ტირძნისის სამების ეკლესია

მასალა ვიკიპედიიდან — თავისუფალი ენციკლოპედია
Jump to navigation Jump to search

ტირძნისის სამების ეკლესია – ეკლესია გორის მუნიციპალიტეტის სოფელ ტირძნისში, დგას სოფლის განაპირას, ჩრდილო-აღმოსავლეთით.

აშენებულია 1892 წელს. ეკლესია დარბაზულია (8,6 X 5,6 მ), ნაგებია რიყის ქვით, კუთხეები, სარკმლის საპირეები და ლავგარდანი თლილი ტუფის ქვისაა. ეკლესიას შესასვლელი სამხრეთიდან აქვს. ნახევარწრიულ აფსიდის ღერძზე სარკმელია. თითო სარკმელი დასავლეთ და სამხრეთ კედელშიც არის. ცილინდრული კამარის საბჯენი თაღი დასავლეთ კედლისა და გრძივი კედლების პილასტრებს ეყრდნობა. დასავლეთ ფასადის სარკმლის თავზე ჯვრის რელიეფური გამოსახულებაა. ფრონტონის წვერზე დგას ეკლესიის ქვაში გამოკვეთილი მაკეტი. სახურავი ორფერდაა, გადახურულია ღარიანი კრამიტით.

ლიტერატურა[რედაქტირება | წყაროს რედაქტირება]

  • საქართველოს ისტორიისა და კულტურის ძეგლთა აღწერილობა, ტ. 5, თბ., 1990.

რესურსები ინტერნეტში[რედაქტირება | წყაროს რედაქტირება]