მოლდოვა

მოლდოვის რესპუბლიკა Republica Moldova მოლდოვა
ჰიმნი: Limba noastră (ჩვენი ენა)
დედაქალაქი (და უდიდესი ქალაქი)		კიშინიოვი 47,28.91666747°00′ ჩ. გ. 28°55′ ა. გ.
ოფიციალური ენა(ები)		მოლდავური (რუმინული)
მთავრობა		საპარლამენტო რესპუბლიკა
-	პრეზიდენტი	ნიკოლაე ტიმოფტი
-	პრ.-მინისტრი	ვლადიმერ ფილატი
ფართობი
-	სულ	33,844 კმ2 (139-ე)
-	წყალი (%)	1.4
მოსახლეობა
-	2008 შეფასებით	4,128,047 (121-ე)
-	აღწერა	3,383,3321
-	სიმჭიდროვე	121,9 ად კაცი/კმ2 (87-ე)
მშპ (მუპ)		2007 შეფასებით
-	სულ	$9,367 მილიონი (141-ე)
-	ერთ მოსახლეზე	$2,962 (135-ე)
აგი (2007)		0.708 (საშუალო) (111-ე)
ვალუტა		ლეუ (MDL)
დროის სარტყელი		EET (UTC +2სთ.)
-	ზაფხულის (DST)	EET (UTC +3სთ.) (UTC)
ქვეყნის კოდი		MDA
Internet TLD		.md
სატელეფონო კოდი		373
1ამ რიცხვში არ შედის დნესტრისპირეთის და ქალაქ ბენდერის მოსახლეობა.

სახელწოდება

• ოფიციალური: მოლდოვის რესპუბლიკა, ეროვნული – Moldova; Republica Moldova.
• ეტიმოლოგია: მოლდოვა ჰქვია მეზობელი რუმინეთის ერთ-ერთ უდიდეს რეგიონს, რომელმაც სავარაუდოდ სახელი მდინარისაგან მიიღო. არსებობს მოსაზრება, რომ მდინარის ეს სახელწოდება აიხსნება მადნის (გერმანულად Molde) იმ შენარევებით, რომელიც მას თან მოაქვს.

გეოგრაფია

ქვეყანა სამხრეთ-აღმოსავლეთ ევროპაში. აღმოსავლეთით ესაზღვრება უკრაინას, დასავლეთით - რუმინეთს. ფართობი შეადგენს 33.700 კვ.კმ-ს. რუმინეთთან მისი საზღვარი გადის მდინარეებზე პრუტსა და დუნაიზე. ქვეყნის უმაღლესი მწვერვალია დეალულ ბელენეშტი - 430 მ.

სახელმწიფო

• სახელმწიფო სისტემა - განვითარებადი დემოკრატია.
• სახელმწიფოს მეთაური - პრეზიდენტი.
• საკანონმდებლო ორგანო - ერთპალატიანი პარლამენტი (101 წევრი).

ტერიტორიული მოწყობა

მოლდოვის ადმინისტრაციულ-ტერიტორიული ერთეულებია: 9 ოლქი (judetul), 1 ავტონომიური ტერიტორიული ერთეული (unitate teritoriala autonoma - გაგაუზია) და 1 ტერიტორიული ერთეული (unitate teritoriala - დნესტრისპირეთი).

დემოგრაფია

• მოსახლეობა - 4.439.000 (2003), მათ შორის 64% მოლდაველი, 14% უკრაინელი, 13% რუსი.
• სახელმწიფო ენა - მოლდავური (რუმინული). სხვა ენები - რუსული, უკრაინული, გაგაუზური.
• რელიგია - მართლმადიდებლობა.
• დედაქალაქი - კიშინიოვი (772 ათასი). დიდი ქალაქები - ტირასპოლი (210 ათასი), ბელცი (175 ათასი), ტიგინა (145).

ეკონომიკა

მოლდოვაში ხელსაყრელი კლიმატური პირობებია, რაც სოფლის მეურნეობის განვითარების საშუალებას იძლევა, ამიტომ ქვეყნის ექსპორტში ჭარბობს კვების პროდუქტები, ღვინო, ტექსტილი, თამბაქო. აქვს მცირე მოცულობის მინერალური რესურსები - ფოსფორიტი, თაბაშირი, კირქვა. ენერგომატარებლებს (გაზი, ნავთობი, ქვანახშირი) ძირითადად რუსეთიდან იღებს. ეროვნული ვალუტაა მოლდოვური ლეი (MDL).

უახლესი ისტორია

1991 წელს გამოაცხადა დამოუკიდებლობა, რასაც მოჰყვა სეპარატისტული მოძრაობების გააქტიურება ქვეყნის სხვადასხვა რეგიონებში. იმავე წელს დნესტრისპირეთის სლავურმა მოსახლეობამ გამოაცხადა დნესტრისპირეთის მოლდავური რესპუბლიკა, რომელთა სტატუსზე დღემდე მიმდინარეობს მოლაპარაკებები. 1994 წელს მოლდოვის პარლამენტმა მიიღო კანონი გაგაუზიის ტერიტორიული ავტონომიის შესახებ.

კულტურა

თანამედროვე მოლდოვის კულტურულ ტრადიციებში ძალიან მნიშვნელოვანია კლასიკური რუმინული კულტურის ზეგავლენა, რაც აიხსნება მოსახლეობის უმრავლესობის რუმინული წარმოშობით.

ტურიზმი

მთავარი სტატია : მოლდოვის ტურიზმი.

ვიკისაწყობში^? არის გვერდი თემაზე:

მოლდოვა