ზეღდულეთი

სოფელი
ზეღდულეთი
ქვეყანა	საქართველო
მხარე	შიდა ქართლის მხარეშიდა ქართლის მხარე
მუნიციპალიტეტი	გორის მუნიციპალიტეტი
თემი	ზეღდულეთი
კოორდინატები	42°03′11″ ჩ. გ. 44°13′21″ ა. გ.
ცენტრის სიმაღლე	700 მ
მოსახლეობა	872 კაცი (2014)
ეროვნული შემადგენლობა	ქართველები 97,5 % ოსები 1,9 %
სასაათო სარტყელი	UTC+4
სატელეფონო კოდი	+995

ზეღდულეთი — სოფელი აღმოსავლეთ საქართველოში, გორის მუნიციპალიტეტის ზეღდულეთის ადმინისტრაციულ ერთეულში (შიდა ქართლის მხარე).

მდებარეობს ტირიფონის ვაკეზე, მდინარე ბერშოულის (მეჯუდის მარცხენა შენაკადი) მარცხენა ნაპირას, ზღვის დონიდან 700 მ-ზე, ქალაქ გორიდან 15 კმ-ში.

სოფელი XVIII საუკუნის წერილობით წყაროებში იხსენიება სხვადასხვა ფორმით: ზევდულეთი („განჩინება ამირინდო ამილახორისა და მისი ბიძაშვილების ყმა-მამულის საქმეზე“, 1754), ზღდულეთი (ვახუშტი ბატონიშვილის „აღწერა სამეფოსა საქართველოსას“ თანდართული სოფლების სია), ზღუდლეთი (იოანე ბატონიშვილის „ქართლ-კახეთის აღწერა“).

ზეღდულეთის ჩრდილოეთით დგას ღვთისმშობლის ერთნავიანი („მცირე“) ეკლესია. მის სიახლოვეს ნასოფლარის ნაშთებია. სოფლის შუაში, სასაფლაოზე, ღვთისმშობლის ერთნავიანი („დიდი“) ეკლესიაა. ორივე ეკლესია გვიანდელ შუა საუკუნეებს მიეკუთვნება.

დემოგრაფია

2014 წლის აღწერის მონაცემებით, სოფელში ცხოვრობს 872 ადამიანი.

აღწერის წელი	მოსახლეობა	კაცი	ქალი
2002	1052	526	526
2014	872	449	423

იხილეთ აგრეთვე

• ზეღდულეთის ღვთისმშობლის დიდი ეკლესია
• ზეღდულეთის ღვთისმშობლის მცირე ეკლესია
• ზეღდულეთი (ნასოფლარი)

ლიტერატურა

• ენციკლოპედია „საქართველო“, ტ. 3, თბ., 2014. — გვ. 364.