ერწოს ტბა
| ერწოს ტბა | |
|---|---|
.jpg)
| |
| კოორდინატები: 42°28′13″ ჩ. გ. 43°45′07″ ა. გ. / 42.470333° ჩ. გ. 43.752083° ა. გ. | |
| მდებარეობა |  საქართველო
|
| ტერიტორიული ერთეული | ჯავის მუნიციპალიტეტი (შიდა ქართლის მხარე) |
| სიმაღლე ზღვის დონიდან | 1710 მ |
| ფართობი | 0,31 კმ² |
| საშუალო სიღრმე | 2,1 მ |
| მაქსიმალური სიღრმე | 19 მ |
  | |
 | |
ერწოს ტბა — კარსტული ტბა საქართველოში, ჯავის მუნიციპალიტეტში.[1] მდებარეობს მდინარე ყვირილის აუზში, ზღვის დონიდან 1710 მ სიმაღლეზე.[2] ზედაპირის ფართობი 0,31 კმ². საშუალო სიღრმე 2,1 მ, მაქსიმალური სიღრმე 19 მ. აუზში განვითარებულია საშუალომთიანი რელიეფი. ტბას ერთვის 3 მუდმივი შენაკადი.[3]
ტბა მოქცეულია ერწო-წონის ქვაბულის ჩრდილო-დასავლეთ ნაწილში. აქვს განედური მიმართულებით გადაჭიმული არასწორი ოვალური ფორმა. ტბის წყლით გამოვსებულია 4 კარსტული ძაბრი, მათი შემჩნევა მახლობელი მთებიდანაც შეიძლება. საზრდოობს წვიმისა და თოვლის წყლით. მიწისქვეშა წყლების როლი ტბის მომარაგებაში შედარებით მცირეა.[4] ტბის წყლით საზრდოობს მდინარე ყვირილის ერთ-ერთი მდგენელი ერწოსწყალი. ტბის მაქსიმალური დონე მაის-ივნისშია, უმცირესი — აგვისტო-სექტემბერში. ზაფხულში კარგად თბება. წყალი სუსტად მინერალიზებულია. ზამთარში იყინება თითქმის 5 თვის განმავლობაში. ტბაში თევზი არ იცის. ერწოს ტბა შეტანილია „საქართველოს წითელ წიგნში“.[4] ტბის აღმოსავლეთით განლაგებულია სოფელი ერწო.
სქოლიო
[რედაქტირება | წყაროს რედაქტირება]- ↑ საქართველოს გეოგრაფიული სახელების ორთოგრაფიული ლექსიკონი, თბ., 2009. — გვ. 64.
- ↑ ილია აფხაზავა, ენციკლოპედია „საქართველო“, ტ. 3, თბ., 2014. — გვ. 95.
- ↑ Апхазава И. С. Озера Грузии. Тбилиси: Мецниереба, 1975. 181 с.
- 1 2 საქართველოს სსრ წითელი წიგნი, „საბჭოთა საქართველო“, გვ. 218, წ. 1982.