილმორი ამ კომპოზიციას ასრულებდა ბას-გიტარაზე.

სიმღერის გაერთიანებული ვერსია, ორივე ნაწილით, მოხვდა სნოუი უაიტის 1995 წლის სტუდიურ ალბომში Goldtop: Groups & Sessions.

სქოლიო[რედაქტირება]

  1. Nicholas Schaffner, Saucerful of Secrets, 1992
მოძიებულია „http://ka.wikipedia.org/w/index.php?title=Pigs_on_the_Wing&oldid=2704927“-დან