ივერია (ვაზის ჯიში)
ივერია — ქართული თეთრყურძნიანი სელექციური სასუფრე ვაზის ჯიში.
მშობელ წყვილებად გამოყენებულია განჯური და ალექსანდრიული მუსკატი. ავტორები: მაქსიმე და რევაზ რამიშვილები.
ბოტანიკური აღწერა[რედაქტირება | წყაროს რედაქტირება]
ზრდასრული ფოთოლი დიდი ზომისაა, ხუთნაკვთიანი. ფოთლის ქვედა მხარე სუსტადაა შებუსული. ყვავილი ორსქესიანია. მტევანი საშუალოზე დიდი ზომისაა, ცილინდრული და საკმაოდ კუმსი. მარცვალი დიდი ზომისაა, მსხვილი, ოვალური ფორმის, მომწვანო-მოყვითალო შეფერვის. კანი თხელი და ნაკლებად მკვრივი აქვს, რბილობი — ხორციანი და ნაკლებადწვნიანი, მკვეთრად გამოხატული მუსკატური გემოთი.
სავეგეტაციო პერიოდი კვირტის გაშლიდან სრულ სიმწიფემდე 184 დღეა. ვაზი საშუალოზე ძლიერი ან ძლიერი ზრდისაა. უხვმოსავლიანია.
იძლევა მაღალხარისხიან სასუფრე ყურძენს.
ლიტერატურა[რედაქტირება | წყაროს რედაქტირება]
- უჯმაჯურიძე ლ., კაკაბაძე გ., მამასახლიშვილი ლ., „ქართული ვაზის ჯიშები“, თბ., 2018, გვ. 550