გალის წყალსაცავი

გალის წყალსაცავი
კოორდინატები: 42°39′24″ ჩ. გ. 41°48′17″ ა. გ.
მდებარეობა	საქართველო, გალის მუნიციპალიტეტი
ფართობი	8,2 კმ²
მოცულობა	145 კმ³
საშუალო სიღრმე	17,7 მ
მაქსიმალური სიღრმე	42,3 მ
აუზის ფართობი	166 კმ²
ჩამდინარე მდინარეები	ერისწყალი
გამომდინარე მდინარე	ერისწყალი

გალის წყალსაცავი — წყალსაცავი დასავლეთ საქართველოში, მდინარე ერისწყალზე, სოფელ რეჩხთან. აშენდა 1969 წელს. წყალშემკრები აუზის ფართობი 166 ათ. კმ², სარკის ფართობი 8,2 კმ², წყლის საერთო მოცულობა 145 მლნ მ³, სასარგებლო მოცულობა 110 მლნ. მ³, საშუალო სიღრმე 17,7 მ, უდიდესი სიღრმე 42,3 მ. საზრდოობს ძირითადად მდინარე ერისწყლისა და მდინარე ენგურის ჩამონადენით, რომელიც წყალსაცავში ჩაედინება ენგურჰესის დაწნევითი დერივაციული გვირაბით. გალის წყალსაცავის ფსკერი დაფარულია ალუვიონის სქელი ფენით. ნაპირები ზედა ნაწილში დამრეცია, ქვედაში — ციცაბო. აღინიშნება მეწყრული პროცესები. სანაპირო შემოსილია ბუჩქნარითა და მეორეული ტყით. გალის წყალსაცავი ჯვრის წყალსაცავთან ერთად ქმნის კასკადს, რომლის ძირითადი დანიშნულებაა მდინარე ენგურის ჩამონადენის მრავალწლიური და მდინარე ერისწყლის ჩამონადენის დღე-ღამური რეგულირება ენერგეტიკული მიზნებისთვის.

იხილეთ აგრეთვე

• საქართველოს წყალსაცავები

ლიტერატურა

• ჯავახიშვილი ა., ენციკლოპედია „საქართველო“, ტ. 1, თბ., 1997. — გვ. 537.