აკრა

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
Disambig-dark.svg სხვა მნიშვნელობებისთვის იხილეთ აკრა (მრავალმნიშვნელოვანი).
დედაქალაქი
აკრა
Accra
Central accra-2.jpg
ქვეყანა განის დროშა განა
შიდა დაყოფა Ablekuma Central, Ablekuma North, Ablekuma South, Ashiedu Keteke, Ayawaso Central, Ayawaso East, Ayawaso West, La Nkwantanang Madina, Okaikwei North, Okaikwei South და Korle Klottey
კოორდინატები 5°33′00″ ჩ. გ. 0°12′00″ დ. გ. / 5.55000° ჩ. გ. 0.20000° დ. გ. / 5.55000; -0.20000
ფართობი 185 კმ²
ცენტრის სიმაღლე 61 მ.
ოფიციალური ენა ინგლისური ენა[1]
მოსახლეობა 2,291,352[2][3][4] კაცი (2013)
სიმჭიდროვე 9,589.2/კმ2 კაცი/კმ²
აგლომერაცია 2,905,726
სასაათო სარტყელი UTCUTC
სატელეფონო კოდი 030
ოფიციალური საიტი ama.gov.gh
აკრა — განა
აკრა

აკრა (ინგლ. Accra) — განის დედაქალაქი და უდიდესი ქალაქი. 2013 წლის ცენზის მიხედვით ქალაქში ცხოვრობდა 2,291,352 კაცი. ქალაქის გარშემო არსებული აგლომერაცია და უშუალოდ დედაქალაქი, წარმოადგენს დიდ აკრას. ქალაქი აკრა აგრეთვე არის ამავე სახელწოდების რეგიონის ადმინისტრაციული ცენტრი. აკრის რეგიონში დაახლოებით სამი მილიონი ადამიანი ცხოვრობს, რაც ამ მხარეს განაში ყველაზე მჭიდროდ დასახლებულ ადგილად აქცევს.

ქალაქი აკრა წარმოადგენს, ქვეყნის ეკონომიკურ, პოლიტიკურ და კულტურულ ცენტრს. ეს დასახლება აგრეთვე არის ქვეყნის მთავარი სატრანსპორტო ცენტრიც, ქალაქიდან რამდენიმე კილომეტრში არის საერთაშორისო აეროპორტი.

XV საუკუნეში ამ ტერიტორიაზე პორტუგალიელებმა დასახლება დააარსეს, სწორედ ამ ტერიტორიიდან ისინი ეწეოდნენ ვაჭრობას. მომდევნო ორი საუკუნის განმავლობაში ამ ადგილებისთვის სამი სახელმწიფო: პორტუგალია, დანია და დიდი ბრიტანეთი ერთმანეთში დაობდა. თავიანთი პოზიციის განმტკიცების მიზნით თითოეულმა მხარემ, ამ ადგილებში ციხესიმაგრეების აგება დაიწყო. 1600 წლიდან აკრა ხდება ამ მხარეში უმსხვილესი სავაჭრო ცენტრი. 1850 წლიდან დასახლება ინგლისური კოლონია ოქროს ნაპირის ადმინისტრაციული ცენტრია. აკრა თანდათანობით მნიშვნელოვნდა გაფართოვდა. 1862 წელს მომხდარმა მიწისძვრამ ქალაქი მნიშვნელოვნად დააზიანა.

განის დამოუკლიდებლობის შემდეგ, აკრაში მრავალი თანამედროვე შენობა აიგო.

აკრა გაშენებულია გვინეის ყურის სანაპირო ზოლში. ქალაქში კლიმატი ეკვატორულია, აქ ყოველწლიური ნალექების რაოდენობა 1000 მმ-ს შეადგენს. ქალაქიდან რამდენიმე კილომეტრში მდებარეობს მდინარე ვოლტა.

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. https://books.google.com.gh/books?id=TZWwKiOqJBUC&pg=PA49&dq=official+language+of+Ghana&hl=en&sa=X&ved=0ahUKEwjSy_2Wsb3VAhWjBcAKHffADNcQ6AEINTAD#v=onepage&q=official%20language%20of%20Ghana&f=false
  2. World Gazetteer online. World-gazetteer.com. წაკითხვის თარიღი: 1 იანვარი, 2012.
  3. Population of Accra, Ghana. GeoNames. წაკითხვის თარიღი: 22 ივლისი, 2010.
  4. Ghana. Thomas Brinkhoff. დაარქივებულია ორიგინალიდან - 14 ივლისი, 2010. წაკითხვის თარიღი: 22 ივლისი, 2010.
მოძიებულია „https://ka.wikipedia.org/w/index.php?title=აკრა&oldid=3125900“-დან