ტუნისი (ქალაქი)

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
ქალაქი
ტუნისი
تونس
Kasbah of Tunis View.jpg
ქვეყანა ტუნისის დროშა ტუნისი
ვილაიეთი ტუნისი
კოორდინატები 36°48′00″ ჩ. გ. 10°11′00″ ა. გ. / 36.80000° ჩ. გ. 10.18333° ა. გ. / 36.80000; 10.18333
მერი აბას მოჰსენი
ფართობი 212.63 კმ²
სიმაღლე 4
მოსახლეობა 1,200,000 კაცი (2008)
აგლომერაცია 3,980,500
დროის სარტყელი UTC+1
ოფიციალური საიტი www.commune-tunis.gov.tn/

ტუნისი (ქალაქი) მდებარეობა ტუნისი

Red pog.svg

ტუნისი (არაბ. تونس‎‎) — ტუნისის დედაქალაქი და უდიდესი ქალაქი, ეს დასახლებული პუნქტი წარმოადგენს ამავე სახელწოდების ვილაიეთის ადმინისტრაციული ცენტრს. 2008 წლის აღწერის მიხედვით, აქ ცხოვრობდა 1,200,000 კაცი, ხოლო ტუნისის ურბანულ არეში 3,980,500 ადამიანი.

ქალაქი მდებარეობს ხმელთაშუა ზღვის სანაპირო ზოლში, რაც აქ არსებულ კლიმატზე უდიდეს გავლენას ახდენს. აქვე არის ტუნისის ყურე. ქალაქის სიახლოვეს მდებარეობს ტუნისის ტბა. ამ დასახლებული პუნქტის სიახლოვეს არის ქალაქი ჰალკ-ელ-უედი. ქალაქ ტუნისის სიახლოვეს მდებარეობს ანტიკური დასახლება კართაგენი, რომელიც 1979 წელს იუნესკომ მსოფლიო მემკვიდრეობის ძეგლთა სიაში შეიყვანა.

ქალაქის სიახლოვეს არსებობს მრავალი ძველი, სამარხი, აბანო და ამფითეატრი. ამ ტერიტორიაზე დასახლება ჯერ კიდევ ჩვენს ერამდე 8000 წლის წინ არსებობდა. ძველი წელთაღრიცხვის მეორე ათასწლეულში აქ ბერბერები დასახლდნენ. მოგვიანებით უკვე აქ არსებული ქალაქი შევიდა კართაგენისა და ნუმიდიის სახელმწიფოების შემადგენლობაში. ნუმიდიის სახელმწიფოს დამარცხების შემდეგ, ეს დასახლება უშუალოდ კართაგენის ნაწილი გახდა. მესამე პუნიკური ომის შემდეგ, მოხდა კართაგენის მარცხი რომთან, რომაელებმა აქ არსებული ქალაქი დაანგრიეს. ახალი წელთაღრიცხვის მე-7 საუკუნისთვის ჩრდილოეთი აფრიკა, მათ შორის ტუნისიც მოექცა არაბების გავლენის ქვეშ. აქ დაარსდა პორტი, რამაც ვაჭრობის განვითარებას მნიშვნელოვნად შეუწყო ხელი. 973 წლიდან ამ ტერიტორიას ზირედების დინასტია მართავდა. 1121 წლიდან ჩრდილოეთ აფრიკის ნაწილის ტერიტორიაზე შეიქმნა ალმოჰადების სახალიფო, ქალაქი ტუნისი ამ ახალ სახელმწიფოში გაერთიანდა. 1229-1574 წლებში ტუნისს განაგებდნენ ჰაფსიდები. ამ პერიოდში ქალაქის ფუნქციები მნიშვნელოვნად გაიზარდა, სწორედ ტუნისს ეკისრებოდა ვაჭრობის მხრივ ერთ-ერთი უმნიშვნელოვანესი როლი ამ რეგიონში. XVI საუკუნესთვის ტუნისი მოექცა ოსმალეთის იმპერიის შემადგენლობაში. ოსმალთა მმართველობის შემდეგ, ქალაქი 1881 წელს ფრანგების ხელში გადავიდა, ფრანგულ პერიოდში მნიშვნელოვნად გაიზარდა ქალაქ ტუნისის ფართობი.

ამ დასახლებაში, ისლამურთან ერთად იგრძნობა დასავლური არქიტექტურაც. სწორედ აქ არის ბარდოს ეროვნული მუზეუმი. ქალაქ ტუნისში მრავლად არის მეჩეთები. ფრანგების მმართველობის პერიოდში, გაფართოვდა ტუნისის ქუჩები.

რესურსები ინტერნეტში[რედაქტირება]