ძირულა

ძირულა
მდინარე ძირულა სოფელ შროშასთან ჯაბა ლაბაძის ფოტო
ქვეყანა	საქართველო
ტერიტორიული ერთეულები	იმერეთის მხარე
სათავე	ლიხის ქედი 42°19′55″ ჩ. გ. 43°38′44″ ა. გ.
სათავის სიმაღლე	1252 მ
შესართავი	ყვირილა 42°05′51″ ჩ. გ. 43°04′32″ ა. გ.
სიგრძე	83 კმ
აუზის ფართობი	1270 კმ²
მდინარის სისტემა	ძირულა → ყვირილა → რიონი → შავი ზღვა
წყლის ხარჯი (საშ.)	26,6 მ³/წმ
— სათავე, — შესართავი
ძირულა ვიკისაწყობში

ძირულა — მდინარე დასავლეთ საქართველოში. მიედინება საჩხერის, ხარაგაულისა და ზესტაფონის მუნიციპალიტეტებში. სათავე აქვს ლიხის ქედის დასავლეთ კალთაზე, ზღვის დონიდან 1252 მ სიმაღლეზე. მდინარე ყვირილის მარცხენა შენაკადი. სიგრძე 83 კილომეტრი, აუზის ფართობი 1270 კმ². საზრდოობს თოვლის, წვიმისა და მიწისქვეშა წყლით. მთავარი შენაკადებია: დუმალა, ჩხერიმელა და ხელმოსმულა.

წყალდიდობა იცის გაზაფხულზე, წყალმცირობა — ზაფხულში, წყალმოვარდნები — შემოდგომა-ზამთარში. საშუალო წლიური ხარჯი სოფელ წევასთან — 26,6 მ³/წმ. იყენებენ სარწყავად. მდინარე ძირულის ხეობაშია გაშენებული სოფლები: ქვედა წევა, ბორითი, შროშა და სხვა. ძირულასა და დუმალის წყალგამყოფზე შემორჩენილია ფიჭვნარი.

ვახუშტი ბატონიშვილი ასე აღწერს მდინარე ძირულას:

„ძირულას მდინარე გამოსდის პერანგის მთასა, და ხეფინის ხევის ვერტყვილამდე აღვსწერეთ ქართლზედ, და ხეფინის ხევის ვერტვილიდამ ხარაგაულამდე დის სამხრეთს-დასავლეთ შუა და ხარაგაულიდან შორაპნამდე დის აღმოსავლეთიდან დასავლეთად.“