ხელთუბნის პეტრე მოციქულის ეკლესია

მასალა ვიკიპედიიდან — თავისუფალი ენციკლოპედია
Jump to navigation Jump to search

ხელთუბნის პეტრე მოციქულის ეკლესია – ეკლესია გორის მუნიციპალიტეტის სოფელ ხელთუბნის ცენტრში. თარიღდება გვინფეოდალური ხანით.

ეკლესია დარბაზულია (25 X 15,8 მ), ნაგებია რიყის ქვით და აგურით. დანგრეულია ეკლესიის დასავლეთის და სამხრეთის კედლები. ეკლესიის თაღოვანი კარი ჩრდილოეთ კედელშია, ნახევარწრიული აფსიდის სარკმელი თაღოვანია. სარკმლის ორივე მხარეს წყვილი ოთკუთხა ნიშია. საკურთხევლის გვერდებზე აფსიდიანი სამკვეთლო და სადიაკვნეა, რომლებიც დარბაზს კარებით უკავშირდებიან. მათ თავზე, დარბაზის მხარეს, ღია სამალავებია. სამკვეთლოსა და სადიაკვნეს აფსიდებს თაღოვანი სარკმლები აქვთ. სარკმლების ორივე მხარეს თითო ოთკუთხა ნიშია. ეკლესიის შეისრული სატრიუმფო თაღი აგურითაა ნაგები.

ლიტერატურა[რედაქტირება | წყაროს რედაქტირება]

  • საქართველოს ისტორიის და კულტურის ძეგლთა აღწერილობა, ტ. 5, თბ., 1990 წ.