ალგეთის წყალსაცავი
| ალგეთის წყალსაცავი | |
|---|---|
 ალგეთის წყალსაცავი | |
| კოორდინატები: 41°35′27″ ჩ. გ. 44°30′41″ ა. გ. / 41.59083° ჩ. გ. 44.51139° ა. გ. | |
| მდებარეობა |  საქართველო, თეთრიწყაროს მუნიციპალიტეტი
|
| სიგრძე | 3,7 კმ |
| სიგანე | 0,4 კმ |
| მოცულობა | 65 კმ³ |
| ჩამდინარე მდინარეები | ალგეთი |
| გამომდინარე მდინარე | ალგეთი |
  | |
ალგეთის წყალსაცავი — წყალსაცავი მდინარე ალგეთზე. მდებარეობს ქვემო ქართლის მხარის თეთრიწყაროს მუნიციპალიტეტში, სოფელ ტბისის სიახლოვეს, ქალაქ თბილისიდან 60 კმ-ში. წყალსაცავის წყლის საერთო მოცულობა უდრის 65 მლნ. მ³-ს, სასარგებლო მოცულობა — 60 მლნ. მ³. სიგრძე 3,7 კმ, სიგანე 0,4 კმ. წყალსაცავზე გაედინება მდინარე ალგეთი. დაგეგმილია 1,1 მგვტ-იანი ალგეთის ჰიდროელექტროსადგურის აშენება.[1]. წყალსაცავის წყალი გამოიყენება საირიგაციოდ — ტბისი-კუმისი. აწვდის წყალს სოფლებს: ჯორჯიაშვილს, ასურეთს, ბორბალოს, კოდას, მარაბდას და სხვა. 2007 წელს მორწყა 6 ჰა მიწის ფართობი. 2012 წელს ალგეთის წყალსაცავზე ადგილობრივებმა შემთხვევით იპოვეს ადრეული შუა საუკუნეების დროინდელი ადამიანის თავის ქალა. სპეციალისტთა წინასწარი დასკვნით, ის ჩვენი წელთაღრიცხვის V-VI საუკუნეებით თარიღდება და 40 წლამდე მამაკაცს ეკუთვნის. წყალსაცავის ტერიტორიაზე არქეოლოგებმა სამარხებსა და ნამოსახლარებსაც მიაკვლიეს, რომლის მიხედვითაც დგინდება, რომ ამ შუა საუკუნეებში აქ დასახლება იყო.[2]
