ქვემო ნიქოზის წმინდა გიორგის ეკლესია

მასალა ვიკიპედიიდან — თავისუფალი ენციკლოპედია
Jump to navigation Jump to search

ქვემო ნიქოზის წმინდა გიორგის ეკლესია — ეკლესია გორის მუნიციპალიტეტის სოფელ ქვემო ნიქოზის განაპირას, სამხრეთ-აღმოსავლეთით. თარიღდება გვიანდელი ფეოდალური ხანით.

ეკლესია დარბაზულია (8,5 X 6 მ), ნაგებია რიყის და ტუფის ქვით. შენობა ძლიერ დაზიანებულია: ჩანგრეულია კამაროვანი გადახურვა, დანგრეულია ჩრდილოეთ და სამხრეთ კედლების ზედა ნაწილი, დარღვეულია იატაკის დონე. არქიტრავით გადახურული შესასვლელი სამხრეთითაა, თაღოვანი სარკმლები - აღმოსავლეთით, სამხრეთითა და დასავლეთით. ნახევარწრიული აფსიდის სარკმლის ორივე მხარეს თითო ოთხკუთხა ნიშია. დარბაზის გრძივი კედლები შირიმის ქვით ნაწყობი პილასტრებით დაახლოებით ორ ტოლ ნაწილადაა გაყოფილი. პილასტრებს ტუფის კაპიტელები აქვთ, იმპოსტებზე ვარდულებია ამოკვეთილი. აღმოსავლეთის ფასადზე, ტუფის ქვაზე, გამოსახულია რელიეფური მაღალი ჯვარი. მის ქვემოთ დაზიანებული ასომთავრული წარწერაა (არ იკითხება). ეკლესიას შემოვლებული აქვს შირიმის ქვით ნაწყობი თაროსებრი ლავგარდანი.

ლიტერატურა[რედაქტირება | წყაროს რედაქტირება]

  • საქართველოს ისტორიის და კულტურის ძეგლთა აღწერილობა, ტ. 5, თბ., 1990 წ.