ქვემო ხვითის წმინდა გიორგის ეკლესია

From ვიკიპედია
Jump to navigation Jump to search

ქვემო ხვითის წმინდა გიორგის ეკლესია – ეკლესია გორის მუნიციპალიტეტის სოფელ ქვემო ხვითის განაპირას, აღმოსავლეთით. თარიღდება გვიანდელი ფეოდალური ხანით.

ეკლესია დარბაზულია (12,2 X 7,2 მ), ნაგებია რიყის ქვით, კუთხეები, კარი და სარკმლები ამოყვანილია ტუფის ქვით. არქიტრავით გადახურული შესასვლელი დასავლეთითაა, თითო თაღოვანი სარკმელი - აღმოსავლეთითა და დასავლეთით, ორი სამხრეთით. აფსიდში, სარკმლის ორივე მხარეს, თითო ოთკუთხა ნიშია. დარბაზის გრძივ კედლებზე ორი წყვილი ორსაფეხურიანი პილასტრია. კამაროვანი გადახურვა ემყარება დარბაზის შუა საბჯენ და დასავლეთ კედლის თაღებს და აფსიდის ორსაფეხურიან იმპოსტებზე დაყრდნობილ სატრიუმფო თაღს. ეკლესიაზე დასავლეთის მხრიდან მიდგმულია ოთხ სვეტზე დაყრდნობილი კვადრატული აგურით ნაგები ორსართულიანი სამრეკლო.

ლიტერატურა[edit | edit source]

  • საქართველოს ისტორიის და კულტურის ძეგლთა აღწერილობა, ტ. 5, თბ., 1990 წ.